La Usc di Ladins

Dotours
Dutor Gherdëina
L dutor de servisc da n sada ai 21.03. dala 08:00 daduman nchin la 08:00 daduman de n lunesc ai 23.03. ie la dutu­rëssa Janine Santifaller, che ie da urté tl ambulature dla dr.ssa Cordula Weber a Urti­jëi, streda Trebinger 10, tel. 377/3132223. 
Doturs Val Badia 
Tla fin dl’edema di 21 y 22 de merz él en sorvisc ti comuns de Mareo y San Martin la doturia Margarete Mahl­knecht, La Val, tel. 349 066 7034 o 0474 523018. Ti co­muns de Corvara, Badia y La Val él en sorvisc le dotur Alberto Caretta, Badia, tel. 0471 839706 o 380 3161999.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 20.03. nchin n vënderdi ai 27.03. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 20 de merz dales 19:00 al vëndres ai 27 de merz ales 19:00, é chëra d’Al Plan, tel. 0474 501240.

Religion
24.03.
La forza revoluzionera dla legrëza (beatitudine)
L Cunsëi de Pluania de Urtijëi nvieia a na reflescion cun l referënt Fra Federico, n merdi ai 24 de merz dala 20:00 tla dlieja de San Durich a Urtijëi.
26.03.
Sfanta pa l nchersciadum do Die?
L Cunsëi de Pluania de Urtijëi nvieia a na sëira de reflescion cun sn. pluan Vijo Pitscheider n juebia ai 26 de merz dala 20:00 tla dlieja de San Durich a Urtijëi.
20.05. – 25.05.
Pelegrinaje a Medjugorje
Dai 20 ai 25 de ma 2026 vëgnel organisé n pelegrinaje al santuar de Medjugorje. Por prenotaziuns pón cherdé sö Daniele Agostini al 335 526 8546 o Patrizia Agostini al 347 7537887.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
24.03.
700 agn Badia
Dales 20:50. Test y regia Daria Valentin, produziun Karbon, a cura de Alessandro Dapunt.
25.03.
Trail Spezial
Dales 20:50 ca. A cura dla re­daziun ladina.
26.03.
Euro – magazin de economia
Dales 20:50 ca. Test y regia Diego Clara, produziun Zak, a cura de Leo Senoner.
Informazions plu menudes sun i programs de RAI Ladi­nia pòn giaté sun www.raibz.rai.it – Sun l medem sit sarà i programs TV da vedei sot a »Mediateca« y les trasmi­scions radio sot a »Podcast«.

Radio
20.03.
Ëiles & Stëiles – La cultura al feminin tla Ladinia
N ucajion dl »Di dl’ëila« ai 8 de merz 2026 à la lia culturela »Tublà da Nives«, n cunlau­ra­zion cun l Departimënt In­tendënza y Cultura Ladina, metù a jì na sëira culturela dal titul »Ëiles & Stëiles«. Sun l prugram fovel l cuartet Tel Tipes, la poetësses Cristina De Grandi y Irene Moroder, l’artistes Helene Demetz y Anna Anvidalfarei, Ingrid Runggaldier y Anna Mazzel dla redazion dla revista femi­nila »Gana« y la DJane Elena Pitscheider (prima pert). Tras­miscion de Sofia Stuflesser.
22.03.
Campionat de biatlon per la lies de Gherdëina
La sezion de biatlon dl Schi Club Gherdëina à metù a jì ai 14 de merz l prim »Campio­nat de biatlon per la lies de Gherdëina« tl zënter da pudejé te Val. Ndut iel stat 11 lies che à tëut su l nvit y piëi via iel ndut 30 ëiles/mutans y 52 ëi/mutons. L fova da fé na raida de 800 metri cun i schi, ma la gran deficultà per la majera pert di partezipanc che fajova l prim iede pea pra na tel sort de garejeda ie bën stat l stlupeté. Trasmiscion de Alex Runggaldier.

