La Usc di Ladins

Dotor
Dutor Gherdëina
L dutor de servisc dala 08:00 de n sada ai 8.08. nchin la 08:00 daduman de n lunesc ai 10.08. ie l dutor Simon Kostner de Sëlva, tel. 347 2297492.

Doturs Val Badia
Tla fin dl’edema di 8 y 9 d’agost él en sorvisc ti comuns de Mareo y San Martin le dotur Eduard Agreiter, San Martin de Tor, tel. 0474 523315 o 333 1380852. Ti comuns de Badia, Corvara y La Val él en sorvisc le dotur Alberto Caretta, Badia, tel. 0471 839706 o 380 3161999.

Apoteca
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 07.08. nchin n vënderdi ai 14.08. ie chëla de Ciastel, tel. 0471/706323 (orar: lu-ve 8:30-12:00/15:00-19:00. Turnus: sa. 8:30-12:00/16:00-19:00, du. 10:00-12:00).

Apoteca Val Badia
L’apoteca en sorvisc tla Val Badia, fora dl orar ordinar, dal vëndres ai 7 d’agost dales 19:00 al vëndres ai 14 d’agost ales 19:00, é chëra d’Al Plan, tel. 0474 501240.

Avisc
08.08.
»Pasta antifascista« a Villa Flora
L Grop Emergency de Fiem e Fascia e ANPI endreza la scomenzadiva che recorda chela fata da la familia Cervi a la fin del fascism. La »Pasta antifascista« vegn endrezèda ai 8 de aost dal mesdì fora Juan a Villa Flora. Chel che vegn ite servirà a portèr aiut te la Striscia de Gaza.

10.08.
Sègra de Sèn Lorenz
En lunesc ai 10 de aost l é sègra a Pera per Sèn Lorenz. Messa grana da les 10:00 e da sera conzert de la Musega de Poza e festa per duc.

12.08.
Golosan a Soraga
En mercol ai 12 de aost con scomenz da les 18:30 te Pra del preve a Soraga l Comitat manifestazions endreza ‘Golosando’ con musega, cena e mestieres tradizionèi.

13.08.
L’èlba con musega e geologia
Jebia ai 13 de aost sun Col Margherita da les 4:45 da doman l é i geologs Claudio Valle e Riccardo Tomasoni del Muse de Trent che conta de la geologia de nesc monc compagné da la musega de n grop de violoncie.

Atualmënter
Picolin: portina por assistënza y cura
La Portina por l’assistënza y cura é daverta trëi iadi al’edema: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.

Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30; mercui ince dales 15:00 ales 17:00. Fora de chësc orar, vëgnel tut sö termins sön prenotaziun. Contac: 0474 410303 o info@frauenhelfenfrauenbruneck.it

Atualmënter
Iniziativa di ëi de Puster
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tla str. Dante 2m a Bornech (Sternhof) y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it

15.08.
Defileda dla trohtes dla lies de Sëlva
Ai 15 de agost dala 16:00 saràl la defileda tradiziunela te Sëlva, che pëia via da plaza Nives, sun la streda Mëisules nchin sun Plaza de Chemun.

Uni mierculdi
Ciaculon online–per ladin
La Union di Ladins de Gherdëina mët a jì »Ciaculon online« per chi che scumëncia y chi che ulëssa miuré si ladin: uni mierculdi dala 18:00–19:00. Duc possa fé pea, l basta nstalé l prugram »TEAMS« sun l computer y jì ite sot a chësc link: https://url-shortener.me/GIBM

Uni merdi
Marcià tradiziunel di paures y di artejans
Uni merdi, for dala 19:00 nchin la 22:00, saràl l marcià di paures y di artjenas tl zënter de Santa Cristina. Uni ena uniràl prejentà n mestier da artejan y l ne mancerà nia ntratenimënt de mujiga.

Uni juebia
Chino da d’instà per mutons:ans
Dai 23 de lugio inant–per cater juebies ndolauter, for dala 17:00–uniràl mustrà n film per mutons:ans tla sala dla biblioteca de San Durich a Urtijëi. La ntreda ie debant. La lista di films ie da abiné te biblioteca.

