La Usc di Ladins

Dotours
Dutor Gherdëina
L dutor de servisc dala 08:00 de n sada ai 01.08. nchin la 08:00 daduman de n lunesc ai 03.08. ie l dutor Giuliano Piccoliori de S. Cristina, tel. 0471 792282 o 348 3301004.
Doturs Val Badia
Tla fin dl’edema di 1. y 2 d’agost él en sorvisc ti co­muns de Mareo y San Martin la do­turia Margarete Mahl­knecht, La Val, tel. 349 066 7034 o 0474 523018. Ti co­muns de Badia, Corvara y La Val él en sorvisc le dotur Guido Caretta, Calfosch, tel. 0471 836870 o 337 616080.

Apoteches
Apoteca Gherdëina
L‘apoteca che ie de servisc ora dl orar urdiner de giaurida, da n vënderdi ai 31.07. nchin n vënderdi ai 07.08. ie chëla de S. Cristina, tel. 0471/7921 06 o 333/1776615 (orar de giaurida 8:00-12:00/15:00-19:00).
Apoteca Val Badia
L’apoteca en sorvisc tla Val Badia, fora dl orar ordinar, dal vëndres ai 31 de messé dales 19:00 al vëndres ai 7 de agost ales 19:00, é chëra da San Martin/Picolin, tel. 0471 830237.

Leteratura
Atualmënter
Incuntades leterares tl’Alta Badia
A Corvara él deplü auturs taliagn che presentëia sü libri: ai 01.08. Tiziana Ferrario, ai 02.08. Francesco Costa y Gia­­da Messetti, ai 04.08. Mi­chela Marzano y ai 07.08. Maria Rosa Quario. Les in­cuntades é dales 18:00 tl salf dles manifestaziuns, adinfora di 2 d’agost, che é dales 21:00 y ara se trata de na discusciun.

Segres y Festes
02.08.
Gran festa cun i guanc dala Gherdëina
N dumënia ai 2 de agost dala 16:00 inant saràl tl zënter de S. Cristina la gran defileda tra­­diziunela de »Gröden in Tracht«. L fajerà pea cin’ mu­jiges, la lies dl guant dala Gher­dëina, grupes de bal populer y la lies di scizeri. Do la defileda saràl la festa di Destudafuech tl zënter Iman.
02.08.
Festa alaleria a Corvara
La Müjiga Calfosch-Corvara inviëia düc ala festa alaleria en domënia ai 2 d’agost dales 10:30 tl pinëi (pineta) a Cor­vara. Danmisdé él la Böhmi­sche da La Ila che sona, dales 13:00 él la Musiga da Weißen­bach che tëgn conzert, dales 15:00 la Musiga da La Val y dales 17:00 inant sona le »Hobby Quintett«.
05.08.
»Paisc en festa« a San Ciascian
En mercui ai 5 d’agost él le terzo apuntamënt cun le »Paisc en festa« a San Ciascian. An mët man dales 16:00 cun n pice marcé y al vëgn dé fora spezialités gastronomiches. Domisdé sona »Bridge Project« y »Vic&Daniel«, da sëra i »Rise o’clock« y »Louis & The Space Travellers«.
06.08.
Festa dla lintiernes
Pra la ntreda dl tunel dla ferata a S. Cristina vëniel metù a jì la festa dla lintiernes cun Magic Mani, che ntratenirà mutons y mutans cun mujiga y striunëc. La festa ie ai 6 de agost dala 20:30.
08. y 09.08.
Festa dl paisc a Al Plan
Tla fin dl’edema di 8 y 9 d’agost él festa a Al Plan. Ara mët man la sabeda dales 18:00, dales 19:30 sona le grup »Rise o’clock« y dales 22:00 »Cindy and the Rock History«. La domënia dales 11:30 él matinée cun la Musiga da Bornech, dales 14:30 defilada, dales 15:30 conzert dla Musiga da Feldthurns y dales 18:30 sona la »Nord – Süd – Ost Böhmische«.

