La Usc di Ladins

"Nur für SIE – Ma por ËRA" á inom la manifestaziun che les ëres dla Uniun di Ostis HGV a metü a jí ai 22 d’otober, tl scenar nobl dla Laimburg a Pfatten. Un di punc prinzipai dla manifestaziun é stada la protlamaziun dla "Pioniera dl ann 2025", na onoranza che ti vëgn surandada vigni ann a ëres che s’á fat miric particolars por l’ospitalité de Südtirol. Le comité dles ëres HGV, metü adöm da Helene Benedikter, Evelyn Rainer, Marlene Waldner y Adele Erika Huber, á en chësc iade cernü Maria Vittur Crazzolara, vedla ostira dl hotel Fanes da San Ciascian. Incö, festa de Gnissant, complëscera 92 agn. Döt le bun.

Deplü sön la onoranza ciafëise t’La Usc di Ladins di 31 de otober  (pablo)