Chino
Atualmenter
Al chino de Cianacei

Anché, vender 7 de aost da les 17:00 per Aperi-Lab l é l laboratorie »Paint, Plant % Spritz«, domenia 9 de aost da les 21:00 l é l conzert »Dire Straits Tribute Band« con i Portobello, mèrtesc 11 da les 17:30 per AperiKino l é musga con I PopCorner, jebia 13 da les 20:30 l é l Docufilm Dolomitismo pt. 3 ‘Racconti verticali’ de Fondazion Unesco, vender 14 da les 21:00 l é l film »Odissea«. info@cinemateatromarmolada canazei.

Atualmenter
Al chino de Pardac

Sabeda 8 e domenia 9 de aost da les 21:00 l é »Spider-man, Brand new day«. Info: www.cinemapredazzo.it.

Atualmenter
Al chino de Tieser
Anché, vender 7 de aost h. 17:00 e h. 21:15 l é »Spider-man, Brand new day«, sabeda 8 h. 17:15 e h. 21:00 l é »Odissea«, domenia 9 h. 17:30 l é »Toy Story 5« e h. 21:15 l é »Sentimental Value« al priesc de 3,50 euro, mèrtesc 11 h. 21:15 l é »Deep Water« al priesc da 3,50 euro, mercol 12 h. 21:15 l é »La fine di Oak Street«, jebia 13 h. 17:30 l é »Minions & Monsters« e h. 21:00 l é »Odissea«, vender 14 h. 17:00 en 2D e h. 21:15 en 3D l é »Spider-Man Brand new Day«. Info: www.cinematesero.com.

Cursc
13.08.
Curs de yoga sön munt
Alexandra Din tëgn n curs de yoga sön munt, vigni jöbia cina ai 27 d’agost, tres dales 15:30, pro la ütia »Las Vegas« a San Ciascian. Prenotaziuns online sön www.moviment.it

Atualmënter
Mparé a cunëscer l Line Dance
La lia ASD BaL Beat and Line mët a jì n curs de Line Dance per duc che ulëssa scumencé y mparé a balé chësta sort de bal. N se anconta uni mierculdi dala 19:30 tla palestra dlongia la sënta di Destudafuech a Runcadic. Dai 16 de setëmber inant scumëncia nce l curs per mutans y mutons dai 7 ani insù, recunesciù coche materia de nseniamënt facultativa dala scola elementera de Urtijëi.

Mostres y Ert
Atualmënter
Mostra »Prospective«
L Tublà da Nives nvieia de cuer ala mostra »Prospective«, de Christine Runggaldier, Valeria Stuflesser, Damian Piazza y Thomas Delazer. La mostra sarà da udëi nchin ai 27 de agost. Orars: me-du, 16:00–19:00; de merdi, mierculdi y vënderdi nce dala 20:00–22:00.

Atualmënter
La lerch danterite
N vënderdi ai 24 de lugio dala 17:00 iel la giaurida dla mostra dl artist de Urtijëi Hermann Josef Runggaldier tla Hofburg de Persenon. La mostra ie davierta ntan i orares de giaurida dl museum dla Hofburg de Persenon, uni di dala 10:00 ala 18:30, y sarà da udëi nchin ai 15 de nuvëmber.

Atualmënter
Mostra: Mumënc tla Dolomites
La mostra de fotografies de Gabriel Demetz tla biblioteca Tresl Gruber a S. Cristina resterà da udëi nchin ai 31 de agost ntan i orars de giaurida dla biblioteca.

Atualmënter
Mostra »Theatrum Naturae -la paladina dl vif«
La mostra tla galaria Vijion a Puntives, resterà davierta nchin ai 10 de agost, dal lunesc nchin la sada, 16:00–19:00. Per vijites ora dl orar de giaurida: 338 2098697.