Mostres y Ert
Atualmenter
Jocalo mostra a Vich
Fin ai 21 de aost te la scoles populères de Vich se pel veder la mostra scientifica ‘Jocalo’ de Inout e la Scola Ladina de Fascia: lunesc e mercol da les 15:00 a les 19:00 e da les 20:00 a les 22:00; mèrtesc, jebia, vender e sabeda da les 15:00 a les 19:00, domenia serà.
Atualmenter
Operes de Sieff a Soave e Lana
L artist da Ciampedel Mat­thias Sieff met fora sia scul­tu­res maestouses per dut istà tel zenter storich de Soave (VR), che con la mostra »Guar­­­­diani della storia« doven­ta n museo a ciel avert. Sieff met fora sia operes ence te la esposizion »Frauen/Donne« per endrez del Kulturverein K.art che restarà fora ti vido­res de Lana fin ai 8 de novem­ber.
Atualmënter
La lerch danterite
N vënderdi ai 24 de lugio dala 17:00 iel la giaurida dla mostra dl artist de Urtijëi Hermann Josef Runggaldier tla Hofburg de Persenon. La mostra ie davierta ntan i orares de giau­rida dl museum dla Hofburg de Persenon, uni di dala 10:00 ala 18:30, y sarà da udëi nchin ai 15 de nuvëmber.
Atualmënter
Mostra »Theatrum Naturae -la paladina dl vif«
La mostra tla galaria Vijion a Puntives, resterà davierta nchin ai 10 de agost, dal lunesc nchin la sada, 16:00–19:00. Per vijites ora dl orar de giau­rida: 338 2098697.
Atualmënter
Mostra »Mumënc«
L Café Surëdl a Urtijëi nvieia de cuer ala mostra dal titul »Momente – momenti – mu­mënc«, che resterà davierta ntan l orar de giaurida (lu–vë, 09:00–19:00) nchin ai 11 de setëmber. Artisć:tes che mët ora: Sabine Brugger, Sieg­fried Stauder, Anneliese Hofer Heiss.
Atualmënter
(Future) Paradise Gardens
A Urtijëi, ma nce ti autri doi luesc dla valeda, iel da udëi nchin ai 13 de setëmber la nsta­lazions d’ert dla Bienela Gherdëina. Plu nfurmazions sot a www.biennalegherdeina.org
Mierculdi y dumënia
Vijites menedes tres la Bienela
La vijites menedes tla rujeneda tudëscia, taliana y nglëija vën fates uni mierculdi y dumënia dala 10:00 nchin la 13:00. N se anconta dan l Info Point tl self Trenker a Urtijëi. Priesc: 10,00 € + ntreda. N possa se nuté su nchin la 18:00 dl di dant sun la plata dl Val Gar­dena Active.
31.07.
Mostra y teater tla »StallArt«
N vënderdi ai 31 de lugio dala 18:00 iel la giaurida dla mostra di artisć Astrid Gamper, Ge­rald Moroder, Armint Grunt y Christian Stl sal luech de Pecëi a Urtijëi. Da dedò, dala 20:00, saràl da udëi l teater dal titul »Aufschrei« dla lia Kul­Tour. Per l teater iel da se nuté su sot al numer de te­le­fonn 340 8410782, la cher­ta dl teater costa 15 €. Tl priesc iel nce laite velch da bever.
06.08.
Mostra de Silvia Nava
En jöbia ai 6 d’agost dales 17:00 vëgnel inaudé tl salf dles manifestaziuns a Corvara la mostra »Infiniti spazi, infi­niti silenzi«, de Silvia Nava. An pó spo ti ciaré ala mostra vigni sëra, cina ai 20 d’agost.

Iadi y Jites
8.–9.08.
Jit ntëur al Civetta
La Lia da Mont Gherdëina mët a jì na jita de 2 dis ntëur al Civetta, ai 8 y ai 9 de agost. L vën muet cun auti da Urtijëi demez dala 6:30 y fërma damprò ite nchin te Sëlva, ntëur la 6:45. L se trata de na jita mesanmënter ria ma plu­tosc longia (da jì tramedoi dis feter 6 ëura). Iscrizions: 3–6 de agost per whatsapp: Ivan 348/7803397 – scrijan l inuem y ulache n sënta su. Da paië ite: 110 €. Tl priesc iel laite l viac y l durmì tla utia cun cëina y gusté.
