La Usc di Ladins

Ai 29 de jené ie l prim ntervënt stat sun l Jëuf de Sela, ulache n’ëila se ova rot na giama. L dutor ti à fat la prima cures y l joler la à pona meneda tl spedel de Persenon.
L segondo ntervënt ie stat te Val, per n ël che se ova rot la sciabla tuman sun purtoi. L dutor ti à dat zeche contra l gran mel y n ie pona julei limpea tl spedel de Persenon.
Ai 30 de jené àn fat n ntervënt danmesdì a Corvara, per n’ëila cun suspet de bòt al cë, che n à menà de prescia tl spedel de Bulsan.
Domesdì pona doi ntervënc sun Piz Sela un per n ël che se ova fat mel a na sciabla y al piet tuman cun i schi n segondo ntervënt per n’ëila che se ova rot l brac. Cun l ël iesen julei a Burnech te spedel, cun l’ëila scentant a Bulsan.

Ai 31 de jené iel stat n nzidënt sun Piz Sela- Vallongia: n’ëila tudëscia se ova rot n brac tuman cun i schi. Cun d’ëila iesen julei tl spedel de Persenon. Daldò an ciarià n ël franzëus a La Ila–l se ova fat n gran tai tuman cun i schi. L joler l à ciarià y ie julà limpea tl spedel de Burnech.
Daldò se ova doi seniëures taliani perdù tl raion de Bulacia ntan na escurscion. I ne se ova nia fat mel, ma n i à mpo ciariei cun na binda y ie julei limpea a Puntives tla sënta dl Aiut Alpin Dolomites. Pra n nzidënt sun purtoi Cir te Sëlva se ova n’ëila slovena rot l brac. N ie julei limpea a Persenon te spedel. Puech dan la fin dl turnus de servisc iesen mo julei a La Val, ulache n ël se stentova a tré l fla. N l à ciarià y menà tl spedel de Burnech.

Ai 1. de fauré iel stat da julé a Piculin pen n nzidënt sun pista, ulache n ël fova frì tla rë y se ova fat mesan­mënter mel–n l à ciarià cun na inda y l à menà tl spedel de Burnech.
Ntan l jol de reviers tla sënta àn damandà do l joler pra la stazion a mont dla Ciampinëi. N ël òva problemes al cuer–n ie julei limpea a Bulsan te spedel.
Nce a Ciampac a Cianacëi ova n ël che laurova te na utia problems al cuer- nce te chësc cajo iesen julei limpea a Bulsan, da ulache n ie riesc muëc de viers dl purtoi Ciampinëi ajache n ël se ova rot na giama–n l à menà cun l joler tl spedel de Persenon.