La Usc di Ladins

Dotours
Dutor Gherdëina
L dutor de servisc dala 08.00 de n sada ai 09.05. nchin la 08:00 daduman de n lunesc ai 11.05. ie l dutor Valentin Tröbinger de Sëlva, tel. 0471/773073 o l 335 6844944.
Doturs Val Badia
Tla fin dl’edema di 9 y 10 de ma sarál en sorvisc ti cin co­muns dla Val Badia la do­turia Jasmine Gabrieli, La Ila, tel. 371 7515275.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 08.05. nchin n vënderdi ai 15.05. ie chëla de Sëuc, tel. 0471/708970 (orar de giaurida lu-ve 8.30-12.30/15.00-19.00, sada 8.30/12.30. Turnus: 9.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 8 de ma dales 19:00 al vëndres ai 15 de ma ales 19:00, é chëra da San Martin/Picolin, tel. 0474 523020.

Chino
Atualmenter
Al chino de Cianacei
Vender 9 de mé da les 20:30 l é »Il diavolo veste Prada 2« e mèrtesc 12 semper 20:30 te l’Aisciuda Ladina »Pata­gonia 1976. Spedizion di Cia­mor­ces e menacrepes de Fa­scia« con entrèda debant. Da la medema ora jebia 14 te la ressegna di Comuns de Sèn Jan e Cianacei »Il Mago del Cremlino. Le origini di Putin (2025)« e vender 15 l spetacol de la Scola ladina de Fascia »C’era una volta un bullo«.
Atualmenter
Al chino de Pardac
Sabeda 9 de mé da les 21:00 l é »Il diavolo veste Prada 2« e domenia 10 da les 21:00 »Michael«. Mercol 12 semper da les 21:00 »Reminders of him. La parte migliore di te« e amò sabeda 16 da les 21:00 e domenia 17 da les 17:00 »Il diavolo veste Prada 2«.
Atualmenter
Al chino de Tieser
Insnet, vendere 8 de mé da les 20:45 l é l spetacol de Ma­rio Cagol »SMILE – Non ci resta che ridere«; sabeda 9 e domenia 10 da les 17:15 l é »Pe­core sotto copertura« e en­veze da sera sabeda da les 21:00 e domenia da les 20:30 l é »Il diavolo veste Prada 2«. En jebia ai 14 da les 20:30 »L’ultimo Re«, con entrèda debant.
14.05
Al chino per fèr comunanza
Set film per set jebies da les 20:30 al chino de Cianacei per endrez di Assessorac a la cultura de Sèn Jan e de Ciana­cei en colaborazion con la sociazion Kino. En jebia ai 14 de mé l film del 2025 »Il mago del Cremlino. Le origini di Putin« rejona de poder politich, ideologia, propaganda e responsibilità.

Segres y Festes
16.05.
Festa d’ansciuda dl FC Gherdëina
L FC Gherdëina mët a jì chësta festa cun partides di jëuni, mujiga, da maië y da bever y bona ueia! Duc ie nviei de cuer a passé n sada ai 16 de mei dala 9:00 inant.

