La Usc di Ladins

Sport
07.11.
Campiunat AHL: HC Gherdëina vs. KHL Sisak
Tl stadio Pranives de Sëlva saràl ai 7 de nuvëmber dala 19:30 la partida dl campiunat AHL (Alps Hockey League) danter l HC Gherdëina y l KHL Sisak.

Televijion y Radio
06.11.
N liber sun la vita de bera Zenzl da Fëur
Te chësta ntervista conta l’autora Martina Rifesser dla publicazion nueva »Sun la fusties de bera ‘Zenz da Four’«, data ora dala Union di Ladins de Gherdëina. Trasmiscion: Sofia Stuflesser

10.11.
cult – le mone
Dales 20:50 ca. Test y conzet Daria Valentin, produziun Karbonvideo, a cura de Alessandro Dapunt.

11.11.
natura e ambient – stambeches de ra nosta crodes
Dales 20:50 ca. Test y conzet Nicole Demartin, produziun Pinterfilm, a cura de Alessandro Dapunt.

12.11
s-link, l sport che muda: tecnologies e competenza
Dales 20:50 ca. N program de Cinzia Pistoia, a cura de Alessandro Dapunt.

Temp lede
06.11
Storia de 15 menuc
Tla biblioteca de S. Durich a Urtijëi lijerà Margit dant na storia per per mutons, n vënderdi ai 6 de novëmber dala 15:00. Daldò puderà i mutons mo vester criatifs.

14.11.
Amor per l gusté
L KVW Urtijëi nvieia a n lauratuere ntan chël che n cujinerà, anjinierà ca y se lascerà savëi bon n gusté/brunch cun Sofia y Birgit, n sada ai 14 de novëmber dala 9:00 nchin la 11:30 tla cësadafuech dl local »Saut«. Priesc: 45€ per cumëmbri, 58€ per nia cumëmbri. Iscrizions nchin ai 31.10. tres Whatsapp da Julia al 349 5847413.

12.11.
La Ila: domisdé cun jüc da mësa
Le pulmin di jüc dl »Spiele­verein Dinx« storj pro en jöbia ai 12 de novëmber dales 15:30 ales 17:30 a La Ila. Te biblio­teca pó pici y gragn passé n domisdé cun na gran cerna de jüc da mësa. N espert dá consëis y spliga les regoles. Al é ince la poscibilité da s’impresté fora jüc.

Dotor y Apoteca
Dutor Gherdëina
L dutor de servisc dala 08:00 de n sada ai 7.11. nchin la 08:00 daduman de n lunesc ai 9.11. ie l dutor Pablo Policastro tl ambulatuere di dutores Kostner/Weber, a Urtijëi tla streda Trebinger 10, tel. 366 3646254.

Doturs Val Badia 
Tla fin dl’edema di 7 y 8 de novëmber sarál en sorvisc ti cin’ comuns dla Val Badia le dotur Alberto Caretta, Badia, tel. 0471 839706 o 380 3161999.

Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 06.11. nchin n vënderdi ai 13.11. ie chëla de Sëlva, tel. 0471/795142 o 333/1776615, (davierta dala 8:30 - 12:30).

Apoteca Val Badia
L’apoteca en sorvisc tla Val Badia, fora dl orar ordinar, dal vëndres ai 6 de novëmber dales 19:00 al vëndres ai 13 de novëmber ales 19:00, é chëra da Corvara, tel. 0471 830237.

Sozial
13.11.
Deberieda: domesdì de juesc
La grupa Deberieda nvieia a n domesdì de juesc. N se anconta ai 13 de nuvëmber dala 14:00 dan la Cësa de Paussa a Urtijëi. »Deberieda« ie na grupa che mët a jì ancuntedes danter ulenteres y persones che à problems psichics o de sozialisazion.

14.11.
Maiadives per nosta jënt che à debujën
N sada ai 14 de nuvëmber saràl–dan la buteiga Conad de Urtijëi y dan la Conad a S. Cristina–ulenteres che tulerà ju spëisa che i zitadins ulerà dé n dunfierta. N préia bel de cumpré cosses che se mantën, coche nudli, uel, tonno, riji y n. i. Duta la maiadives jirà a bën dla jënt manco fertuneda de nosta val.

Atualmënter
Family Support
L servisc Family Support pieta sustëni ala families jëunes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n valgun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l damandé. Per nfurmazions pòssen scrì a gherdeina@family-support.it

Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.

