La Usc di Ladins

Podede Ve prejentèr?
Son Peter Decrestina da Soraga, é 42 egn, de mestier fae l malgher e per hobby son maester del Coro Nosc che l é n cor da mont.

Aede semper abù enteres per la musega?
Ei, da bez en su. Son jite ite tel Cor Valfassa che aee 15 egn, son stat ite beleche 20 egn e dapò é vidà l Cor di Alpins sot naia.

Can él stat metù su l Coro Nosc?
Del 2015, l an passà aon fat 10 egn. Gio e Nicola Decrestina sion i doi fondadores. Aane estro de far n esperiment, al scomenz sion nasciui de 8, doi per ousc: tenores prumes, tenores secondi, baritogn e basc. Per solit n cor classich da mont l à semper 25/30 persone, noi volaane far n cor picol. Sion jic inant coscita per beleche doi egn dapò aon vedù che la gestion de doi persone per ousc la é senestra percheche se una se mala o no l pel vegnir a conzert, n resta un soul e l é massa pech, coscita aon dezidù de n tor trei: en dut 12, più gio che ciante e dae na man.

Siede duc da Soraga?
I prumes egn scì, ma dapò aon abù mingol de problemes e se aon avert fora, ades l é n par de egn che aon n organich stabol e na maor stabilità desche calità.

De plu tla edizion stampeda de La Usc di Ladins o sun l e-paper a paiament www.lausc.it/e-paper