Avisc
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun sozio­sanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de difi­colté. L’ofize é tla str. Dan­te 2m a Bornech (Stern­hof) y é davert lönesc y mercui dales 14:00 ales 19:00, le vën­dres dales 8:00 ales 12:00. Con­tac: 0474 555848, 340 1896431 o info@mip-puster tal.it
Atualmenter
Corsc de lengaz te biblioteca
La biblioteca de Cianacei met dant cater scontrèdes per emparèr i lengac con conversa­zion con letores esperc: mercol ai 13 de mé, mercol ai 20 de mé, vender ai 29 de mé e vender ai 5 de jugn da les 17:00 a les 18:00. Iscrizions su whatsapp al 0462 602382.
Atualmënter
»Diggy-Treff« ancuntedes digiteles
Ëis’a dumandes n con’ de co fé dumanda per l SPID, de co desćiarie na app o n refert de n labor? Ëis’a deficulteies cun prugrams o cun la nstala­zion de na software? Tulëde pea vosc njins tecnics y unide tla biblioteca de Sëlva. N juebia ai 14 de mei dala 18:00–21:00 sarà l espert Werner Messner iló a ve judé. L servisc unirà pità nce ai 21 de mei y ie debant.
Uni mierculdi
Ciaculon online – per ladin
La Union di Ladins de Gher­dëina mët a jì »Ciaculon online« per chi che scumëncia y chi che ulëssa miuré si ladin: uni mierculdi dala 18:00–19:00. Duc possa fé pea, l basta nstalé l prugram »TEA­MS« sun l computer y jì ite sot a chësc link: https://url-shortener.me/GIBM
08-05
Nef liber: Flora de Fascia
L’Union di Ladins de Fascia dèsc fora na neva publicazion sun fiores e piantes per ladin. L liber »Flora de Fascia« ren­curà da NIves Iori e coi bie retrac de Alberto Chioc­chetti vegn prejentà en vender ai 8 de mé da les 16:30 sun Tamion aló dal Hotel Gran Mugon. Do la prejentazion sarà l marendel enjignà dal chef da steiles Stefano Ghetta de Martin.
08-05
Film »Viaggio in Italia: la Corte Costituzionale nelle carceri«
L assessorat a la cultura de Sèn Jan e la Sociazion ‘Liberi da dentro’ met dant la terza e ultima scontrèda per vardar daite te la prejons e te noi enstesc. Te Oratorie de Poza da les 20:30 en vender 8 de mé con ‘Viaggio in Italia: la Corte Costituzionale nelle carceri’ se rejonarà del viac de set giudizes de la Cort Costituzionala che scontra i aresté de set Istituc peniten­ziaries, n enconter anter doi umanità.
08.05.
Troes de cultura a Moena
La rassegna de la Biblioteca de Moena ‘Troes/Sentieri’ se sera su anché, vender ai 8 de mé da les 20:00 te Sala Rovisi con Ornella Pepe che rejona de incomprenjions e rescat, prejentan sie liber »Sola: con la mia dislessia«.
09.05.
Rencuron nesc paijes
En sabeda ai 9 de mé l Comun de Sèn Jan envia duta la sociazions e la comunanza a tor part a la dì ecologica. Se se bina da le 8 da doman ló dal tendon de Poza e Pera e ló dal Ciamp de balon de Cotura per VIch. A la fin te tendon vegn enjignà da ma­rena con hamburger e pomes fric per duc i volontadives.
09.05.
Urtijëi: Rumé su l luech
N sada ai 9 de mei vëniel jit a rumé su l luech. N se an­conta dala 8 daduman dan l Chemun de Urtijëi. Duc ie nviei a judé pea. Do l’azion giapa duc chëi che à judà pea na marënda.
09.05.
Sëlva: Rumé su l luech
N sada ai 9 de mei vëniel jit a rumé su l luech. N se an­conta dala 8 daduman dan la Cësa de Cultura de Sëlva. Duc ie nviei a judé pea. Daldò jiràn deberieda a marënda.
09.05.
S. Cristina: Rumé su l luech
N sada ai 9 de mei vëniel jit a rumé su l luech. N se a­n­conta dala 8 daduman dan l Chemun de S. Cristina.
09.05.
Raida Soraga-Pianac
I Servijes linguistics e culturèi del CGF, tel chèder de l’Ai­sciuda Ladina, endreza do­man, sabeda ai 9 de mé, la pruma raida sul teritorie. Se ponta via da Soraga auta da les 9 da doman, se va sun Pia­nac, Someda e deretorn col menatroes Giuliano Pe­deriva.
13.05.
Aperitif col liber
L assessorat a la cultura del Comun de Sèn Jan endreza la scomenzadiva ‘Aperilibro 2026’: 4 mercoi e 4 autores da les 18:00 ló da la biblioteca de Vich. L secont apuntament l é ai 13 de mé con l scritor Matteo Righetto.
14.05.
Scontrèda su la toponomastica
L’Union di Ladins de Fascia, tel chèder de l’Aisciuda La­dina, endreza na scontrèda su »Toponomastica. Patri­monie de identità de n popul« en jebia ai 14 de mé da les 17:00 te Ciasa de la Moniaria a Sèn Jan con Nives Iori, Nico­letta Riz e Fabio Chiocchetti.
16.05.
Raida vin Fedom
L’Union di Ladins de Fascia, tel chèder de l’Aisciuda La­dina, endreza en sabeda ai 16 de mé na raida vin Fedom per jir a veder l Ciastel e l mo­lin de Andrac. Info e inscri­zions dant dai 10 de mé al 0462-764545 ence per whatsapp.
20.05.
Mpresté trohtes a Urtijëi
Dai 20 de mei inant pòssen uni mierculdi dala 20:00–21:30, mpresté ora trohtes pra la lia Guant dala Gher­dëina de Urtijëi, tl self dla lies tla Cësa di Cungresc suaut. La trohtes per mutans y mu­tons vën mprestedes ora do­mesdì, ai 20 y 27 de mei y ai 3 de juni, cherdan su danora l numer de Nadja Moroder 334 5266014.

