La Usc di Ladins

Can él pa nasciù i Pazedins?
L grop l é nasciù del 1977 via per l istà canche jiane col Folclor. Jà dotrei egn dant però sonaane con doi orghin sui lenzei da fegn con Enzo Rovere canche jiane a restelèr. Do aon scomenzà a fèr de picola seres con Pietro Planchensteiner aló dal tobià de chi del Lip sun Col de Sotort. Enlouta l maester Emilio Mar­chetti l ne aea dat dotrei tamburie, de picoi piac e n triangol che i aea su per chisc sotcuerc de scola via te Co­mun. Piere l se aea envià via a sonèr chisc tamburie.

E col Folclor?
L era na festa di alpins tel piazal de la forenadoa ta Dèlba. Nos sonaane anter de nos via per tedò paladina, iodler e coscita. Te chela l é ruà Fabio de la Me­nina e l ne à dit de jir sun paladina a sonèr. Gé aee tredesc egn demò. No se fidane su, fin che l se à enirà e l é vegnù su co nos a ne prejentèr. L é stat n gran suzes. Da ló se aon engaissà su e con Fabio che l ne fajea da manager, aon scomenzà a jir a sonèr stroz. Se aon pissà de meter su n grop con chitara, bas, orghin e bateria e ge aon domanà a Adriano mie jorman de vegnir ite. L bèrba Isidoro l ge à comprà chitara e amplificador. Gé ge é comprà ju l bas de seconda man, con mie père che me à didà, a Sergio Valentini, che l sonèa amò coi Musiconc, che l era inlouta Gian­franco Dantone de Fani, Walter Valeruz, Franco Rizzi de Main­rado e Marcolino Riz Peta. Ge aee dat 250 mile lire, someèa de aer comprà no se sà che. (Intervista de Nicoletta Riz)

De plu tla edizion stampeda de La Usc di Ladins o sun l e-paper a paiament www.lausc.it/e-paper