Publizistica
03.08.
N liber - na mont: ancunteda cun l autëura Giada Messetti
Per la lingia dl’ ancuntedes cun i:la autëures iel ai 3 de agost dala 17:30 a Urtijëi tla Cësa di Cungresc l’ancunteda cun Giada Messetti, scritëura di libri »La Cina è un’aragosta« y »Quando tornano le rondini«.

Temp Lede
31.07.
Sparkling Summer Night a Urtijëi
N vënderdi ai 31 de lugio dala 21:00 inant puderàn se la lascé ji bona ntan la »Sparkling Wine Night« tl raion da jì a pe de Urtijëi: i locai dajerà ora da bever y l sarà de bela mujiga.
Uni lunesc
Kids Night – juesc y deverti­mënt per mutons y mutans
La Lia dl Turism de Sëlva nvieia a chësta manifestazion, che vën a s’l dé sun Plaza Ni­ves te Sëlva dala 20:30 inant uni lunesc nchin ai 24 de agost.
Uni merdi
Pastelné cun materiai naturei
Sun pitla plaza de Sant Antone a Urtijëi puderà i mëndri y la mëndres pastelné cun materiai naturei (puc, rames, pleces, ciofs, y n.i.): uni merdi dala 14:30 nchin la 18:00. Priesc: 15,00–20,00€. Duc ie nviei de cuer.
Uni mierculdi
Sëires de juesc cun la lia Trix
Sun la plaza dan la biblioteca »Tresl Gruber« a S. Cristina mët la lia Trix a jì de plu sëires cun juesc da mëisa: uni mier­culdi dala 19:30 nchin la 21:30.
Uni mierculdi
Marcià de sëures y de tradizions
Uni mierculdi nchin ai 12 de agost saràl sun Plaza Nives de Sëlva, for dala 14:30 nchin la 19:00, n marcià de sëures y de tradizions, ulache n possa ti cialé, purvé o cumpré de bela cosses dl artejanat tradi­ziunel y maië velch de bon dl raion.
Uni juebia
»Flying Aperitivo«
La manifestazion unirà fata nchin tl scumenciamënt de setëmber, uni juebia, dala 18:00 nchin la 19.00 sun Pana. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif. Da bur’ tëmp vën la manifesta­zion spënta. L ie da se scrì ite nchin al di dant pra la Lia dl Turism de Santa Cristina o diretamënter pra l mplant dla Mont de Sëura.
Uni vënderdi
Aperitif a Urtijëi
Dala 18:00 nchin la 20:30, uni­ràl pità de bon aperitifs tla ustaries dl zënter de Urtijëi, for de vënderdi dai 3 de lugio inant (ora che ai 31.07., 21.08.). Sambën ne manceràl nia de bela mujiga.
31.07.
Circen Dolomites Festival a Soraga
Se sera su anché, vender 31 de messèl te Pra del Preve a So­raga l Circen Dolomites Fe­stival: h. 18:00 spetacol ‘Rampicantae’ del Duo Edere; h. 19:00 musega con Lia Sam­pai da la Catalunya; h. 21:00 spetacol ‘Cabaret Matafuorico’ de la Compagnia Metafuori: h. 22:00 musega live con Radio Palinka.
31.07.
Family Fantasy Festival
N vënderdi ai 31 de lugio mët l VKE Gherdëina deberieda cun la Lia dl Turism de Sëlva a jì n domesdì de juesc y de­vertimënt sun Plaza de Che­mun de Sëlva, dala 14:30 nchin la 18:30.
31.07.
Domisdé a Pidrô
Incö vëndres ai 31 de messé é les botëghes da Pidrô daver­tes cina les 20:00. Dales 17:00 inant él les patrones che dá fora spezialités arestides, la jonëza da paur val’ da bëre.
01. y 02.08.
Charing – golf y benefiziënza
Ai 1. y ai 2 de agost vëgnel me­tü a jí l’evënt »Charing«, cun n torné de golf söl ciamp da Corvara y chël da Raiscia. Intrames les sëres él na cëna de galoa, olache na pert de ci che vëgn trat ite vá a fin de bëgn. Iscriziuns sön www.charing.events
01/04.08.