Avisc
9. - 16.11.
Nadel te na scatula dai ciauzei
Nce chëst ann vëniel metù a ji l’azion per ti purté mpue de legrëza a mutons de paejes pueresc. N possa mplenì una o nce plu scatules cun de pitla scincundes, scrijan sun na eticheta sce l ie per n mut o na muta y per ciuna età: 2-4 ani, 5-9 ani o 10-14 ani. I pachetli vën tëuc ju dai 9 nchin ai 16 de nuvëmber tla trëi biblioteches de Gherdëina. Tla Val Badia puderàn dé ju i pachetli a La Ila pra Flatscher Alma, (Garni Ambria). Fajëde pea de trueps - l fej na gran legrëza!

13.11.
Sëlva: se nuté su per la abineda de refudam gros
Ai 13 de nuvëmber iel udù dant l servisc de abineda de refudam gros n cësa. N possa se lascé nuté su nchin ai 9 de nuvëmber, cherdan su l 0471 112121. L refudam gros muessa unì njenià ulache l camion ruva saurì permez y l vën prià bel de vester leprò canche l vën ciarià. Priesc: 1,00€ + 10% CVN al chilo, che unirà metù leprò pra la conta dl refudam dl 2026.

07.11.
Radunanza del Grop Ladin
En sabeda ai 7 de november da les 16:00 te sala Simonin Maza de la scoles populères de Moena l Grop Ladin da Moena chiama ite la radunanza di sozi. Vegn prejentà l nef liber de poejies del Tinoto Monech ‘Fiores secrec’.

06.11.
Burraco te biblioteca
En vender ai 6 de november da les 20:15 te biblioteca de Moena vegn endrezà na sera de burraco en compagnia, na sera de chèrtes, gignèdes e de neva cognoscenzes, per chi sà jà jièr e chi che vel emparèr.

10.11.
Urologia, cura e prevenzion
L’Advsp valèdes de la Veisc, en colaborazion col Comun de Sèn Jan, endreza en mèrtesc ai 10 de november da les 20:30 te Cèsa de Comun de Poza n enconter su ‘Urologia, ic e eles, cura e prevenzion’ con i dotores Daniele Tiscione e Simone Romano con la partezipazion del grop de teater Ammazzacaffè.

09.11.
Sorvisc de sostëgn bunorí por les families
Le Sorvisc de Sostëgn bunorí por families é n sorvisc por düc i geniturs che vëgn docá, geniturs susc y families cun mituns danter 0 y 3 agn, che é te situaziuns de desfida. Al é a desposiziun te Raiun sozio–sanitar a Picolin, ai 9 de novëmber dales 9:30 ales 12:00. Infos: 333 6203945 o fruehe.hilfen@bzgpust.it

12.11
Walk-in consulënza
Le Sorvisc por les dependënzes dl’Aziënda Sanitara da Bornech pîta n sorvisc de consulënza por jogn, geniturs, adulc, esperc y assoziaziuns, sura alcol, droghes y dependënza dal jüch. Les consulënzes vëgn pitades tl local sot al ofize dl Sorvisc ai Jogn (alzada -1, entrada a pert, str. Picolin 22), ai 12.11. dales 17:00 ales 19:00. Al basta passé, zënza termin. Le sorvisc é debann y al vëgn garantí discreziun.

Atualmënter
Ciamena dal guant a Picolin
La Ciamena dal guant da Picolin lascia alsavëi che da sëgn inant pón indô dé jö guant, tres tla medema sënta a Picolin – ti locai dla ex ciasa de palsa. Al vëgn perié che le guant sides net y intier, mo ince te de bones condiziuns. La Ciamena dal guant sará daverta por dé jö guant y por gní a se tó guant vigni jöbia dales 14:00 ales 16:00. Chësc sorvisc é miné por düc y düc é ince bëgnodüs.

Atualmenter
Burraco te biblioteca
L Assessorat a la cultura del Comun de Sèn Jan, en colaborazion con la Biblioteca, endreza i domesdì de burraco, ogne jebia da les 15:00 a les 17:00. Vegn domanà de se scriver ite al nr de telefon 0462 763062.

Chino
06.–27.11
Literachino
Ntan l mëns de nuvëmber vëniel mustrà de biei films per tudësch y talian tla bilblioteca de San Durich a Urtijëi. L prim apuntamënt ie ai 6 de nuvëmber dala 20:00 y pona inant for de vënderdi dala medema ëura, ai 13, 20 y 27 de nuvëmber. L prugram plu avisa ie da abiné te biblioteca.