Sozial
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y la families te situazions de duel. L vën damandà na cuota anuela de 50 euro. Per nfur­ma­­zions de sustëni pòssen tò su cuntat cun: Trauer- & Krisen­netzwerk Südtirol VFG–info@trauernetzwerk-suedtirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Atualmenter
Portel de scout mediazion familia
L Comun General de Fascia con ALFID Onlus avert n portel de scout, orientament e mediazion familiara per la relazions te c‑sa. L avert a duc e debant a S‑n Jan te Stra­­­da di Pr de Lejia 12 su apuntament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 169 8343) y Methilde (tel. 335 6977604).
Atualmënter
Iscrizions curs de tudësch per prinzipianc
L Cumité per Ntegrazion Gherdëina deberieda cun i chemuns mët a jì n curs de tudësch per chëi che scu­mëncia – dai 11 de auril inant nchin ai 6 de juni, uni vënderdi y sada, 16:00 – 18:00, for tla Cësa di Cungresc a Urtijëi. Iscrizions: nchin ai 01.04. te biblioteca. Cost (per 20 ëura): 50,00 €.
Atualmënter
Iscrizions curs de tudësch per chëi che sa bele mpue
L Cumité per Ntegrazion Gherdëina deberieda cun i chemuns mët a jì n curs de tudësch per chëi che sà bele mpue – dai 8 de auril inant uni lunesc y mierculdi, 9:00 – 11:00. L curs cun Franziska vën fat tla Cësa di Cungresc a Urtijëi. Iscrizions: nchin ai 01.04.. te biblioteca. Cost (per 32 ëura): 70,00 €.
Atualmënter
Family Support
L servisc Family Support pieta sustëni ala families jëunes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n valgun’ ëura al’ena a fé vel’ stroz, cialé di mu­tons:ans o judé ulache l ie de­bujën. L servisc ie de­bant y duc possa s’l damandé. Per nfurmazions pòssen scrì a gherdeina@family-support.it
Atualmënter
Ciamena dal guant a La Ila
La Ciamena dal guant por mituns »Neores« a La Ila é daverta vigni vëndres dales 14:00 ales 15:30, te local sura i stödafüch a La Ila Alta.
20.03.
Ueves da Pasca per n bon fin
La AIL-assoziazion taliana contra la leucemia – mët a jì ncuei, vënderdi ai 20 de merz sun Pitla Plaza de S. Antone la azion di ueves da Pasca. Chël che l unirà trat ite unirà adurvà a fin de bën, per la nrescida n con’ di tumores dl sanch (leucemies, linfoms y mieloms).
27.03.
Badia: Ciüfs por n bun fin
En vëndres ai 27 de merz dales 9:00 inant él sön plaza de Comun a Badia la Uniun dles Patrones che vënn ciüfs a fin de bëgn. Döt le davagn i jará ala inrescida cuntra le crebesc. Düc é inviá da storje pro.
27.03.
Deberieda: depënjer ueves da Pasca
N se anconta ai 27 de merz dala 14:00 dan la Cësa de Paussa a Urtijëi. »Deberieda« ie na grupa che mët a jì an­cuntedes danter ulenteres y persones che à problems psi­chics o de sozialisazion.
15.04.
Scontrèdes de auto mutuo aiut
La sociazion Rencureme de Fascia e Fiem endreza scon­trèdes de auto mutuo aiut per chi che à te cèsa parenc con problemes de memoria e deca­diment cognitif. Quarta scon­trèda en mercol ai 15 de oril da les 20:00 te Ciasa de Noscia Jent a Poza.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Sport
20.03.
Sellaronda Skimarathon
Incö vëndres ai 20 de merz vëgnel tigní la 32. ediziun dla Sellaronda Skimarathon. La gara pëia ia dales 18:00 jödapé dla pista »Boé« a Corvara. I pröms atlec rovará zoruch dales 20:55, les prömes atletes dales 21:30 za. Dales 23:30 él söl program la premiaziun tla hala dl tennis, olache al vëgn ince pité da mangé y da bëre.
20.03.
