La Usc di Ladins

Curs de pitöra alaleria
Cun l’artista Jutta Valentini dai 28 de messé ai 1. de agost dales 14:00 ales 18:00. Por interessá y interessades dai 14 insö
Le curs organisé dal’uniun EPL–Ert por i Ladins inviëia i partezipanc y les partezipantes da depënje na odüda alaleria, olache al vëgn naota analisé ejëmpli de laurs. Do che an á chirí fora n bel post da depënje, se dán jö cun le stüde dles destanzes, le valur di corusc y l’atmosfera dl momënt. Prisc de partezipaziun: 50,00 Euro. Post: local di cursc tl Istitut Ladin Micurá de Rü, infos y prenotaziuns pro le nr. tel. 346 8037304, e-mail: jutta@valentini.cc

Mostra »NERO NATURA – L’urlo silenzioso della Terra«
L Circolo–Lia Mostra d’Ert nvieia ala giaurida dla mostra de Gaia Lionello »FOSCH NATURA – L bredl chiet dla tiera« n vënderdi ai 1. de agost dala 18:00
Purtruep vivons te n tëmp te chël che desdrù la tiera ie deventà n’usanza, nia plu n’ezezion. Uni dì giapen pea coche l vën sfrutà l grunt, mpazià l’ega y l’aria, coche l sparësc la biodiverscità y n se damanda ciuldì che la politica ne feje nia velch per l bën dla tiera? Can capirons’a che l mumënt per mudé zeche ie śën – nia duman, nia te vint ani?
Chësta mostra ne dà deguna respostes definitives. La ie na secuënza de dumandes da ti cialé.
Tres la pitura, la fotografia y la nstalazions uel l’opres metudes ora descedé la cusciënza y purté a na reflescion de prëscia sun ce viers che son tl lëur de to coche sozietà globela.
La mostra resterà da udëi nchin ai 24 de agost, dal merdi nchin la dumënia dala 16:00–19:00 y de sada y dumënia nce danmesdi, 10:00–12:00.

Curs de ilustraziun
Cun l’artista Silvia Baccanti. Davert a dötes y düc dai 14 agn insö, numer stlüt de partezipaziun
Te sál bel da dessigné y/o da cunté stories? Aste interes da descurí le monn di libri da n punt de odüda nü? Ne saste gonot nia co muete man n dessëgn, mo al te savess bel da imparé? Sce t’as respognü de sce almanco un n iade, spo é chësc le der curs por te! L’artista y ilustradëssa Silvia Baccanti da Corvara tignará le curs por döes finsdledema, ai 26-27 de messé, y ai 2-3 d’agost 2025, sabeda y domënia, dales 13:00 ales 18:00 tl local di cursc dl Istitut Ladin Micurá de Rü a San Martin de Tor. Prisc: 70,00 Euro (material lapró). Organisaziun: EPL–Ert por i Ladins, informaziuns y prenotaziuns: tel. 349 6077942.

Bal dles Stries sön Börz
En doman sabeda ai 26 de messé él indô ora da s’incunté sön Börz al Bal dles Stries
Le program mët man dales 15:00 cun jüc por pici y gragn y le marcé d’artejanat. Dedô jarára inant cun sonns plü da zacan dla opereta ladina »Ciastel dles stries«, portada dant da André Comploi sön les usc dl Cor Antervoisis. La sëra musicala mët spo man dales 19:30 cun melodies desvalies.
En chësc ann él gnü metü a jí n concurs de dessëgn tles scores elementares dla valada. Tratan döt le de gnarál metü fora i 30 dessëgns plü bi, y dales 17:00 gnarál fat la premiaziun. Gnide a ti ciaré, al paia la mëia! S’odun en sabeda, ai 26 de messé sön Börz, a odëi sce te vëgnes ince tö striné?