Atualmënter
Mostra »Mumënc«
L Café Surëdl a Urtijëi nvieia de cuer ala mostra dal titul »Momente–momenti–mumënc«, che resterà davierta ntan l orar de giaurida (lu–vë, 09:00–19:00) nchin ai 11 de setëmber. Artisć:tes che mët ora: Sabine Brugger, Siegfried Stauder, Anneliese Hofer Heiss.

Atualmënter
(Future) Paradise Gardens
A Urtijëi, ma nce ti autri doi luesc dla valeda, iel da udëi nchin ai 13 de setëmber la nstalazions d’ert dla Bienela Gherdëina. Plu nfurmazions sot a www.biennalegherdeina.org

Mierculdi y dumënia
Vijites menedes tres la Bienela
La vijites menedes tla rujeneda tudëscia, taliana y nglëija vën fates uni mierculdi y dumënia dala 10:00 nchin la 13:00. N se anconta dan l Info Point tl self Trenker a Urtijëi. Priesc: 10,00€ + ntreda. N possa se nuté su nchin la 18:00 dl di dant sun la plata dl Val Gardena Active.

Atualmenter
Imprescions de Fernando Brunel
Doman, sabeda 8 de aost da les 17:00 te Tobià de Val a Vich inaugurazion de la mostra ‘Imprescions’ de Fernando Brunel con l’Union di Ladins de Fascia. La mostra de si chèdres resta fora fin ai 23 de aost da les 16:00 a les 19:00.

Atualmenter
Jocalo mostra a Vich
Fin ai 21 de aost te la scoles populères de Vich se pel veder la mostra scientifica ‘Jocalo’ de Inout e la Scola Ladina de Fascia: lunesc e mercol da les 15:00 a les 19:00 e da les 20:00 a les 22:00; mèrtesc, jebia, vender e sabeda da les 15:00 a les 19:00, domenia serà.

Atualmenter
Operes de Sieff a Soave e Lana
L artist da Ciampedel Matthias Sieff met fora sia scultures maestouses per dut istà tel zenter storich de Soave (VR), che con la mostra »Guardiani della storia« doventa n museo a ciel avert. Sieff met fora sia operes ence te la esposizion »Frauen/Donne« per endrez del Kulturverein K.art che restarà fora ti vidores de Lana fin ai 8 de november.

Atualmënter
Mostra de Silvia Nava
Tl salf dles manifestaziuns a Corvara él da odëi vigni sëra, cina ai 20 d’agost, la mostra »Infiniti spazi, infiniti silenzi« de Silvia Nava.

Jites y escurscions
8.–9.08.
Jit ntëur al Civetta
La Lia da Mont Gherdëina mët a jì na jita de 2 dis ntëur al Civetta, ai 8 y ai 9 de agost. L vën muet cun auti da Urtijëi demez dala 6:30 y fërma damprò ite nchin te Sëlva, ntëur la 6:45. L se trata de na jita mesanmënter ria ma plutosc longia (da jì tramedoi dis feter 6 ëura). Iscrizions: 3–6 de agost per whatsapp: Ivan 348/7803397–scrijan l inuem y ulache n sënta su. Da paië ite: 110 €. Tl priesc iel laite l viac y l durmì tla utia cun cëina y gusté.

Temp liede
07.08.
Storia de 15 menuc
Tla biblioteca de San Durich a Urtijëi uniràl liet na pitla storia per mutons:ans y pità devertimënt criatif, n vënderdi ai 7 de agost dala 15:00.

07.08.
Ilominaziun dl Sassongher
Incö vëndres ai 7 d’agost dales 20:45 inant vëgnel tigní a Corvara la ilominaziun dl Sassongher, cun intratigni-mënt musical da pert dla Müjiga Calfosch–Corvara. Dales 20:30 inant ciafon sön plaza de comun val’ de duc, arjigné ca dal cogo Simone Cantafio, a sostëgn dla iniziativa »Un cuore per i bambini«.

09.08.
Horse Festival Pozzamanigoni
La scola per ji a ciaval FISE Pozzamanigoni nvieia ala 12ejima edizion dl festival de ciavei, n dumënia ai 9 de agost dala 10:00 inant. L sarà n di de aurela curta, cun de bela mujiga dal vif y desmustrazions a ciaval.