Mostres y Ert
Atualmënter
Mostra »Bal di Culëures«
Tl Café Surëdl a Urtijëi iel metù ora chedri de Lara Kostner. L’esposizion va inant nchin ai 13 de juni.
Atualmënter
Deventé crëscer amé
Tla Cësa de Chemun de Laion iel da udëi na mostra de Guido Senoner Tinderla, che resterà davierta nchin ai 15 de mei, dal lunesc al vënderdi dala 8:00–12:00 y la juebies nce dala 16:00 nchin la 18:30. Duc ie nviei de cuer.
Atualmënter
Primal Focus – Niklas Jäger
Tl self dla mostres dl Circolo-Lia Mostra d’Ert iel da udëi lëures de Niklas Jäger. La mostra resterà davierta nchin ai 17 de mei ntan i orares de giaurida: dal merdi nchin la dumënia, 16:00–19:00 – de sada y dumënia iel daviert nce danmesdì, 10:00–12:00. De lunesc iel stlut.
17.05.
Di nternaziunel di museums
N ucajion dl »Di nternaziunel di Museums« ai 17 de mei, nvieia l Museum Gherdëina al di de porta davierta, cun pro­gram speziel, dala 14:00 inant.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
12.05.
Sport Ladin
Dales 20:50. Test y regia Diego Clara, produziun Zak, a cura de Leo Senoner.
13.05.
Cuartet leterar TV – Iaco Rigo
Dales 20:50 ca. Test e regia Rut Bernardi, produziun Fusago, a cura de Alessandro Dapunt.
14.05.
Nosta Scola
Dales 20:50 ca. Test y regia Lena Mulser, produziun Kar­bon­video, a cura de Alessan­dro Dapunt.
Informaziuns
Informazions plu menudes sun i programs de RAI Ladi­nia pòn giaté sun www.raibz.rai.it – Sun l medem sit sarà i programs TV da vedei sot a »Mediateca« y les trasmi­scions radio sot a »Podcast«.

Cursc
08. y 15.05.
Infopoint informatica a San Martin
Le Consëi de formaziun da San Martin mët a jí na consu­lënza personala por vigni eté, sön domandes che reverda l’adoranza dl computer y dl fonin, SPID, e–mail y tan d’ater, cun la referënta Madda­lena Valentini. Vigni vëndres, cina ai 29 de ma dales 9:00 ales 11:00, tl salf di cursc dl Istitut Ladin. Al é da s’anunzié danfora al 347 6880248.
09.05.
N verzon naturel
Co fé te verzon, cun la che­spuela y co senté ora ciofs y verdura te na maniera natu­rela: de chësc vëniel rujenà n sada ai 9 de mei. N se anconta dala 15:00 da la cësa da Pizer (via Rumanon) a Urtijëi per jì deberieda a spaz nchin pra l luech da Nevel. La lia per Natura y Usanzes se ncunforta sun vosc unì.
15.05.
Curs da cujiné pësc
En vëndres ai 15 de ma dales 18:30 ales 21:30 vëgnel tigní tla ciasadafüch dla refeziun da San Martin n curs da cujiné pësc. Referënt é le cogo Cri­stino Orlando. Prenotaziuns al 339 3115679. Cost: 25,00€. I posć é limitá. Organisaziun: Uniun Ëres San Martin.

Religion
22.05.
Crejima 2027 tla Val Badia
Ince l’ann che vëgn sarál la po­scibilité da ciafé le Sacra­mënt dla Crejima tla Val Badia, por i jogn che á complí 16 agn y á tut pert ales 8 incun­tades de preparaziun. Chësta pëia ia cun na pröma incuntada ai 6 de jügn 2026 y vá inant da setëmber cina merz 2027 n iade al mëis. I interessá de döta la valada, jogn y jones cun geniturs (ev. toc), é inviá a na sëra d’infor­ma­ziun, en vëndres ai 22 de ma dales 19:30, tl Istitut Ladin a San Martin.