Musiga ladina te plaza
En gaujiun dla kermesse culinara dles uniuns »La Pli te Taí«, 
en vëndres ai 1. de agost 2025, dales 18:00 ales 24:00, alaleria
Do cater agn de palsa, vëgn indô düc inviá al conzert »Musiga ladina te plaza«, organisé en chësc iade dal’EPL-Ert por i Ladins tla cornisc dl proiet cultural y sozial PNRR »La Pl, n tesur da descurí«. La manifestaziun mët man dales 18:00 cun »La Pli te Taí« y intra­tenimënt cun le grup musical acustich d’Al Plan »Da Piz a Ciantun«. Inant jarara dales 20:30 cun le conzert sön paiun di ciantauturs y grups pop-rock-folk ladins: Idemorvëia, Laura Willeit y Hubert Dorigatti, Hubert y Lucia, Ethnique Techniques, Anita Obwegs, The Zanzis (Gherdëna) y Alexander Dal Plan cun band. Da aldí saral en chësc ann esclusivamënter cianties originales ladines, en gran pert scrites dai ciantauturs y grups instësc.

»Magnificat« cianté y soné
A Badia y Al Plan vëgnel tigní dui conzerc dl Cor Kerygma cun la Orchestra Val Badia y compagns, olache al vëgn porté dant le »Magnificat« de Kim André Arnesen
Le Cor Kerygma cun la Orchestra Val Badia y compagns inviëia dër bel a dui conzerc, olache al gnará porté dant le »Magnificat« de Kim André Arnesen. I apuntamënc é por en vëndres al 1. d’agost dales 21:00 te dlijia de Badia y la domënia ai 3 d’agost dales 21:00, te dlijia d’Al Plan. Cor y Orchestra é sot la direziun de Bruno Rives y sciöche solista podarán aldí Barbara Gasser. I conzerc vëgn organisá en colaboraziun cun le Consëi Cul­tural tl Comun de Badia. L’entrada é debann, cun spënora de bona man.

»Enßle y Lamprecht« a La Val
Festival Badiamusica: le duo Anne Suse Enßle y Philipp Lamprecht é da aldí ai 27 de messé dales 19:00 te dlijia de Santa Berbura y dales 20:30 tla »Ostaria vedla«
Le ciampaní ciamó mantigní dla dlijia vedla (nominada tl 1382) cun la calonia da inlaota y la dlijia de Santa Berbura, che é deventada le punt de referimënt de La Val, abelësc la fraziun plü vedla dl paisc. Sëgn s’á ince l’ostaria sö Dlijia vedla – la »Ostaria vedla 1445« descedé da so sonn lunch.
Cun la musiga fora dl tëmp dles origines de chësc post storich, portada dant dal duo Enßle-Lamprecht, pón vire danü les saus y les tradiziuns de chël tëmp. En domënia ai 27 de messé dales 19:00 portai dant tla dlijia de Santa Berbura la »Nikodemuspassion«; dedô, ales 20:30, sarál da aldí tla »Ostaria vedla« deplü toc sot al titul »Vinum et amor«.

Sëra de musiga, imajes y poesia
Le festival Badiamusica pîta en lönesc ai 28 de messé dales 21:00 musiga di »Unknown Brass«, fotografies de Sepp Hackhofer y rezitaziuns de Toni Taschler, te Ciasa dla cultura a La Ila
Sot al titul »The View Beyond« gnarál pité na serada cun combi­naziun danter musiga, imajes y poesia, che cheriëia n caleidoscop di sënsc, na vijiun »sura la realté«. Cun le ritm dles sajuns vëgnel descedé emoziuns particolares.
An pó aldí, odëi y aziché l’in­can­tejim y la belëza dles pices cosses y di gragn contesć. Le proiet dl grup »Unknown Brass«, dl fotograf dla natöra Sepp Hack­hofer y dl rezitadú Toni Taschler devënta na esperiënza sinestetica, che ti pormët al publich na osser­vaziun contem­plativa y na cosciënza sota.