Don Marco Pozza e Giovanni Grasso
Sabeda prum de aost da les 21:00 te piaz Marconi a Cia­nacei, tel chèder di evenc de Ispirazions d’istà, don Marco Pozza prejenta sie ultim liber ‘Il miele e le cipolle’. En mèr­tesc ai 4 da les 21:00 te Ora­torie de Poza l é Giovanni Grasso che rejona de sie liber nef ‘Finché durerà la terra’.
02.08.
Silvia Ugolotti a Poza
En domenia ai 2 de aost da les 21:15 te piaz de Comun de Poza, per la rassegna ‘Ad alta voce’ l é na scontrèda con Silvia Ugolotti che prejenta sie liber ‘Non cercatele in salotto’.
02.08.
De dl Movimënt
En domënia ai 2 d’agost dales 10:30 inant él tl parch de Piz La Ila le De dl Movimënt: n de particolar por gragn y pici, cun esperiënzes dedicades al movimënt, ai jüc y ala descu­rida dles munts, cun tröpa animaziun.
02., 04. y 06.08.
Kidshour – devertimënt por mituns sö alalt
Pro le parch »Movimënt« sön Piz La Ila vëgnel metü a jí vigni domënia, mertesc y jöbia jüc, animaziun y devertimënt por mituns da 5 a 10 agn, dales 13:30 inant. Prenota­ziuns ti ofizi turistics dl’Alta Badia.
03.08.
Sonns tla natöra
En lönesc ai 3 d’agost pón tó pert a na sesciun de terapia dl sonn cun le gong, sura la staziun a munt dl implant »La Crusc 1« a Badia«. L’apunta­mënt mët man dales 11:00. Iscriziuns danfora ti ofizi turistics o en chël de söl post.
03.08.
Da la Dolomites ai spic del mond
En lunesc ai 3 de aost da les 21:00 te piaz Marconi a Cia­nacei se pel scutèr i alpinisć Sergio Valentini e Fabrizio Defrancesco che conta de sia impreses su la crepes de la Dolomites e de dut l mond.
04.08.
Kids day a Al Plan
En mertesc ai 4 de agost dales 14:00 ales 17:30 él pro la »spiag­­getta« d’Al Plan n do­misdé por i mituns. Ai pó se lascé depënje sö le müs, ciafé staziuns creatives y se tripé cun jüc dl’ega.
05.08.
Nos Ladins cun Davide
Tres l’iniziativa »Nos Ladins« pón descurí la vita y val’mistier dla jënt dla valada. Ai 5 d’agost dales 10:00 pëion ia da La Ila por rové pro la ütia de Albert do l’ega ite, olache Davide tëgn n curs da cujiné dediché a na spëisa ladina. Infos y pre­notaziuns pro i ofizi turi­stics dl’Alta Badia.
05.08.
Porta daverta pro i stödafüch
En mercui ai 5 d’agost dales 20:30 pón jí a ti ciaré al ma­gazin di stödafüch da San Martin y odëi davijin i mesi, i injins y sciöche al vëgn lauré.
05.08.
Spetacol de Roberta Bruzzone
En mercol ai 5 de aost, tel chèder de la rassegna ‘Moena Incontri’ te teater de Navalge da les 21:00 l é l spetacol con museghes dal vif de Roberta Bruzzone che conta de stories de manipolazion e narzisism che porta de spes a copèr.
06.08.
Badia: devertimënt por mituns
En jöbia ai 6 d’agost dales 15:00 pó düc i mituns da 3 a 12 agn tó pert a n laboratore sön la geologia, tl »Summer­Park La Crusc« a Badia. I mituns pó descurí les Dolo­mites cun Monica y Rossana. Iscriziuns ti ofizi turistics dl’Alta Badia.
06.08.