Sellaronda Skimarathon
Ai 20 de merz dala 20:10 inant uniràl a s’l dé l Sellaronda Skimarathon, che pëia via y fina a Corvara. Ntëur la 20:10 passerà i partezipanc te Sëlva. Na bela ucajion per passé a cialé.
27.03.
Trofeo Tita e Marco
La sociazion Bela Ladinia endreza en vender ai 27 de mèrz l Trofeo Tita e Marco, na garejèda de net con la pouses. I atlec ponta via da les 8 da sera ló da la boteiga Tony Sport a Vich e i rua sun Ciampedie. Do la gara a la Baita Checco cena, premia­zion, ola de la fortuna e legreza per duc. Se pel se scriver ite tant desche agonisć che escurscionisć a https://www.dtiming.it/29-tita-marco/
27.03.
Freerider Sport Events
Movimënt adöm a Freerider Sport Events mët a jí dai 27 ai 29 de merz na fin dl’edema da jí cui schi por porsones cun andicap. Ares á la posci­bilité da porvé fora chësta ativité ince cun i schi cun le scagn. Por tó pert él da se scrí ite sot ala plata de Movimënt.
28.03.
Gardenissima
Gardenissima, 28ejima edi­zion. La garejeda sarà n sada ai 28.03. dala 07:30 inant, da Secëda ju nchin japé dla furnadoia de Col Raiser, ulache l sarà nce la premiazion domesdì.
29.03.
Gardenissima Kids
Nce i:la mëndri:es possa desmustré cie che i:les sà da fé: pra la Gardenissima Kids, ai 29 de merz. La garejeda de doi chilometri sun Secëda pëia via dala 08:30.

Temp Lede
Atualmënter
N’ena de mujiga »Rock the Dolomites«
Nchin ai 27 de merz suneràl uni di te n’autra utia o tl luech de Sëlva d’uni sort de grupes: ai 20.03. dala 12:30 The Pop Show y dala 14:30 sun|sëida sa la Dantercëpies Mountain Lounge; 22.03. dala 10:30 Maria De Val y dala 13:00 Klang sa la utia Saslonch, dala 16:30 The Pëufla ta La Stua te Sëlva. Ai 23 de merz dala 13:30 Tony Sghembo y dala 16:00 Living Dolls pra la DanterEat; ai 24.03. dala 16:00 Venusia al Après Ski Snowbar; ai 25.03. dala 13:30 Waydlee sa la Utia Salei; ai 26.03. dala 13:30 Lucky17 sa la utia Miara; ai 27.03. dala 14:30 The Killbilly’s pra la utia Panorama y ai 28.03. dala 17:30 Die Draufgänger al Apres Ski La Stua.
20. – 22.03.
Roda dles saus
Dai 20 ai 22 de merz vëgnel tigní tl raiun da La Crusc a Badia la »Roda dles saus«. Te deplü üties vëgnel pité spe­zialités ladines. Informa­ziuns sön www.altabadia.org
21.03.
Spring Race Party a Urtijëi
Do la garejeda dl Spring Race uniràl a s’l dé–domesdì via–la Spring Race Party tl zënter de Urtijëi, cun de bela mujiga; bars, butëighes y restauranc dajerà ora zeche de bon da maië y da bever.
23.03.
Yoga y paslunch
Pro le zënter de paslunch Alta Badia a Sciaré da San Ciascian vëgnel tigní vigni lönesc dales 10:30 n curs de yoga y pas­lunch. Por tó pert mësson se scrí ite sot a www.scuolafondo.it
25.03.
Cun e-bike y rodes da agüs söla nëi
La Scora de schi da Calfosch mët a jí vigni mercui na escur­jiun de »Snowbiking«, cun la e-bike y rodes da agüs söla nëi. An pëia ia dales 10:30 da Calfosch y an fej na roda cina al’Armentarola a San Ciascian. Prenotaziuns pro la Scora de schi da Calfosch, anter le de denant.
25.03.
Cui schi da sëra
Tl’Alta Badia pón jí vigni mercui cui schi ince da sëra, dales 20:00 ales 22:00 sön la pista »Doninz« a La Ila. Por podëi anuzé l’implant adoron na cherta dai schi che vel plü dis.
