La Usc di Ladins

Dotours
Dutor Gherdëina
L dutor de servisc da n sada ai 25.04. dala 08:00 daduman nchin la 08:00 daduman de n lunesc ai 27.04. ie l dutor Pablo Plicastro tl ambulatuere di dutores Kostner/Weber, a Urtijëi tla streda Trebinger 10, tel. 366 3646254.
Doturs Val Badia
Le dotur en sorvisc tla Val Ba­dia, tla fin dl’edema dla festa nazionala dai 24 ai 26 d’aurí, é la dra. Jasmine Ga­brieli, La Ila, tel. 371 7515275

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 24.04.. nchin n vënderdi ai 01.05. ie chëla de Urtijëi, tel. 0471/796125 (orar de giaurida 9.00-12.00/ 15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 24 de aurí dales 19:00 al vën­dres al 1. de ma ales 19:00, é chëra da Corvara, tel. 0471 830237.

Mujiga
Atualmënter
Cianton deberieda te Sëlva
Duc chëi che à legrëza a cianté n cumpanìa ie de cuer nviei a cianté deberieda cianties po­puleres cun Willy Runggal­dier. La prima ancunteda sarà n sada ai 2 de mei tla Stua di Seniores te Sëlva. N se anconta mo ai 14.05 tla Stua di Seniores, ai 23.05 tla ustaria Val, ai 6.06 tl bar Okay ora Plan da Tieja y ai 18.06. tla utia Ciampac. For dala 3 domesdì.
Cunzerc
Deberieda
L Cor di Jëuni Urtijëi, l Cor di Jëuni S. Cristina y l Cor di Jëuni Gherdëina nvieia a si cunzerc, che i cianta debe­rie­da: ai 1 de mei 2026 dala 20.00 tla dlieja de Sëlva y ai 2 de mei 2026 dala 18.00 tla Cësa di Cungresc a Urtijëi sot ala bachëta de Maria Plo­ner, Laura Stuffer y Tanja Comploi.
24-25.04.
A La Grenz l jazz de Rita Marcotulli
Insnet, vender ai 24 de oril da les 21:00 a La Grenz, strada Saslonch 56 a Moena, la piani­sta jazz Rita Marcotulli con cinch joegn talenc del pano­ram jazz nazionèl porta dant l projet »Under 29 but me«. Entrèda debant con tessera ARCI. En sabeda 25 te la me­dema senta da les 18:30 ra­dunanza anuala de la socia­zion.
24-26.04.
Festa de Sèn Florian
Ai 24, 25 e 26 de oril te zenter storich de Cianacei l é la Festa de Sèn Florian. Anché aur l tendon da les 6 da sera con musega di 4Kryner, sabeda da les 14:30 a les 17:30 l é l’Harmonika Treffen, a duc i sonadores de orghegn da man­­tesc ge vegn sport da ma­gnèr e da beiver, da les 20:00 sona Die Jung Puschtra, domenia domesdì l é la Böhmi­sche da Vich e da sera I Pazedins.
24.-28.08.
N viac mujighel
N‘ena de mujiga per mutons i mutans nasciui tl 2018, 2019 y 2020 vëniel metù a jì tl local dla Mujiga da Bula de agost. I mutons puderà da lunesc a vënderdi danmesdì suné y purvé ora strumënc, ala fin uniràl mo fat n cunzert. N se anconta uni di a Urtijëi dala 8.00 per furné deberieda sa Bula. L curs costa 30 €. La iscri­zions ie daviertes dai 20.04 ai 30.04 tres whatsapp a Sarah 333 1666922
25.04.
Conzert d’aisciöda dla Musiga d’Al Plan
La Musiga »Catarina Lanz« d’Al Plan inviëia al conzert d’aisciöda, en sabeda ai 25 d’aurí dales 20:30, sön paiun de paisc a Al Plan. Tema dl conzert é »Ega«.