14.11.
Chino per mutons
L VKE nvieia mutons y mutans dla scola elementera al chino per mutons: n sada ai 14 de nuvëmber dala 16:30 nchin la 18:00 tla sala de Chemun a S. Cristina.

Atualmenter
Al chino de Cianacei
Doman, sabeda ai 7 de november da les 20:30 l é l film »The Bibi files«, domenia ai 8 da les 17:00 l é l film per families »Wildwood«, vender ai 13 de november l é l workshop con Ismaele Soraperra »L’assemblaggio e interventi ambientali«.

Atualmenter
Al chino de Pardac
Doman, sabeda 7 e domenia 8 de november da les 21:00 l é »Dio Ride«, sabeda 14 da les 17:00 l é »Il gatto col cappello«.

Atualmenter
Al chino de Tieser
Insnet, vender 6 de november da les 21:00 l é »Ragione e sentimento«, sabeda 7 da les 17:30 e domenia 8 da les 17:00 l é »Il gatto col cappello«, sabeda 7 da les 21:00 e domenia 8 da les 20:30 l é »Wild horse nine«, jebia ai 12 da les 20:30 per la rassegna »Il piacere del cinema« l é »Libri proibiti« en colaborazion con le Biblio de Fascia e Fiem.

10.11.
L Muse al chino de Pardac
Per la rassegna ‘Nuovo Cinema Dolomiti’ en mèrtesc ai 10 de november da les 21:00 al chino de Pardac l Muse, l Museo geologich de Pardac, porta dant la proiezion che à tout pèrt al Film Festival de Trent dal titol »Le Sang et la Boue« de Jean-Gabriel Leynaud.

Mostres

• 
•  

View the embedded image gallery online at:
https://www.lausc.it/manifestazions-y-evenc/32880-manifestazions-atuales#sigProIdbfcfb455de

y Ert
Atualmënter
Mostra de Egon Rusina
L Tublà da Nives nvieia ala mostra di ultimi cater zitlus de lëur de Egon Rusina, che resta davierta nchin ai 29 de nuvëmber, uni di ora dl lunesc dala 15.00 ala 18.00.

Atualmënter
La lerch danterite
L artist de Urtijëi Hermann Josef Runggaldier mët ora tla Hofburg de Persenon. La mostra ie davierta ntan i orars de giaurida dl museum dla Hofburg de Persenon, uni di dala 10:00 ala 18:30, y ie da udëi nchin ai 15 de nuvëmber.

18.11.
Markús Vallazza
Tl self dla mostres tla Cësa di Cungresc a Urtijëi uniràl metù ora na mostra de Markús Vallazza che se dà ju cun si ani a Urtijëi, 1955–1975. La giaurida sarà ai 18 de nuvëmber dala 18:00. La mostra sarà da udëi nchin ai 29 de nuvëmber dal merdi nchin al vënderdi dala 16:00–19:00 y de sada y dumënia nce danmesdi, dala 10:00–12:00. De lunesc iel stlut. La finissage sarà ai 29.11. dala 11:00.

Atualmenter
Mostra su la geologia
La Fondazion Dolomites Unesco, en colaborazion con la Scola Ladina, à endrezà la mostra »Dolomiti: in cammino nella geologia della meraviglia« da poder veder te l’aula mostres del Liceo artistich a Sèn Jan fin ai 27 de november dal lunesc al vender da les 8:30 a les 17:30, prenotazions a la mail thomas.zulian@scuole.provincia.tn.it.

14.11.
Al Plan: fotos da zacan
L’Istitut Ladin »Micurá de Rü« y le Consëi de formaziun d’Al Plan inviëia ala daurida dla mostra de fotografies da zacan dl paisc d’Al Plan, en sabeda ai 14 de novëmber dales 18:00, tl salf dla Cassa Raiffeisen d’Al Plan. La mostra é spo daverta cina ai 22 de novëmber, vigni de dales 10:00 ales 12:00 y dales 15:00 ales 18:00. Forsc él zacai che pó ince porté pro da ciafé fora val’ inoms dles porsones söi retrac.