27.03.
Batadù cun Frieda
Ai 27 de merz mët l KVW Urtijëi a jì n turnoi de batadù tla cësa dla lies de Runcadic. L turnoi scumëncia dala 14:00. N possa se nuté su da Frieda nchin ai 25.03. cherdan su l 338 6663333 o scrijan a bacherfrieda@gmail.com. Priesc: 10 € per cumëmbri, 15 € per nia cumëmbri.
28.03.
Gardenissima: Festa do la garejeda
Do la garejeda epica dla Gar­denissima saràl dala 16:00 inant festa pra l puent de Col da Mulin te Sëlva, cun mujiga de DJ Ondy y The Jam’son.
Uni juebia
Ciaculon deberieda – per ladin
La Union di Ladins de Gher­dëina mët a jì la ancuntedes de »Ciaculon deberieda« per chi che scumëncia y chi che ulëssa miuré si ladin. N se anconta uni juebia dala 18:00 (ora che i dis de festa), tla bi­blioteca »Anda Malia da Cudan« tla Cësa di Ladins a Urtijëi. Unide nce Vo!

Cursc
Atualmënter
Move It! Iscrizions
L VKE Gherdëina mët a jì n curs de bai de grupa moderns per mutons:ans, tl self di Destuda­fuech a Runcadic. L curs ie pensà per mutons:ans dal 2015 - 2018 y scumëncia ai 8 de auril dala 15:00 nchin la 15:50. Daldò val inant uni mierculdi dala medema ëura nchin ai 6 de mei. Priesc per cumëmbri: 40€. Iscrizions: dai 16.03. dala 8:00 inant tres whatsapp al numer 339 7957150.

Avisc
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster
L’ofize dla MIP – Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tla str. Dante 2m a Bornech (Stern­hof) y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-puster tal.it
Atualmenter
A cena con Emergency
La delegazion de Fiem e Fascia de Emergency tol pèrt a la scomenzadiva ‘Cento Cene’. Te noscia valèdes la vegn endrezèda al Restorant Miola de Pardac con n menu spezièl en vender ai 27 de mèrz da les 20:00. L cost l é de 35 euro (zenza l beiver) e de chisc 10 i ge vegn dac a Emergency. Prenotazions de obligh, fin a canche l é post, al 340 3761958.
Atualmenter
Na colomba per la pèsc
Per sostegnier l’atività de Emer­gency la delegazion de Fiem e Fascia ven la colombes de la pèsc con la bolga ‘Essere Umani’ a 20 euro. Se pel la prenotèr sul sit fiemme-fassa@volontari.emergency.it o al numer 349 8042968; consegna a Tieser ai 27 de mèrz, a Par­dac ai 28, te Biblioteca de Cia­valeis o per Fascia te Reda­zion de La Usc a Sèn Jan.
Atualmenter
Cors de bal country
L assessorat a la cultura del Comun de Sèn Jan endreza n cors de bal country, 10 scon­trèdes de n’ora de mèrtesc fin ai 26 de mé, i prinzipianc da les 20:00 a les 21:00 e l livel mesan da les 21:00 a les 22:00. Per info e iscrizions, segreteria Comun de Sèn Jan: 0462 764758, mail: segreteria @comune.senjandifassa.tn.it.
Atualmënter
Iscrizions Scola de Mujiga
La Scola de Mujiga de Gher­dëina fej al savëi che la iscri­zions per l ann 2026/27 puderà unì fates online nchin ai 31 de merz sun my.civis.bz.it. Coche uni ann puderàn crì ora danter de plu strumënc, cianté, muvimënt y bal. Ai scric ite nueves ti uniràl fat al savëi al plu tert nchin ala fin de lugio sce i à giapà lerch. Per nfurmazions plu avisa: 0471 796858 o musikschul direktion.groeden@schule.suedtirol.it
21-22.03
Dis Fai d’Aisciuda
La delegazion Fiem e Fascia del Fondo Ambiente Italiano endreza i Dis FAI d’Aisciuda a Capriana. En sabeda ai 21 de mèrz da les 10:00 e da les 14:30 pean via da Piazza Roma se pel descorir storia e cultura del paisc. En domenia ai 22 (se l temp lascia) da les 10:00 da la medema piaza, trekking de 8 km. su ‘La via Nova’ da Napoleon a la Gran Vera. info:https://fondoambiente.it
26.03
Letradura ladina jun Busan con Chiocchetti
A Busan la ‘Associazione Scrittori Bolzano’ met a jir na lingia de scontrèdes su le­tradura e schertura tel Zen­ter Parochial vejin al Dom. En jebia ai 26 de mèrz da les 18:00 l espert fascian Fabio Chiocchetti rejona de »La lette­ratura ladina: dalla tradi­zione alla modernità«.