09.08.
Ninna Quario a Poza
En domenia ai 9 de aost da les 21:15 te piaz de Comun de Poza, per la rassegna ‘Ad alta voce’ l é na scontrèda con Ninna Quario, mère de la campiona Federica Brignone, che rejona de ‘Doi vite: l slalom paralel con mia fia«.

09.08.
Turnoi de scioh »asvelt«
La Bienela Gherdëina nvieia, n cunlaurazion cun la Lia dal Scioh Gherdëina, a n turnoi de scioh »asvelt« tla vedla ustaria dl hotel Ladinia, n dumënia ai 9 de agost dala 17:00 nchin la 19:00. N possa fé pea debant, ma l vën prià bel de se nuté su sun la plata internet biennalegherdeina.org/agenda.

09.08.
Nëif d’instà te Sëlva
La Scola de schi de Sëlva mët a jì sun Plaza Nives te Sëlva, na sëira de nëif y devertimënt d’instà. La manifestazion scumëncia dala 20:30.

10.08.
Tradizions te Gherdëina: Grupa Bal Populer
Tl zënter de Urtijëi balerà la Grupa Bal Populer dala 21:00 inant.

09., 11. y 13.08.
Kidshour – devertimënt por mituns sö alalt
Pro le parch »Movimënt« sön Piz La Ila vëgnel metü a jí vigni domënia, mertesc y jöbia jüc, animaziun y devertimënt por mituns da 5 a 10 agn, dales 13:30 inant. Prenotaziuns ti ofizi turistics dl’Alta Badia.

11.08.
Na sëra cun i stödafüch a San Ciascian
I Stüdafüch da San Ciascian inviëia düc da gní a ti ciaré ales mascins y al magazin, en mertesc ai 11 d’agost dales 21:00, pro süa sënta.

12.08.
Giovanni Grasso a Moena
En mercol ai 12 de aost, tel chèder de la rassegna ‘Moena Incontri’ te piaz Perle Alpine da les 17:30 l é la scontrèda con Giovanni Grasso che prejentarà sie nef liber »Finché durerà la terra«.

12.08.
Al Plan: laboratore de Daksy
Vigni mercui dales dales 10:00 ales 11:30 él te Ciasa dl parch a Al Plan le »Laboratore natöra de Daksy«, por mitans y mituns da 6 a 12 agn, olache al vëgn aprofondí tres jüc les conescënzes sura plantes, tiers y geologia. Ai 12 d’agost nen jarára dl tema »Pröm aiüt sön munt«. La partezipaziun é debann, al é da s’anunzié anter le mertesc al 0474 506120 o ala mail info.fsp@provinz.bz.it – posć limitá.

12.08.
De dl Movimënt
En mercui ai 12 d’agost dales 10:30 inant él tl parch de Piz La Ila le De dl Movimënt: n de particolar por gragn y pici, cun esperiënzes dedicades al movimënt, ai jüc y ala descurida dles munts, cun tröpa animaziun.

12.08.
Vins alaleria
En mercui ai 12 d’agost dales 14:30 vëgnel tigní ti pra dl Sas Dlacia a San Ciascian, na degustaziun de vins spumanc, cun le sommelier André Senoner. Prenotaziuns ti ofizi turistics dl’Alta Badia.

12.08.
Show sun dlacia: Dream Team on Ice
Tl stadio Pranives te Sëlva puderàn ti cialé a na bela desmustrazion de jadiné artistich, n mierculdi ai 12 de agost dala 21:00 inant. L unirà adalerch valguni di miëur atlec dla Talia, coche Carolina Kostner, Matteo Rizzo, la copia de bal Charlène Guignard y Marco Fabbri coche nce i artisć de »Aerial on Ice« y trueps d’autri.

13.08
Festa dla nëif a S. Cristina
La Scola de schi y snowboard de S. Cristina mët a jì na sëira de nëif y devertimënt d’instà ai 13 de agost dala 20:30 inant tl zënter Iman.