»Uma Tera« cun le duo Gota
Jan y Katia Moling se lascia aldí tla cornisc dl festival Badiamusica, en mercui ai 30 de messé dales 21:00, te salf dles manifestaziuns 
a La Val
Le duo »Gota« é metü adöm da Jan Moling (handpan, percusciun y didgeridoo) y Katia Moling (viola, vidora y usc). Tl conzert »Uma Tera« a La Val nes condüjai te n iade musical fora por le monn. Cianties originales dl duo se moscëda cun cianties popolares de d’atres popolaziuns, aranjades y arichides cun tesć por ladin.
I sonns sudamericans, celtics y balcanics se incrujëia insciö cun la tradiziun ladina, don vita a n dialogh cultural afascinant, che zelebrëia la richëza dla musiga popolara tres interpretaziuns y conesciuns nöies.

Musiga da 5 Paisc europeics
Festival Badiamusica: Theresa Heidler sona en lönesc ai 
4 d’agost dales 21:00 sön l’orghe dla dlijia de Badia
»Music from 5 european countries – from Sweelinck to Bach«, é le titul dl conzert, che le Festival Badiamusica pîta en lönesc ai 4 d’agost dales 21:00, te dlijia de Badia.
Sön l’orghe sarál da aldí la jona Theresa Heidler da Leipzig, che porta dant operes de componisć da 5 Paisc europeics: plü avisa de Johann Sebastian Bach (Germania), Louis Marchand (Francia), Jan Peterszoon Sweelinck (Olanda), Johann Kaspar Kerll (Germania), Michelangelo Rossi (Talia) y Pablo Bruna (Spagna). Al é döt componisć che á vit danter le 16. y 17. secul.

Maria de Val tl MusLa
Le Museum Ladin inviëia al conzert de Maria de Val, en mertesc 
ai 5 d’agost dales 20:00, tl MusLa Ciastel de Tor a San Martin
Maria Moling presentëia so album de debüt dal titul »Mëda Medusa«, cun chël che ara afascinëia le publich sciöche poli­stromentalista y bona ciantarina cun toc por inglesc, ladin, talian y todësch. Süa musiga moscëda le folk indian cun influsc talians y sudamericans: la usc tipica de Maria Moling, consciüda dal grup Ga­nes y »Me + Marie«, ciafa por le pröm iade na süa lerch te n contest daldöt personal. N proiet musical bun da cunté n univers sen­sibl cun na odlada artistica sota y delicata.
Maria cianta en trio adöm a Anna Emmers­berger y Chris Costa. L’entrada é debann. Deplü informaziuns ciafon ala mail info@museumladin.it o al 0474 524020. Sce al foss bur’ tëmp, vëgn le conzert tigní tl salf dl Istitut Ladin »Micurá de Rü«.

Ander, le gigant dles Dolomites
Le Museum Ladin inviëia al laboratore creatif »Ander, le gigant dles Dolomites« 
en mercui, ai 30.07, 
dales 16:30 ales 18:00 tl MusLa Ursus ladinicus 
a San Ciascian
Do na vijita acompagnada fora por le museum, ciarunse adöm tl monn de Ander, na picia laurs di andri y pastel­nun n teater cun figöres de papier.
Le laboratore é por mitans y mituns dai 4 ai 8 agn. Le cost de partezipaziun é de 5,00€, tó pert pó alplü 15 mitans/uns. I periun do na prenotaziun por mail a prenotaziuns@museumladin.it o por telefon al 0474 524020.

1 cil, 3 lingac, 1000 stëres
Le Museum Ladin inviëia ala manifestaziun »1 n cil, 3 lingac, 1000 stëres« en sabeda, ai 02.08, dales 20:30 tl MusLa Ciastel de Tor
Al vëgn lit tesć fora dl proiet »Idioms zelesć«, nasciü por propone n lian danter le cil y la tera, fat de parores di idoms locai y dialetai. N valgügn ogec dl cil, saurisc da osservé ince zënza l’aiüt dl telescop, gnará descric por talian, todësch y ladin. Dedô po­daran ti ciaré al firmamënt y a döta süa morvëia cun le telescop. Cun David Gruber (diretur Museum Natöra Südtirol), Sabrina Bernhard (colabora­dëssa Museum Natöra Süd­tirol) y Francesca Limiroli (Grup­po Astrofili Fiemme).
L’entrada é debann, an mëss indere s’anu­nzié, al 0474 524020 o ala e-mail prenotaziuns@museumladin.it . Al pó tó pert max. 25 partezi­panc/tes.