29.03.
Socialone del Ski Team Fascia
L Ski Team Fascia endreza l Socialone per serèr su la sajon, en domenia ai 29 de mèrz forin Mont de Vich. Se se bina entorn les 8 e la garejèdes tacarà ite entorn les 9:30, sul portoi Pra di tori per i più gregn e su le Pope per i più picoi.
08-17.04/08.05
Trei sere de reflescion a Poza
L assessorat a la cultura de Sèn Jan e la Sociazion ‘Liberi da dentro’ endreza 3 sere per vardar daite te la prejons e te noi enstesc. Ai 8 de oril Gen­naro Giudetti porta dant soa esperienza ti lesc de conflit. Ai 17 de oril con ‘Ariaferma’ e ai 8 de mé con ‘Viaggio in Italia: la Corte Costituzionale nelle carceri’ se rejona de degnità, deric e responsabilità ite e fora de prejon. Duc te Oratorie de Poza da les 20:30.
13.04.
Iscrizions »Instà Vif«
L proiet per l instà Instà Vif, per mutons y mutans dl 2013 – 2019, vën metù a ji dai Che­muns de Gherdëina deberieda cun lies, dai 22.06. nchin ai 21.08. L orar per uni ena ie da abiné sun l placat. La iscri­zions possa unì fates ai 13 de auril dala 20:00 inant tres l link https://forms.gle/14ke Ho1eZZ8Ri2Kh6. o tres QR–code che n abina sun l julantin dat ora.
Uni mierculdi
Ciaculon online – per ladin
La Union di Ladins de Gher­dëina mët a jì »Ciaculon on­line« per chi che scumëncia y chi che ulëssa miuré si ladin: dai 25 de fauré, uni mierculdi dala 18:00–19:00. Duc possa fé pea, l basta nstalé l prugram „TEAMS» sun l computer y jì ite sot a chësc link: https://url-shortener.me/GIBM
Merz 2026
Iscriziuns ala Scora de musiga Val Badia
Les scores de musiga dla provinzia deura les iscriziuns por le proscim ann de scora, dal 1. al 31.03.2026. Les iscri­ziuns vëgn fates online tres le sorvisc dl’aministraziun provinziala »myCivis« https://civis.bz.it/einschreibung-musi kschule . L’azes al sorvisc vá tres SPID o CIE (cherta d’iden­­tité eletronica). Informa­ziuns te secretariat dla Scora de musiga a La Ila, al 0471 847748 o sot a www.musik schule.it

Chino
Atualmenter
Al chino de Cianacei
En domenia ai 22 de mèrz da les 21:00 l é »Una battaglia dopo l’altra« e sabeda ai 28 da les 21:00 l é »Jumpers – un salto tra gli animali«, n film per la familia.
Atualmenter
Al chino de Pardac
Insnet, vender 20 da les 21:00 l é »Grand ciel«, sabeda 21 da les 21:00 l é »Cime tempestose« che vegn moscià ence mercol ai 25 da les 21:00, vender 27 l é endò »Grand ciel« e sabeda 28 l é »L’ultima missione«.
Atualmenter
Al chino de Tieser
Insnet, vender 20 da les 21:00 l é »Un bel giorno«, sabeda 21 da les 21:00 e domenia 22 da les 17:30 l é »Jumpers – Un salto tra gli animali«, domenia 22 da les 20:30 l é »Un bel giorno«, jebia ai 26 da les 21:00 l é »Lavoreremo da grandi«.