13.08.
La Ila: domisdé cun jüc da mësa
Le pulmin di jüc dl »Spieleverein Dinx« storj pro en jöbia ai 13 d’agost dales 15:30 ales 17:30 a La Ila. Te biblioteca pó pici y gragn passé n domisdé cun na gran cerna de jüc da mësa. N espert dá consëis y spliga les regoles. Al é ince la poscibilité da s’impresté fora jüc.

13.08.
Al Plan: desmostraziun de pröm aiüt
En jöbia ai 13 d’agost dales 20:30 él pro paiun d’Al Plan na desmostraziun de pröm aiüt, olache i stödafüch y la Crusc Blancia mostra so förtl da fá intervënc y jí a daidé jënt tl debojëgn.

13.08.
Badia: devertimënt por mituns
En jöbia ai 13 d’agost dales 15:00 pó düc i mituns da 3 a 12 agn tó pert a n laboratore creatif, tl parch dai tiers a Calfosch. I mituns pó colorí sön les peres y pastelné adöm cun Elena. Iscriziuns ti ofizi turistics dl’Alta Badia.

13.08.
De di morins a Lungiarü
En jöbia ai 13 de agost dales 10:00 ales 15:00 él tla Val di Morins a Lungiarü le »De di morins«, cun n morin storich en funziun y n marcé da paur; al vëgn mostré sciöche al vëgn fat pan, sciöche al vëgn lauré le lëgn. Al é ince intratignimënt por mituns y la poscibilité da se fá na roda cun le ciaval.

13.08.
Film ‘Patagonia 1976’ a Cianacei
Tel chèder de la rassegna ‘Cianacei Campo Base’ jebia 13 de aost da les 21:00 te piaz Marconi, vegn moscià l docufilm ‘Patagonia 1976’ di Ciamorces de Fasha con l president Ivan Vian e Angela Pederiva che à rencurà l documentarie.

16.08.
Domesdì dëuc
Tres la streda Dursan a S. Cristina saràl ai 16 de agost dala 16:00 inant n domesdì ntan chël che l unirà pità d’uni sort de cëifs dëuces. Ntan l domesdì sunerà Mattia Demetz.

16.08.
Sand Show–magia y ert cun l sablon
Tl Pavillon sun plaza de Chemun te Sëlva uniràl pruietà dal vif i lëures che artisć y artistes fajerà cun l sablon. La cumbinazion de ert, mujiga y cunties crieia n’atmosfera unica. La manifestazion scumëncia dala 21:00.

18/20.08.
Ispirazions a Ciampedel e a Moena
Tel chèder di evenc de ‘Ispirazions d’istà’ sabeda 18 de aost da les 21:00 te gejia de Ciampedel l é na scontrèda con Suor Azezet Habtezghi Kidane che conta sia esperienza sorafora i confins; jebia 20 da les 17:30 te piaz Perle Alpine a Moena l é Barbara Frale che rejona de la ‘Regola secreta de Sèn Francesch«.

19.08.
Divertimënt cun Kapla
La biblioteca de San Durich a Urtijëi nvieia a n domesdì de juech, n cunlaurazion cun la lia TRIX - Juesc da mëisa, n mierculdi ai 19 d’agost dala 15:00 inant. L unirà fat damat cun l KAPLA - tapli de lën, cun chëi che n possa fé su d’uni sort de ciampanii y costruzions.

Uni vënderdi
Aperitif a Urtijëi
Dala 18:00 nchin la 20:30, uniràl pità de bon aperitifs tla ustaries dl zënter de Urtijëi, for de vënderdi dai 3 de lugio inant (ora che ai 31.07., 21.08.). Sambën ne manceràl nia de bela mujiga.

Uni lunesc
Kids Night–juesc y devertimënt per mutons y mutans
La Lia dl Turism de Sëlva nvieia a chësta manifestazion, che vën a s’l dé sun Plaza Nives te Sëlva dala 20:30 inant uni lunesc nchin ai 24 de agost.