De di morins a Lungiarü
En jöbia ai 6 de agost dales 10:00 ales 15:00 él tla Val di Morins a Lungiarü le »De di morins«, cun n morin storich en funziun y n marcé da paur; al vëgn mostré sciöche al vëgn fat pan, sciöche al vëgn lauré le lëgn. Al é ince intratignimënt por mituns y la poscibilité da se fá na roda cun le ciaval.
06.08.
Olimpionics a Cianacei
Tel chèder de la rassegna ‘Cianacei Campo Base’ jebia 6 de aost da les 21:00 te piaz Marconi, na sera dedichèda ai olimpionics Andrea Giovan­nini, Amos Mosaner, Lucia Dalmasso e Chiara Mazzel.
07.08.
Storia de 15 menuc
Tla biblioteca de San Durich a Urtijëi uniràl liet na pitla storia per mutons:ans y pità devertimënt criatif, n vënderdi ai 7 de agost dala 15:00.
07.08.
De di morins a Lungiarü
En jöbia ai 7 de agost dales 10:00 ales 15:00 él tla Val di Morins a Lungiarü le »De di morins«, cun n morin storich en funziun y n marcé da paur; al vëgn mostré sciöche al vëgn fat pan, sciöche al vëgn lauré le lëgn. Al é ince intratignimënt por mituns y la poscibilité da se fá na roda cun le ciaval.
09.08.
Horse Festival Pozzamanigoni
La scola per ji a ciaval FISE Pozzamanigoni nvieia ala 12ejima edizion dl festival de ciavei, n dumënia ai 9 de agost dala 10:00 inant. L sarà n di de aurela curta, cun de bela mujiga dal vif y desmustrazions a ciaval.
12.08.
Giovanni Grasso a Moena
Mercol 12 de post da les 17:30 per la rassegna ‘Moena In­contri’ te piaz Perle Alpine l é na scontrèda con Giovanni Grasso che prejenta sie nef liber ‘Finché durerà la terra’.

Cursc
Atualmënter
Mparé a cunëscer l Line Dance
La lia ASD BaL Beat and Line mët a jì n curs de Line Dance per duc chëi che ulëssa scu­mencé y mparé a balé chësta sort de bal. N se an­conta uni mierculdi dala 19:30 tla palestra dlongia la sënta di Destudafuech a Runcadic. Dai 16 de setëmber inant scu­mëncia nce l curs per mutans y mutons dai 7 ani insù, recu­nesciù coche ma­teria de nsenia­mënt facul­tativa dala scola elementera de Urtijëi.
06.08.
Curs de yoga sön munt
Alexandra Din tëgn n curs de yoga sön munt, vigni jöbia cina ai 27 d’agost, tres dales 15:30, pro la ütia »Las Vegas« a San Ciascian. Prenotaziuns online sön www.moviment.it
07.08.
Curs de ladin sön munt
Ai 7 d’agost dales 14:30 vëgnel tigní n curs de ladin sön munt, pro la Ütia Lée a Badia. Daria Valentin spliga deplü sön le lingaz. Al n’ó ester degöna pre­notaziun.

Avisc
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30; mercui ince dales 15:00 ales 17:00. Fora de chësc orar, vëgnel tut sö termins sön pre­no­taziun. Contac: 0474 410 303 o info@frauenhelfen frauenbruneck.it
Atualmënter
Iniziativa di ëi de Puster
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dif­icolté. L’ofize é tla str. Dan­te 2m a Bornech (Sternhof) y é davert lönesc y mercui dales 14:00 ales 19:00, le vën­dres dales 8:00 ales 12:00. Con­tac: 0474 555848, 340 1896431 o info@mip-puster tal.it
Uni merdi
Marcià tradiziunel di paures y di artejans
Uni merdi, for dala 19:00 nchin la 22:00, saràl l marcià di paures y di artjenas tl zënter de Santa Cristina. Uni ena uniràl prejentà n mestier da artejan y l ne mancerà nia ntratenimënt de mujiga.