Religion
08.11.
Santa Mëssa y festa per jubilars
N dumënia ai 8 de nuvëmber dala 08:45 mët l Muvimënt catolich dl’ëiles a jì na Santa Mëssa tla dlieja de S. Cristina per chëi che festejea i 25, 40, 50, 55, 60 y i 65 ani maridei.  Daldò puderàn mo sté deber­ieda pra n bon gusté te biblioteca.

Referac
10. – 18.11.
Edemes de formaziun - 4 referac online
Ai 10.11. dales 19:00 »Mach das unsichtbare sichtbar! Endometriosi, un’invisibile malattia cronica«; ai 12.11 dales 19:00, »Le basi dell’educazione alimentare«; ai 16.11. dales 20:00 »Burnout­prävention«; ai 18.11 dales 19:30 »ADHD in età evolutiva e adulta: valutazione e tratta­mento«. I referac é online sön Zoom. La partezipaziun é debann. Le link por tó pert é sön le sit www.jogn.org .

Teater
06.11.
Spetacol de Mario Cagol
En vender ai 6 de november da les 20:30 te teater del Oratorie de Poza l é l spetacol de Mario Cagol »Nonna Nunzia, Spazio ultima dentiera«. I biliec vegn venui da la boteighes de sfoes Carpano e Piccolo Bazar a Poza.

12.11.
A teater a Pardac
En jebia ai 12 de november da les 20:45 te teater de Pardac l é l spetacol col monologh de Mario Cagol dal titol »Novecento«.

06. – 15.11.
Teater a San Martin:  »Bunes festes«
La Uniun Teater da San Martin inviëia al teater da rí »Bunes Festes« de Anthony Neilson, che é da odëi tl salf dles uniuns a San Martin. La premiera é incö vëndres ai 6.11. dales 20:00; les atres rapresentaziuns é ai 8, 11 y 14.11. dales 20:00 y la domënia ai 15.11. dales 15:00. Prenotaziuns al 0474 646030.

Cursc
10.11.
Curs da cujiné salverjina
Les Patrones dl comun da San Martin y le Consëi de formaziun da San Martin mët a jí n curs da cujiné salverjina, cun Hermann Dapoz. Le curs vëgn tigní en mertesc ai 10 de novëmber dales 19:00, tla ciasadafüch dla refeziun a San Martin. Le cost é de 50,00€ a ce. Prenotaziuns anter i 2 de novëmber pro Gaby, al numer 389 0834252.

13.11.
Curs de ultim aiüt a Badia
Le KVW de Badia mët a jí n curs de ultim aiüt, olache an impara da socodí y ti sté dlungia tla dërta manira a porsones che é tl morí. Le curs é en vëndres ai 13 de novëmber dales 13:30 ales 17:30, tl salf dla scora elementara a Badia. Al é por ladin y debann y vëgn tigní da infermieres dla Val Badia, spezialisades te chësc setur. I posć é limitá, s’anunzié al 0474 586128 (dis da laur).

20.11.
Curs de ultim aiüt a San Martin
Le Consëi de formaziun da San Martin mët a jí n curs de ultim aiüt, olache an impara da socodí y ti sté dlungia tla dërta manira a porsones che é tl morí. Le curs é en vëndres ai 20 de novëmber dales 14:00 ales 18:00, tl salf dl Istitut Ladin a San Martin. Al é por ladin y debann y vëgn tigní da infermieres dla Val Badia, spezialisades te chësc setur. I posć é limitá, s’anunzié al 0474 586128 (dis da laur).

Musiga
08.11.
Cunzert de Santa Zezilia
N dumënia ai 8 de nuvëmber saràl l cunzert de Santa Zezilia dla Mujiga de Santa Cristina, dala 17:00 tla palestra dl luech. Sëis duc de cuer nviei!

08.11.
Ciantèr fascian
L Istitut Cultural Ladin Majon di Fascegn endreza en domenia ai 8 de november da les 17:30 te teater Navalge de Moena l conzert di set cores che à tout pèrt al projet TrasLaMusega ‘Ciantèr fascian’ metù a jir l an passà per smaorèr l’arpejon canora ladina.

13.11.
Al Plan: conzert de Santa Zezilia
Le Cor de dlijia d’Al Plan inviëia bel al conzert de Santa Zezilia, en vëndres ai 13 de novëmber dales 20:00, te dlijia d’Al Plan. Al gnará porté dant deplü cianties dai ritms afri­cans, imparades ite tla cornisc dl proiet »Stronger Together«, pro chël che le Cor y ince d’atres porsones de paisc á cianté para.