Le

• 
•  

View the embedded image gallery online at:
https://www.lausc.it/manifestazions-y-evenc/29989-manifestazions-atuales-speziales#sigProIdb23d1b2ea1

lüch te paisc
Produturs dl post presënta sü produc fora por le zënter da Corvara y adöm a n valgügn coghi gnarál pité spezialités gastronomiches
Le vëndres al 1. d’agost vëgnel metü a jí por le pröm iade la manifestaziun »Le lüch te paisc«, fora por le zënter dl paisc da Corvara. Dales 17:30 inant sarál deplü produturs dla val che presënta y vënn sü produc sciöche ciajos, iogurt, mil, üs, lana de alpaca y erbes da munt. Lapró él deplü strotöres da Corvara adöm a sü coghi che arjigna ca spezialités gastronomiches fates cun i produc locai sciöche »spätzle« vërc cun na sossa de ciajó o amlet de chersciöm cun na sossa de ciajó, duciaries cun mil y erbes y pan dl pech, che vëgn cöt sön n bastun. Por i plü pici sarál la poscibilité da ti fá aicia ai alpaca y porvé da muje na vacia. La manifestaziun vëgn abelida cun musiga di grups »!nes«, »Aurela Cörta« y le duo Hilda y Paul. Sce al foss bur’ tëmp, vëgn la manifestaziun spostada al lönesc ai 4 d’agost.

Saus dl’Inrosadöra
I pra sot la munt de Gherdenacia i fajará da cornisc ala manifestaziun »Saus dl’Inrosadöra«, por na cëna al florí de sorëdl
En mercui ai 30 de messé vëgnel tigní na cëna ti pra dlungia la staziun a munt dl lift de Gherdenacia a La Ila. Dales 18:00 podarán jí sö cun l’implant portamunt y söinsom sarál spo i hotí Diana, La Majun y Antines y le pech Gasser che arjigna ca na cëna cun deplü derzades. La cëna mët man cun na jopa de erbes y ciüfs da munt adöm a na tutra da spinot, por jí inant cun na bala da orties y sossa de zigher; dedô gnarál pité n rost al vin Lagrein y verzöra, y sciöche dessert n strudl da pom y biscoti. La sëra gnará abelida dala musiga dl duo acustich metü adöm da Magdalena Oberstaller y Kompatscher y an podará amiré le florí de sorëdl cun les pizes de Sas dla Crusc, Lavarela y Conturines che devënta cöcenes. L’implant portamunt sará ince en funziun do cëna por gní jö. Por tó pert ala cëna pón se scrí ite ti ofizi turistics dl’Alta Badia o online, al prisc de 60,00€. Sce al foss bur’ tëmp, vëgn la manifestaziun spostada ala jöbia al 31 de messé.

Sostëgn bunorí por families
Da plü agn incá él tla Val de Puster y tl rest de Südtirol le sorvisc dl »Sostëgn bunorí por families«. Consulënza n iade al mëis ince tl raiun soziosanitar a Picolin
Chësc sorvisc ti pîta ales families, ales umes y ai peri le sostëgn de n grup multiprofescional tratan la gravidanza y do la nasciüda, por pre­vení che certes situaziuns pois gní massa problematiches. En particolar vëgnel pité:
- Sostëgn ales families te de ries situaziuns,
- Soluziuns por smendrí le stress familiar,
- Al vëgn ponsé a strategies desvalies svilupades adöm por ciafé soluziuns
- Empowerment de döta la familia,
- Düc i mituns dess avëi les medemes pos­cibilités
- Al dess gní realisé cosses tignon cunt dl che­der complet por sostegní la familia

