La Usc di Ladins

L Ski Stadium de Aloch de Sèn Jan l é un anter i portoes più de nonzech a livel internazionèl, olà se arcedèr e se enjignèr a la garejèdes de schi de Copa del Mond e de Copa Europa. Da egn d’invern te Fascia rua i miores schiadores, omegn e femenes, joegn e manco joegn: aldò de si besegnes sun Aloch i troa la dreta condizions per se arcedèr, neif perfeta, lèrga per meter ju desferenc percorsc, de slalom strent e lèrch.

Da pec dis l’Aministrazion de Comun de Sèn Jan la ge à dat endò su la gestion del Ski Stadium de Aloch a la sozietà Bufaure (a chela che ge vegnarà do la neva sozietà Ciadenac Bufaure), che per i cinch egn che vegn la se cruziarà de valorisèr la strutura da n pont de veduda sportif e ence sozièl. Col scomenz de la sajon 2025/26 l portoi de Aloch l arà n nef diretor tecnich: se trata de Matteo Guadagnini da Pardac, ex atlet e arcedador del Grop sportif de la Finanza, con na longia cariera de colaborador co la FISI e col Comitat Trentin. Ge aon fat vèlch domana.

Se pel lejer dut su La Usc nr 42 dai 31 de otober, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.

 (Thomas Zulian)