Gabriele, co él nasciù chest projet?
Gabriele Bernard: La sera dai 9 de mèrz n mie amich me à domanà se ere d’acort a orir na radio e passèr l temp a se contèr stories enteressantes, meter dant la rassegna stampa e vèlch rubrica scientifica. Te l’afare de na net n nosc amich ne à fat l logo e te pech temp l’é stat tout ite tel projet na dejina de persones. Ades, dò presciapech doi setemènes, i programes é doventé chinesc, la persones che laora a la radio les é più che vintecinch e de spes envion ghesć te la trasmiscions.
Se trata de na web radio, che strumenc ge velel aer per far i programes?
L livel de la radio l’é amatorièl ence se sion stac bogn te pec dis de la portèr a na calità belebon auta; ogneun trasmet da cèsa sia e per fèr na trasmiscion bèsta aer n microfon, gé l’é tout a d’imprest da mie père che l lo doura per registrèr i conzerc, e n computer tacà te internet. L program che duron l’é belebon sorì e l ne permet de fèr programes con più persones ensema, de manèr vèlch efet scempie registrà desche i batiman e la musega.
Podede lejer duta l'intervista su La Usc stampèda de vender ai 27 de mèrz. (Jan Dellantonio)
Veste mìngol de compagnìa? Empea Radio Quarantenna
Gabriele Bernard da Cianacei, ensema a n grop de studenc de Busan, à metù sù na web radio che se ouc soraldut ai joegn.
Galaria retrac
View the embedded image gallery online at:
https://www.lausc.it/spezial/12265-veste-mingol-de-compagnia-empea-radio-quarantenna#sigProIdc0c7b18c1b
https://www.lausc.it/spezial/12265-veste-mingol-de-compagnia-empea-radio-quarantenna#sigProIdc0c7b18c1b