Mostres y Ert
Atualmenter
Mostra sul schi de Manuel Riz
Te Museo Ladin de Fascia se pel veder na esposizion de ojec e de taoles del arist Ma­nuel Riz e se pel ence comprèr la neva graphic novel dal titol »Il pendio bianco. Storia sociale dello sci«.
Atualmënter
RETROSPEKTIVE – Klemens Piccolruaz
Tl self dla mostres dla Lia Mostra d’Ert iel metù ora lëures de Klemens Piccolruaz, che resterà da udëi nchin ai 11 de auril ntan i orares de giaurida: dal merdi nchin la dumënia, 16:00-19:00 y de sada y dumënia nce danmesdi, 10:00-12:00. De lunesc iel stlut.
21.03.
Nadia y Klaus Rungger tla Galerie 90
L dessëni anconta la poejia – tla galeria Galerie 90 a Mühl­bach prejënta Klaus Rungger dessënies nueves daujin a poejies de Nadia Rungger. La giaurida dla mostra ie ai 21 de merz dala 18:30. La mostra ie tl segondo partimënt dla cësa Wolken­steiner­haus tla streda Katha­rina Lanz 90 y ie da udëi nchin ai 25.04..
Atualmënter
Ewa Jönsson Hörtnagl – Bergwelten
Tl Tublà da Nives de Sëlva iel metù ora pitures dla artista svedeja Ewa Jönsson Hörtnagl. La mostra resta davierta nchin Pasca, ai 5 d’auril, uni di ora dl lunesc dala 16.00 ala 19.00.
Atualmënter
Mostra «The red boat»
Tl self dla mostres tla Cësa di Cungresc a Urtijëi iel metù ora na mostra coletiva de 18 artisć:tes de Südtirol. L proiet artistich soziel uël sotrissé la respunsabltà dla populazion per sustëni dl’ëiles. La mostra jirà inant nchin ai 6 de auril, 10:30–12:00 y 16:00–18:00.
Atualmënter
Garejedes de schi te Gherdëina
La mostra ie dedicheda ala garejedes de schi che ie states te Gherdëina. La sarà davierta nchin ai 7 de auril, dal lunesc nchin al vënderdi dala 08:00 nchin la 13:00, tl prim parti­mënt dla Cassa Raiffeisen de S. Cristina.
Atualmënter
Mumënc... tla Dolomites
La mostra cun lëures de Ga­briel Demetz tl Café Surëdl resterà da udëi nchin ai 30 de merz ntan i orars de giau­rida dl Café Surëdl.
24.02.
Mostra dla Copa dl monn cun Roberto Erlacher
En mertesc ai 24 de merz pón jí a ti ciaré cun i schi ala mo­stra de fotografies di 40 agn dla Copa dl monn tl’Alta Badia, adöm al ex atlet de schi Roberto Erlacher. An pëia ia dales 13:30 jödapé dl implant »Boé« a Corvara; an podará descurí les imajes y aldí val’ storia sön les gares. Iscriziuns ti ofizi turistics dl’Alta Badia.

Teater
Atualmënter
Teater »Der WahnSinn – Ein Kopfkino«
La Lia Teater Urtijëi nvieia de cuer a si reprejëntazions dl pez da rì tla rujeneda tu­dëscia. L sarà mo cater repre­jëntazions, for tla Cësa de Cultura: ai 20.03. dala 20.00, ai 22.03. dala 18.00, ai 24.03. dala 20.00 y ai 27.03. dala 20.00. Chertes danora giapen sot al link theater groeden.com/tickets o cherdan su l numer 389 6767333.
28.03.
Spetacol de teater a Tieser
En sabeda ai 28 da les 20:45 e domenia ai 29 da les 17:30 te teater de Tieser la Filo­dramatica L. Deflorian con la Scola de Musega Il Penta­gramma e l Zenter de Danza met dant l spetacol de teater »Le streghe del Cornon«.