La Usc di Ladins

Ai 24 de fauré ie l Aiut Alpin unì cherdà sun Secëda, ma l ntervënt ie unì anulà puech do che n ie piei via. Ntëur marënda ie n’ambulanza passeda tl sënta a Puntives cun n pazient che fova tumà cun i schi y se ova rot la rëpes. Do la cures da pert dl dutor l àn menà tl spedel de Persenon.
Daldò iesen pona julei a Colfosch per n’ëila che fova unida da nescia. Do la prima cures àn messù ntubé la pazienta per la mené de prëscia tl spedel de Bulsan.
N mierculdi ai 25 de fauré ie n’ëila tumeda cun i schi sun Plan de Corones. L dutor ti à fat la prima cures y n l’à pona ciarieda tl joler y meneda a Bulsan te spedel.
Riesc do iesen julei sun Mont de Sëuc per n’ëila cun problems ai mustli dl vënter. Do che l dutor à vijità la pazienta, àla pudù furné te spedel cun l’ambulanza.

De plu tla edizion stampeda de La Usc di Ladins o sun l e-paper a paiament www.lausc.it/e-paper