Uni merdi
Pastelné cun materiai naturei
Sun pitla plaza de Sant Antone a Urtijëi puderà i mëndri y la mëndres pastelné cun materiai naturei (puc, rames, pleces, ciofs, y n.i.): uni merdi dala 14:30 nchin la 18:00. Priesc: 15,00–20,00€. Duc ie nviei de cuer.

Uni mierculdi
Sëires de juesc cun la lia Trix
Sun la plaza dan la biblioteca »Tresl Gruber« a S. Cristina mët la lia Trix a jì de plu sëires cun juesc da mëisa: uni mierculdi dala 19:30 nchin la 21:30.

Uni mierculdi
Marcià de sëures y de tradizions
Uni mierculdi nchin ai 12 de agost saràl sun Plaza Nives de Sëlva, for dala 14:30 nchin la 19:00, n marcià de sëures y de tradizions, ulache n possa ti cialé, purvé o cumpré de bela cosses dl artejanat tradiziunel y maië velch de bon dl raion.

Uni mierculdi
Marcià de prudoc dl luech
L pitl marcià de prudoc dl luech sun pitla plaza de Sant Antone a Urtijëi sarà inò daviert uni mierculdi dala 15:00 nchin la 19:00.

Uni juebia
»Flying Aperitivo«
La manifestazion unirà fata nchin tl scumenciamënt de setëmber, uni juebia, dala 18:00 nchin la 19.00 sun Pana. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif. Da bur’ tëmp vën la manifestazion spënta. L ie da se scrì ite nchin al di dant pra la Lia dl Turism de Santa Cristina o diretamënter pra l mplant dla Mont de Sëura.

Televijion y Radio
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.

11.08.
Sport ladin
Dales 20:50 ca. Test y conzet: Diego Clara, produziun Zak, a cura de Leo Senoner.

12.08.
Natura y ambient
Dales 20:50 ca. Cun Helga Alton, pedagoga dles erbes. Test y conzet: Karin Pizzinini, produziun: Pinterfilm, a cura de Alessandro Dapunt.

13.08.
Cult – i patri de Muri-Gries
Dales 20:50 ca. Test y conzet: Daria Valentin, produziun: Karbonvideo, a cura de Alessandro Dapunt.

07.08.
Sonoton Awards Gala
L’Orchestra Sonoton porta si cunzerc inò tl mond dla mujiga da film, cun pec che à venciù n Oscar. Na ciaculeda cun l dirighënt jëunn Alex Designori. Na ntervista de Bruno Maruca

09.08.
La cumbineda nordica nia plu olimpica!
Ai 6 de lugio ie unida ora la nutizia che la disziplina dla cumbineda nordica ie unida straicheda dal program di juesc olimpics. Tla trasmiscion iel da audì minonghes reflescions da pert de Daniela Dejori, Aaron Kostner y Romed Moroder. Trasmiscion de Alex Runggaldier

Presentazions
13.08.
N liber–na mont: ancunteda cun l autëura Antonella Viola
Per la lingia dl’ ancuntedes cun i:la autëures iel ai 13 de agost dala 17:30 a Urtijëi tla Cësa di Cungresc l’ancunteda cun Antonella Viola, scritëura dl liber »Parlami d‘amore–Un viaggio scientifico nel desiderio, nella passione, nei legami«.

17.08.
N liber–na mont: ancunteda cun l autëur Carlo Cottarelli
Per la lingia dl’ ancuntedes cun i:la autëures iel ai 17 de agost dala 17:30 a Urtijëi tla Cësa di Cungresc l’ancunteda cun Carlo Cottarelli, scritëur dl liber »L‘economia facile–Risposte semplici per capire il mondo«.

Segres y festes
08. y 09.08.
Festa dl paisc a Al Plan
Tla fin dl’edema di 8 y 9 d’agost él festa a Al Plan. La festa mët man la sabeda dales 18:00, dales 19:30 sona le grup »Rise o’clock« y dales 22:00 »Cindy and the Rock History«. La domënia dales 11:30 él matinée cun la Musiga da Bornech, dales 14:30 defilada, dales 15:30 conzert dla Musiga da Feldthurns y dales 18:30 dla »Nord–Süd–Ost Böhmische«.

