La Usc di Ladins

N fort sens zivich e la voa de didèr i etres l é per solit chel che spenc chi che dezide de fèr pèrt del Socors Alpin e Speleologich. Ma per jir ite tel grop de socors, che tel Trentin l dombra presciapech 700 sozi semper vertesc a ruèr dutintorn, 365 dis al an, 24 ores sun 24, ge vel passèr la selezions tecniches. La pruma fasa se à serà su te la fin de setemèna dai 11 e 12 de otober te la Val di Laghi, a chesta proa sun crepa à tout pèrt 75 candidac, de chisc 15 femenes, da dut l tegnir provinzièl.

L Socors da mont de la Ladinia no desmentiarà mai doi persones: Gino Comelli e Othmar Prinoth. Amò ai 20 de setember passé, en ocajion de la consegna de la 54^ Targa d’arjent del Premie Internazionèl de Solidarietà Alpina al rumen Mircea Opris (un di fondadores del Socors da mont te la Romania), l Comitat del Premie de Pinzolo à volù ge fèr onor a Gino Comelli e Othmar Prinoth, vegnui a mencèr duc doi l an passà. La proponeta, touta su sobito dal Comitat, é ruèda da Maurizio Dellantonio, president del Socors Alpin e Speleologich nazionèl.

Se pel lejer dut su La Usc nr 42 dai 31 de otober, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.



 (Monica Cigolla)