Referac
11.05.
Le sport agonistich tl’eté jona
En lönesc ai 11 de ma dales 20:00 él tla Ciasa dla Cultura a La Ila na serada d’informa­ziun y reflesciun por geniturs, alenadus y dirigënć sportifs, sön co orienté l’alenamënt y acompagné i atlec jogn te so svilup sann y de dorada lungia. Referënt é Thomas Valentini y ala serada tol pert ince n valgügn atlec jogn dl post, che cuntará süa esperiënza. Organisaziun: Consëi de formaziun Badia.

Publizistica
19.05.
Prejentazion dl liber
L liber »Storia dl Radio Ladin y dla Televijion Ladina 1946-2026«, de Carl Insam unirà prejentà tla Cësa di cungresc a Urtijëi n merdi ai 19 de mei dala 18:00.

Sport
Atualmënter
Curs de sauté
I Gherdëina Runners mët a jì n curs cun l alenadëur Diego Soppelsa. L curs sun l ciamp dal sport Mulin da Coi jirà inant uni juebia dala 19:00 per dut l instà. Duc ie de cuer nviei, nce de tei che scumëncia permò.
10.05.
FC Gherdëina – St. Pauls
N dumënia ai 10 de mei dala 15:30 juega l FC Gherdëina ta Mulin da Coi contra l St. Pauls.
Iadi y Jites
08. y 09.06.
Pelegrinaje dl KVW
Le KVW dl comun de Badia mët a jí n pelegrinaje a Monte­castello, Tignale (lech de Gar­da) y da S. Luigi Gonzaga a Castiglione delle Stiviere, ai 8 y 9 de jügn. Le grup vëgn acompagné da siur Iaco Willeit. Informaziuns y pre­notaziuns anter i 25 de ma pro Christoph Pezzedi al 333 7219535.
16.05.
Jita culturela tl »Naturparkhaus«Puez Geisler te Funes
La Lia da Mont mët a jì na jita culturela n cunlaurazion cun l Cunsëi Furmazion de Urtijëi. N furnerà cun la cu­riera nchin a St. Magdalena a vijitè la cësa dl parch naturel. Daldò uniràl jit n tòch a pe de vieres de St. Peter. La jita ie saurida, adateda a duc–da jì: za. 1 ëura. Per nfurmazions sun i orares dla curiera y per se nuté su: dai 11.05. nchin ai 14.05. tres WhatsApp da Bri­gitte al numer 339 46 294 00.

Mujiga
Atualmënter
Cianties populeres cun Willy Runggaldier
L KVW de Sëlva nvieia duc chëi che à legrëza a cianté n cumpanía ala ancuntedes cun Willy Runggaldier. N se an­conta for te Sëlva dala 15:00: ai 14 de mei tla Stua di Se­niores, ai 23 de mei tla ustaria Val, ai 6 de juni tl bar Okay ora Plan da Tieja y ai 18 de juni ta la utia Ciampac. La manifestazion ie debant y l ne ie nia debujën de se lascé nuté su!
13.05.
Slam-Poetry & percuscions
L Cunsëi de Furmazion de S. Cristina mët a jì na sëira de aurela curta cun Georg Mal­fertheiner y Irene Moro­der, n mierculdi ai 13 de mei dala 20:00 inant tl self Raiffeisen tla Cësa de Chemun de S. Cristina.

Sozial
08.05.
Deberieda: vijita al zënter dl parch naturel de Sëuc
N se anconta ncuei vënderdi ai 8 de mei dala 14:00 dan la Cësa de Paussa a Urtijëi, per furné deberieda a Sëuc. »Deberieda« ie na grupa che mët a jì ancuntedes danter ulenteres y persones che à problems psichics o de sozialisazion.
Atualmenter
Portel de scout mediazion familia
L Comun General de Fascia con ALFID Onlus avert n portel de scout, orientament e mediazion familiara per la re­lazions te c‑sa. L avert a duc e debant a S‑n Jan te Stra­­­da di Pr de Lejia 12 su apun­tament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
Family Support
L servisc Family Support pieta sustëni ala families jëunes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n val­gun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l damandé. Per nfurmazions pòssen scrì a gherdeina@family-support.it
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y la families te situazions de duel. L vën damandà na cuota anuela de 50 euro. Per nfur­mazions de sustëni pòssen tò su cuntat cun: Trauer- & Krisennetzwerk Südtirol VFG–info@trauernetzwerk-suedtirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
20.05.
Scontrèdes de auto mutuo aiut
La sociazion Rencureme de Fascia e Fiem endreza scon­trèdes de auto mutuo aiut per chi che à te cèsa parenc con problemes de memoria e decadiment cognitif. Quinta e ultima scontrèda en mercol ai 20 de mé da les 20:00 te Ciasa de Noscia Jent a Poza.