15.08.
Festa dla Gran S.Maria
De plu lies de Sëlva nvieia ala festa de »ferragosto« cun grupes de mujiga y dala 16:00 cun la defileda dla trohtes, n sada ai 15 de agost dala 11:30 inant sun plaza de Chemun de Sëlva.

Sport
09.08.
Set Mases a Soraga
Domenia 9 de aost con partenza da les 10:00 da Pra del preve a Soraga la 3Esse endreza la gara de corsa entorn paisc ‘Set Mases’, da les 12:00 marena per duc.

11.08.
Juesc dl HC Gherdëina
L HC Gherdëina se anjinia ca per la proscima sajon. N chësta ucajion fajerài plu partides tl stadium Pranives te Sëlva: la prima sarà ai 11 de agost dala 20:45 contra i Fassa Falcons.

Atualmënter
Curs de sauté
I Gherdëina Runners mët a jì n curs cun l alenadëur Diego Soppelsa. L curs sun l ciamp dal sport Mulin da Coi ie uni merdi dala 19:00 per dut l instà. Duc ie de cuer nviei, nce de tei che scumëncia permò.

13.08.
Corsa Torn del Vaiolet
Jebia ai 13 de aost i Alpins da Vich endreza la 37^ edizion de la corsa de net de le Torn del Vaiolet. I concorenc ponta via da les 9 da sera dal tendon de la manifestazions de Val e i cor entorn paisc.

14.08.
Giro de le Notole
Vender 14 de aost la Monti Pallidi endreza a Moena la corsa a pe ‘Giro de le Notole’ con partenza da les 9 da sera te piaz de Sotegrava. Domesdì festa te paisc con musega.

Leteratura
Atualmënter
Incuntades leterares tl’Alta Badia
A Corvara él deplü auturs taliagn che presentëia sü libri: ai 07.08. Maria Rosa Quario, ai 09.08. Eliana Liotta, ai 11.08. Pegah Moshir Pour, ai 14.08. Antonella Viola. Les incuntades é dales 18:00 tl salf dles manifestaziuns, adinfora di 11 d’agost, olache an mët man dales 21:00.

Musiga y bal
07.08.
Bai dla Grupa Bal populer
I balarins y la balarines dla Grupa Bal Populer de Urtijëi balerà ai 7 de agost dala 21:00 sun Plaza Nives te Sëlva.

08.08.
Conzert de I Cajones a Vich
Sabeda 8 de aost da les 21:15 te piaz tedant l Ofize di foresć a Vich l é l conzert de la Cajones Band con Biju Vadagnini, Roberto Dassala e Marco Mattia.

08.08.
Panorama Music sun Lujia
Sabeda ai 8 de aost da les 11:30 ló dal Chalet Valbona sun Lujia, tel chèder di evenc de Panorama Music, se pel scutèr l quintet Heiny’s Gang che tol ite la ciantarina del Sudtirol Evi Mair.

08/12.08.
Conzert del Cor Note Blu
Sabeda ai 8 de aost da les 21:00 te sala Simon Maza de la scoles de Moena e mercol 12 jun Ischia de Ciampedel l é l conzert del cor de eles Note Blu de la scola de musega Il Pentragramma.

09.08.
Dire Straits tribute band
En domenia ai 9 de aost da les 21:00 te chino de Cianacei i Portobello-Dire Straits Tribute Band portarà dant na sera dedichèda ai gregn classics de Mark Knopfler e di Dire Straits.

12.08.
Fernando Dìaz a La Grenz
Tel chèder di evenc de Panorama Music, en mercol ai 12 de aost da les 21:30 a La Grenz a Moena l é l conzert del pianist e compositor messican che stèsc a Roma Fernando Dìaz che conjobia la musega classica con chela jazz.

09.08.
Cianté y soné sön munt tl’Alta Badia
Tl’Alta Badia vëgnel pité ince chësc ann la iniziativa »Cianté y soné sön munt«. En domënia ai 9 d’agost dales 13:30 inant sona tla ütia »Club Moritzino« le »Conturines Echo«.