Uni mierculdi
Ciaculon online – per ladin
La Union di Ladins de Gher­dëina mët a jì »Ciaculon on­line« per chi che scumëncia y chi che ulëssa miuré si ladin: uni mierculdi dala 18:00–19:00. Duc possa fé pea, l basta nstalé l prugram »TEA­MS« sun l computer y jì ite sot a chësc link: https://url-shortener.me/GIBM
Uni juebia
Chino da d’instà per mutons:ans
Dai 23 de lugio inant – per cater juebies ndolauter, for dala 17:00 – uniràl mustrà n film per mutons:ans tla sala dla biblioteca de San Durich a Urtijëi. La ntreda ie debant. La lista di films ie da abiné te biblioteca.
01-02.08.
Festa ta Mont
Sabeda prum e domenia 2 de aost festa te la Mont de Poza con tradizions, stories, lejen­des, jeghes, musega e te la tiejes vegn dat fora da magnèr e da beiver.
03.08.
Lia di Filatelisć – ancuntedes
La Lia di Filatelisć, Numis­matics y Vedla Chertes de Gher­dëina se anconta uni prim lunesc dl mëns dala 20:00 tl Bar 2000 a S. Cri­stina, per s‘la ciaculé y fé vel‘ barat. La proscima ancunteda sarà ai 3 de agost.
04.08.
Tel cher de Penìa
Mèrtesc ai 4 de aost con sco­menz da les 20:00 l paisc de Penìa se viventea con la ma­nifestazion enogastronomica ‘Tel cher de Penìa’ con musega e mestieres da zacan.
04.08.
Entorn Vich
Mèrtesc ai 4 de aost con sco­menz da les 19:30 l paisc de Vich se viventea con la ma­nifestazion enogastronomica ‘Entorn Vich’ con musega e mestieres da zacan.
05.08.
Cumpré ite da sëira te Sëlva
La butëighes de Sëlva sarà da­viertes n la sëira dl 5 de agost dala 21:00 nchin la 22:30.
06.08.
En procescion sa Sènt’Ugèna
Jebia ai 6 de aost da les 21:00 da la Calonia de Sèn Jan ponta via ‘La Camminata del Tabor’, na prozescion de meditazion e orazion fin sa Sènt’Ugèna.
08.08.
»Pasta antifascista« a Villa Flora
L Grop Emergency de Fiem e Fascia e ANPI endreza la scomenzadiva che recorda chela fata da la familia Cervi a la fin del fascism. La »Pasta antifascista« vegn endrezèda ai 8 de aost dal mesdì fora Juan a Villa Flora. Chel che vegn ite servirà a portèr aiut te la Striscia de Gaza.
09.08.
Nëif d’instà te Sëlva
La Scola de schi de Sëlva mët a jì sun Plaza Nives te Sëlva, na sëira de nëif y devertimënt d’instà. La manifestazion scumëncia dala 20:30.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
04.08.
S-link socors 4.0
Dales 20:50 ca. Test y regia Cinzia Pistoia, a cura de Ales­sandro Dapunt.
05.08.
Natura e ambient – la ceces del bosch
Dales 20:50 ca. Test y conzet Nicole Demartin, produziun Pinter­film, a cura de Alessan­dro Dapunt.
06.08.
Scenar
Dales 20:50 ca. Test y conzet Silvia Murer, produziun Kar­bonvideo, a cura de Leo Se­noner.

Radio
31.07.
Elisabeth Valentin à penzin tl sanch
Avisé n camion ie plutosc na cossa per i ëi, pudëssen miné. Ma Elisabeth de Badia ie la demustrazion che nce l’ëiles possa fé la sciaferes de de gran camions. Ëila nes conta de si sperienzes ma nce de si nde­sfidedes cun chësta gran ma­scins, coche ie stata la reazion te familia canche l à cuntà de si pascion y che l ie drët, che uni un y uni una ti vede do a si sëmies. Trasmi­scion de Simon Moroder.
02.08.
»La natura ie la majera artista«
Valentine Kostner conta dla mostra »Theatrum Naturae«, che uel mustré su l raport delicat danter natura y cultura. Da for inca à formes, culëures y ritms dla natura nia mé pità motives y ideies, ma nce dat vita a sentimënc y esprescions. I artisć che mët ora ie Karolina Gacke, Hanna Battisti, Hans Finezza, Julia Bornefeld, Kristina Weiss y Egon Digon. Trasmiscion de Sofia Stu­flesser.