Teater
15/17.05.
A teater con I Bontemponi
L grop de teater I Bontemponi porta dant doi repliches del spetacol »No l é mai massa tart«: vender ai 15 de mé da les 21:00 e domenia ai 17 da les 15:30 te Oratorie de Poza.
09.05.
Sëira de bona ueia per l di dl’oma
Nce chëst ann nvieia la Schie­ra Junila de Urtijëi al teater per l di dl’oma, n sada ai 9 de mei dala 20:00 y n dumënia ai 10 de mei dala 18:00 tla Cësa di Cungresc Cësa de Urtijëi tla sala »Luis Trenker«.

Temp Lede
Atualmënter
Lauratuere creatif per mëndri
Tla mostra Sevi »Dal lën al juech« tl Museum Gherdëina a Urtijëi vëniel metù a jì trëi lauratueres creatifs per mën­dri cun Gloria Soppelsa: ncuei vënderdi ai 8.05., ai 15.05 y ai 22.05 dala 14:30 ala 16:00. Mutans y mutons dala 2a elementera ala 1a mesana ie bënunides. I posć ie limitei. L ie debujën de se scrì ite. Tel. 0471 797554
Autualmënter
Mpera a cunëscer l mond dl’eves
I mutons y la mutans dla scola elementera ie nviei tla biblio­teca San Durich a Urtijëi per pastelné, sperimenté y mpa­ré a cunëscer cun juesc d’uni sort l mond dl’eves. Ncuei, vënderdi ai 8 y n duman, sada ai 9 de mei.
Atualmënter
Jì a Ciaval – iscrizions camps da d’instà
L zënter y la scola de jì a ciaval de Gherdëina Pozamanigoni mët a jì camps da d’instà per mutons dai 5 ani insù, tl’ena dai 22-26.06. y dai 24.-28.08.–for danmesdi. L unirà nce fat n camp cun durmì de 5 dis per chi che sà bele mpue da jì a ciaval la prima ena de lugio. Per plu nfurmazions y per se scrì ite: 349 8899128.
Atualmënter
Iscrizions curs de jì a ciaval per mutons:ans
Tl mëns de mei uniràl fat n curs per mparé a jì a ciaval fajan damat cun i ponys. N se anconta uni sada ta »Poza­manigoni« te Sëlva. L curs ie pensà per mëndri y majeri dai 3 ani insù. Per nfurma­zions y iscrizions: 349 889 9128.
08.05.
Storia de 15 menuc per mutons y mutans cun Erica
Ncuei, vënderdi ai 8 de mei dala 3 domesdì tla biblioteca San Durich a Urtijëi.
09.05.
Chëi dal’eves tla biblioteca
La »Lia dal’Eves« vën tla bi­blioteca de Urtijëi, n sada ai 9 de mei dala 10 danmesdì. Duc ie de cuer nviei, granc y pitli, a scuté su y mparé a cunëscer chisc pitli nsec.
09.05.
De dl ambiënt tl’Alta Badia
En doman sabeda ai 9 de ma vëgnel tigní ti comuns dl’Alta Badia le »De dl ambiënt«. An se incunta dales 9:00 dan la sënta di stödafüch de vigni paisc. Pici y gragn é inviá a tó pert y dé n contribut a nosta tera. Te vigni comun él preodü na marëna por düc i parte­zipanc.
09.05.
Arjigné l’urt, somené, fá crësce
Le Consëi de Formaziun d’Al Plan, deboriada cun Zicuta Lab, mët a jí na incuntada cun Georg Trebo che mana­jëia l’Urt da Ras – verzöra d’Al Plan. Al gnará baié de co arjigné ca l’urt, somené y co fá por fá crësce de piceres plantes. An s’incunta a Al Plan, sön la gran plaza dai auti sö Ras, en doman sabeda ai 9 de ma dales 10:00 ales 12:00.