15.08.
Badia: conzert y lotaria
La Müjiga de Badia tëgn conzert en Santa Maria dal Ciüf ai 15 d’agost, dales 11:00, sön plaza da San Linert. Al sará ince l’estraziun dla lotaria.

15.08.
Al Plan: conzert y lotaria
La Musiga d’Al Plan tëgn conzert en Santa Maria dal Ciüf ai 15 d’agost, dales 11:00, sön paiun d’Al Plan. Al sará ince l’estraziun dla lotaria.

15.08.
Conzert dla Musiga da Rina
En sabeda ai 15 d’agost, festa de Santa Maria dal Ciüf, dales 10:00, él la Musiga da Rina che tëgn conzert tl zënter de paisc.

09.08.
Matinée–Classical Mood
Sun Pitla plaza de S. Antone a Urtijëi puderàn scuté su n bel cunzert de mujiga da camra, n dumënia ai 9 de agost dala 11:00 inant.

12.08.
Cunzert dla Mujiga de Unterinn
La Mujiga de Unterinn sunerà ai 12 de agost dala 21:00 inant tl zënter Iman te S. Cristina.

12.08.
Sëira de tradizions sa Bula
Sun la plaza de dlieja sa Bula saràl dala 20:30 inant na bela sëira de mujiga, cun l cuertet „De Cater“, i „Unknown Brass“ y Jakob Senoner.

13.08.
Cunzert dla Mujiga de Urtijëi
La Mujiga de Urtijëi sunerà ai 13 de agost dala 21:00 inant sun Plaza de San Durich a Urtijëi. Sce l ëssa da vester bur’ tëmp vën l cunzert fat tla Cësa di Cungresc.

13.08.
Cunzert dla Mujiga de Albeins
La Mujiga de Albeins sunerà ai 13 de agost dala 21:00 inant sun plaza de Chemun te Sëlva.

14.08.
»Tributo Italiano« – festa de mujiga taliana
Sun plaza de Chemun de Sëlva saràl ai 14 de agost dala 21:00 inant n cunzert de mujiga taliana cun la grupa »Tributo Italiano«. Si gran repertoire va dala mujiga di ani ‘50 nchin ai perc de ncueicundì.

15.08.
Cunzert–Big Band Intica
Sun plaza de dlieja a Urtijëi dajerà la grupa Big Band Intica n bel cunzert de mujiga che cunlieia i sonns tlassics Big-Band cun l jazz modern. L apuntamënt ie ai 15 de agost dala 21:30 inant.

Uni mierculdi
Trio di corni da mont »Ladinia«
L trio »Ladinia« sunerà si corni da mont uni mierculdi dala 16:30 nchin la 17:30 te Val. Dai 31 de lugio nchin ai 28 de agost sunerài nce de vënderdi, for dala medema ëura te Val.

Sozieles
12.08.
Marcià de benefizenza Mille Centrini
L grop Mille Centrini de Vich endreza te Ciasa Marmolada la mostra marcià de benefizenza dai 12 ai 19 de aost da les 15:00 a les 18:30. Se podarà veder de bie lurieres fac a man da la volontadives, dut chel che vegn ite vegn destinà a azions de solidarietà e benefizenza.

14.08.
Deberieda–Grilieda
N se anconta n vënderdi ai 14 de agost dala 12:00 dan l Raion Sozel a Urtijëi (vedla Cësa de paussa) per fé na bela glilieda y maië n cumpanìa. »Deberieda« ie na grupa che mët a jì ancuntedes danter ulenteres y persones che à problems psichics o de sozialisazion.

Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.

Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y ala families te situazions de duel. L vën damandà na cuota anuela de 50 euro. Per nfurmazions de sustëni pòssen tò su cuntat cun: Trauer- & Krisennetzwerk Südtirol VFG–info@trauernetzwerk-suedtirol.com, 379 1170488.

Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.

Atualmënter
Family Support
L servisc Family Support pieta sustëni ala families jëunes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n valgun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l damandé. Per nfurmazions pòssen scrì a gherdeina@family-support.it