La Usc di Ladins

Ence chest an sion rué de jugn, la scola la é do a fenir e ence se no l é amò crepà fora n gran ciaut (ajache chest meis de mé aon vedù più pievia che auter) l istà l é encomai chiò.

Duc à estro de vacanza e de se pussèr, ma ence – desche duc i joegn – de se goder e fèr festa, donca perché pa no rejonèr di un di evenc che ogne an i studenc speta con gaissa? Ben segur volon ve contèr del bal de la fin del an.

Prum de dut, che él pa l bal de la fin del an? E perché pa se rejonel belapontin de n bal e no de n’autra sort de festa? E i joegn de Fascia che fèjei pa?

L bal de la fin del an, che soraldut i joegn de anchecondì cognosc miec col inom ingleis de ‘prom’, l nasc te l’America: lo, vigni an a la fin del meis de mé, vegn endrezà n bal de gala per serèr su con stil l an de scola. Chesta usanza tel nef milené la se à sparpagnà fora te tropes paijes ence de l’Europa e la é ruèda fin te noscia valèdes.

Aboncont la parola ‘prom’ vegn ca da ‘promenade’, parola franzousa che – desche per ladin – vel dir ‘spazierèda’: chest percheche te l’Inghilterra del Otcent la é stata durèda per ge dèr inom ai bai de gala che i pervedea na sort de defilèda d’onor al scomenz. 

De più su La Usc stampèda de en vender ai 14 de jugn.  (Sara Defrancesco e Aurora Smajlaj)