La Usc di Ladins

La Usc: Bon di Silvia, ci posto ne conté de ti?
Me clame Silvia, è 29 agn e con mia fameia mane nnavánt trei hotiei sun Jou de Ciaulonch.

Come vedeiso chësta sajon da d’isté?
La jent la damana nformazion, ma po la no prenota; poéster per colpa de la cuestion de la variola, che no se capisc se se pò jì n ferie o no, o percieche tánc i é n cassa ntegrazion e la vacánza - a la fin - l é n ben de luscio. Crei che ence chi che fesc nformazion i abe gaujé tropa confujion e, difati, da n ann ncà mi no ciale plu n telegiornal per no me buté ju de moral… No sè cotánt vere che le pobe ester dute le nuove che i n’à dit! Pense che onse da capì de sté a le regole e de fè chël che l é da fè, nte la speránza che chëst porte a nen resultat. Per mi l secondo lockdown l é sté trop plu grief, copache dal prum sonve duc plens de energia e nveze, chëst viade, nia plu; l é propio n torment no savei cánche e coche se ie n vignarà fora. Per l davignì nveze, co la nosta azienda, son drio a pensé a come desferenzié nosć nvestimenc, per no ester plu demè liei al turism. On vedù che, col Covid, dute le ativité de nuosc paisc i à passé na grossa criji: no demè hotiei e fitaciaune, ma ence profescionisć e artejáns.

Deplu te la edizion stampeda.