Team profescional
Le team é metü adöm da döes educadësses soziales, da na assistënta soziala, döes cola­boradësses dl sorvisc de consulënza dla uma cun formaziun tl Pröm Aiüt Emozional, sciö­­­­che ince na psicologa y psicoterapeuta spezialisada tla relaziun danter uma – möt ti pröms agn de vita.
Le sorvisc é ponsé sciöche prevenziun por i pers tratan la gravidanza, sciöche ince al tëmp do la nasciüda cina al terzo ann de vita dl möt plü pice te familia. Le sorvisc laora sön na basa volontara y é daldöt debann.

Termins a Picolin cina ala fin dl ann
Al 1. de agost, ai 2 de setëmber, ai 3 de otober, ai 7 de novëmber, ai 5 de dezëmber 2025 sarál ince tl Raiun soziosanitar a Picolin na porsona a desposiziun dla jënt dales 8:45 fina ales 11:30. An pó ince tó n termin al 333 620 3945, le numer é atif dal lönesc ala jöbia dales 8:00 ales 12:00 y dales 13:30 ales 16:00.

Aste na idea per n filmat curt?
L Cucarel ti dà enfin a 5 mile euro per la finanzié y realisé
L Cucarel é l prum pest per projec cinematografics per ladin. Tol pert al concurs, porta dant tie projet!
Tu as temp enfin al prum de otober dl 2025! Per tò pert el da scrive ju n soget, na scenegiadura o n copion dl film, na descrizion dla speises pervedudes y na relazion generela sun l projet. La giuria dl Cucarel chirirà dapò doi projec da finanzié. I venjidours vegnirà anunziés de november dl 2025 y ei arà temp enfin de otober dl 2026 per tò ju y mané ite l projet finì che vegnirà mostré su al publich entant la seira de prejentazion dl Pest L Cucarel 2026. Dà tie contribut tl slarié l mond dl cinema per ladin, nos speton tia idea!
Va su www.inoutfassa.com/cucarel y liej l avis de concurs entriech, olache abineste dutes les informazions. Per plu infos scriv a cucarel@inoutfassa.com

Na pasta antifascista per Gaza
En domenia ai 27 de messèl da les 12:30 a Daian per sostegnir l’atività de Emergency a Gaza
La scomenzadiva de la la »pasta antifascista« é nasciuda ai 25 de messèl del 1945 a Campegine te l’Emilia per endrez de la familia Cervi, che à portà te piaza 380 chili de pasta per ge la sporjer a duc. Ades la »Rete delle pastasciutte di casa Cervi« va inant te duta la Tèlia e ence foravia, con scomenzadives per uzèr fora i valores de condivijion, antifascism e democrazia.
Chest an per la pruma outa la »Pasta antifascista« vegn endrezèda forin Fiem, col endrez de Pro Loco e Comun de Ville di Fiemme e l sostegn del Grop Emergency de Fiem e Fascia, ANPI Trentin e Unità Pastorala Santa Maria del Cammino.
L’apuntament l é en domenia ai 27 de messèl da les 12:30 al ciamp sportif de Daian, con letures de Flora Sarubbo e Pietro Marchi, ControTempo Teatro.
La bonamans toutes su jità a sostegn de l’atività de Emergency a Gaza.Le duo »Gota« é metü adöm da Jan Moling (handpan, percusciun y didgeridoo) y Katia Moling (viola, vidora y usc). Tl conzert »Uma Tera« a La Val nes condüjai te n iade musical fora por le monn. Cianties originales dl duo se moscëda cun cianties popolares de d’atres popolaziuns, aranjades y arichides cun tesć por ladin. I sonns sudamericans, celtics y balcanics se incrujëia insciö cun la tradiziun ladina y ti dá vita a n dialogh cultural afascinant, che zelebrëia la richëza dla musiga popolara tres interpretaziuns y conesciuns nöies.