Sport
Atualmënter
Curs de sauté
I Gherdëina Runners mët a jì n curs cun l alenadëur Die­go Soppelsa. L curs sun l ciamp dal sport Mulin da Coi ie uni juebia dala 19:00 per dut l instà. Duc ie de cuer nviei, nce de tei che scumëncia permò.
Mujiga
Uni mierculdi
Trio di corni da mont »Ladinia«
L trio »Ladinia« sunerà si corni da mont uni mierculdi dala 16:30 nchin la 17:30 te Val. Dai 31 de lugio nchin ai 28 de agost sunerài nce de vën­derdi, for dala medema ëura te Val.
31.07.
Conzert te la Pieif de Sèn Jan
Insnet, vender 31 de messèl da les 21:15 te la Pieif de Sèn Jan, tel chèder di evenc de Ispirazions d’istà, l é l conzert ‘Ad Jesum per Mariam’ con l cor mescedà de ousc de eles Ianua Coeli SCG con compa­gnament al orghen e èrpa celtica.
31.07.
Conzert dla Musiga da Rina
La Musiga da Rina tëgn con­zert, incö vëndres ai 31 de messé dales 21:00, sön paiun d’Al Plan.
01.08.
Oda al isté
Conzert dl Cor Kerygma cun Unknown Brass en sabeda ai 1. d’agost 2026 dales 20:30 te Dlijia de Badia. Söl program él toc sacrai desco Musica Dei de John Leavitt, l’Exsul­tate de Mark Burrows, l’Alle­luia de Sally K. Albrecht, le Can­tate Domino de Mark Hayes.
02.08.
Cianté y soné sön munt tl’Alta Badia
Tl’Alta Badia vëgnel pité ince chësc ann la iniziativa »Cianté y soné sön munt«. En domënia ai 2 d’agost dales 13:30 inant sona tla ütia »Scotoni« le grup »Menglstuadl Musig«.
02.08.
La Ila: conzert sacral
En domënia ai 2 d’agost dales 21:00 él te dlijia da La Ila n conzert sacral cun le sopran Raffaella Benori, l’orghelist Sergio de Pieri y l’ensemble vocal »Calycanthus Concen­tus«.
03.08.
Tradizions te Gherdëina: Corni da Mont
Tl zënter de Urtijëi sunerà i corni da mont dala 21:00 inant.
04.08.
Conzert dla Müjiga de Badia
La Müjiga de Badia tëgn conzert en mertesc ai 4 d’agost dales 21:00, sön plaza da San Linert.
04.08.
Cunzert: La cater sajons de Antonio Vivaldi
Ai 4 de agost sunerà l Ensem­ble criatif, metù adum da de plu solisć de strumënc de ur­chestres talianes, l bel cun­zert de »La cater sajons« de An­tonio Vivaldi. I sunerà tla dlieja de Sëlva dala 21:00 inant.
04.08.
AperiKino con Stefano Ganz
En mèrtesc ai 4 de aost da les 17:30 a les 18:30 te Kino de Cianacei vegn endrezà Aperi­Kino, conzert e aperitif, con l sonador de orghen da man­tesc Stefano Ganz.
05.08.
Mujiga y tradizion da viver
Tl Zënter Iman a S. Cristina puderàn se goder na sëira de tradizion mujichela cun l Cor Sasslong, la Grupa de Schuh­plattler Ciampedel y »die Kraxn«, n mierculdi ai 5 de agost dala 21:00 inant. Daldò saràl nce na cërcia de spëisa dëucia dla Paures de Gher­dëina.
06.08.
Cunzert dla Mujiga de Urtijëi
La Mujiga de Urtijëi sunerà ai 6 de agost dala 21:00 inant sun Plaza de San Durich a Urtijëi. Sce l ëssa da vester bur’ tëmp vën l cunzert fat tla Cësa di Cungresc.
06.08.
Cunzert dla Mujiga de Sëlva
La Mujiga de Sëlva sunerà ai 6 de agost dala 21:00 inant sun Plaza de Chemun te Sëlva.
06.08.
Conzert pro le lové dl sorëdl
En jöbia ai 6 d’agost él sön Piz La Ila n conzert pro le lové dl sorëdl. An pó jí sö cun l’implant y spo aldí les melo­dies dla vidora de Andrea Casa y de TribalNeed. Dedô ti aspetel a düc i partezipanc n bun gosté pro la ütia Club Moritzino. Les chertes ciafon sön la plata shop.moviment.it/events
06.08.
Conzert dla Musiga da San Martin
La Musiga da San Martin tëgn conzert en jöbia ai 6 d’agost dales 21:00, te palestra d’Antermëia.
07.08.
Bai dla Grupa Bal populer
I balarins y la balarines dla Grupa Bal Populer de Urtijëi balerà ai 7 de agost dala 21:00 sun Plaza Nives te Sëlva.
08.08.
Panorama Music sun Lujia
Sabeda ai 8 de aost da les 11:30 ló dal Chalet Valbona sun Lujia, tel chèder di evenc de Panorama Music, se pel scutèr l quintet Heiny’s Gang che tol ite la ciantarina del Sudtirol Evi Mair.
08. y 09.08.
Sonoton Awards Gala
L’urchestra Sonoton Gher­dëina nvieia a si cunzert sun plaza de Chemun de Sëlva, ai 8 de agost dala 20:30 y ai 9 de agost dala 18:00. L sarà n viac mujichel tres l mond dla mujiga da film numineda y premieda cun Oscars. Per se nuté su: www.ticketleo.com. Priejes: 10 € per jëuni dai 12–18 ani, 15 € per granc.
09.08.
Dire Straits tribute band
En domenia ai 9 de aost da les 21:00 te chino de Cianacei i Portobello-Dire Straits Tribute Band portarà dant na sera dedichèda ai gregn classics de Mark Knopfler e di Dire Straits.
09.08.
Matinée – Classical Mood
Sun Pitla plaza de S. Antone a Urtijëi puderàn scuté su n bel cunzert de mujiga da cam­ra, n dumënia ai 9 de agost dala 11:00 inant.

Sozial
Atualmënter
Family Support
L servisc Family Support pie­ta sustëni ala families jëu­nes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n valgun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l damandé. Per nfurmazions pòssen scrì a gherdeina@family-support.it
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y ala families te situazions de duel. L vën damandà na cuota anuela de 50 euro. Per nfur­ma­zions de sustëni pòssen tò su cuntat cun: Trauer- & Krisennetzwerk Südtirol VFG–info@trauernetzwerk-suedtirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
31.07.
Deberieda: pastelné n calënder per l aniverser cun Johanna Kostner
N se anconta n vënderdi ai 31 de lugio dala 14:00 dan la Cësa de Paussa a Urtijëi. La grupa Deberieda ie na grupa cun ulenteres, per se ancunté danter persones che à pro­blems psichics o de sozialisa­zion.

Chino
Atualmenter
Al chino de Pardac
Domenia ai 2 de aost da les 21:00 l é »Michael« al cost de 5 euro, sabeda 8 e domenia 9 da les 21:00 l é »Spider-man, Brand new day«. Info: www.cinemapredazzo.it.
Atualmenter
Al chino de Tieser
Anché, vender 31 de messèl da les 21:00 l é »Odissea«, sabeda al prum de aost da les 17:00 en 2D e da les 21:15 en 3D e domenia 2 da les 21:15 en 2D l é »Spider-man, Brand new day«, lunesc 3 da les 17:30 l é »Minions & Monsters« e da les 21:00 l é »Odissea«, mèrtesc 4 da les 17:30 e da les 21:15 l é »Pecore sotto copertura« al priesc de 3,50 euro, vender 7 da les 17:00 e da les 21:15 l é »Spider-man, Brand new day«. Info: www.cinematesero.com.
06.08.
Fémene al chino de Pardac
Al chino de Pardac, en cola­borazion col MUSE, en jebia ai 6 de aost da les 21:00 vegn moscià l film documentarie ‘Fémene’ de Elena Goatelli e l curt ‘Prima dell’aurora Lola’ de Chiara Zoja. Entrèda debant.