Mostres y Ert
Atualmënter
Sas che devënta
Tla galaria Vijion a Puntives iel metù ora na mostra coletiva dedicheda a opres d’ert fates cun sas y tl sas, che resterà da udëi nchin ai 5 de mei. Orar: lun – sad dala 16:00–19:00, o cherdan su l 338 209 8697. I artisć che mët ora ie Mar­kus Gasser, Flavio Seno­ner, Bruno Vallazza, Otto Piazza, Arianna Moro­der, Thaddäus Salcher y Michael Höllrigl.
Atualmënter
Mostra »Bal di Culëures«
Tl Café Surëdl a Urtijëi iel metù ora chedri de Lara Kostner. L’esposizion va inant nchin ai 13 de juni.
Atualmënter
Deventé crëscer amé
Tla Cësa de Chemun de Laion iel da udëi na mostra de Guido Senoner Tinderla, che resterà davierta nchin ai 15 de mei, dal lunesc al vënderdi dala 8:00–12:00 y la juebies nce dala 16:00 nchin la 18:30. Duc ie nviei de cuer.
Atualmënter
Nadia y Klaus Rungger tla Galerie 90
L dessëni anconta la poejia – tla galeria Galerie 90 a Mühlbach prejënta Klaus Rungger dessënies nueves dau­­jin a poejies de Nadia Rung­ger. La mostra ie tl se­gondo partimënt dla cësa Wolken­steinerhaus tla streda Katharina Lanz 90 y ie da udëi nchin ai 25.04..

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
28.04.
Eie e speie
L spidl di joegn. Dales 20:50. Test y regia Cinzia Pistoia, produziun Pennpro, a cura de Alessandro Dapunt
29.04.
Trail Spezial
Dales 20:50 ca. A cura dla redaziun ladina.
30.04.
Euro – magazin de economia
Dales 20:50 ca. Test y regia Diego Clara, produziun Zak, a cura de Leo Senoner.

Radio
24.04.
HC Gherdëina – Campion dla Alps Hockey League
De hockey iel uni rujenà truep ntan l’ultima enes y chësc dan­taldut ajache l HC Gher­dëina à arjont ntan I Play Off ma nce bele dant di juesc de cualificazion de bela vëntes. L HC Gherdëina ie l campion 2025/26 dla Alps Hockey Lea­gue. Trasmiscion de Stefano Zanotti.
26.04.
Cunzert d’ansciuda dla Mujiga de Urtijëi
Coche da tradizion à la Mujiga de Urtijëi nce n chëst’ansciuda tenì n bel cunzert. Prejentà iel unì n program vif y d’uni culëur adatà ala bela sajon. I presciapuech 60 musiconc y musicontes à mparà ite tl curt tëmp de mé doi mënsc la cumposizions plu y manco cunesciudes che ve lascion audì. Trasmiscion de Valeria Bernardi.

Temp Lede
Atualmënter
Jì a Ciaval – iscrizions camps da d’instà
L zënter y la scola de jì a ciaval de Gherdëina »Pozamanigoni« mët a jì camps da d’instà per mutons dai 5 ani insù, tl’ena dai 22-26.06. y dai 24.-28.08.–for danmesdi. L unirà nce fat n camp cun durmì de 5 dis per chi che sà bele mpue da jì a ciaval la prima ena de lugio. Per plu nfurmazions y per se scrì ite: 349 8899128.
Atualmënter
Iscrizions curs de jì a ciaval per mutons:ans
Tl mëns de mei uniràl fat n curs per mparé a jì a ciaval fajan damat cun i ponys. N se anconta uni sada ta »Poza­manigoni« te Sëlva. L curs ie pensà per mëndri y majeri dai 3 ani insù. Per nfurmazions y iscrizions: 349 8899128.
Mëns de auril
Café dla rujenedes: nglëisc
Ntan l Café dla rujenedes tla biblioteca de San Durich a Urtijëi vëniel rujenà nglëisc. N se anconta mo un n iede ai 29 de auril, for dala 09:30. Na cunescënza de basa dla rujeneda ie bënududa.
24.04.
Sëira de bal fox
La Grupa da Bal Populer Sëlva y S. Cristina mët a jì chësta sëira de balé fox tl self dla Cassa Raiffeisen S. Cri­stina, n vënderdi ai 24 de auril dala 20:30 inant. Duc ie nviei de cuer.

Sport
Atualmënter
Curs de sauté
I Gherdëina Runners mët a jì n curs cun l alenadëur Diego Soppelsa. L curs sun l ciamp dal sport Mulin da Coi jirà inant uni juebia dala 19:00 per dut l instà. Duc ie de cuer nviei, nce de tei che scumëncia permò.
26.04.
FC Gherdëina – Rurëi
L Campiunat de Ezelënza va inant. L FC Gherdëina juega n dumënia ai 26 de auril ta Mulin da Coi contra l Rurëi. L juech scumëncia dala 15:30.

Iadi y Jites
08. y 09.06.
Pelegrinaje dl KVW 
Le KVW dl comun de Badia mët a jí n pelegrinaje a Monte­castello, Tignale (lech de Garda) y da S. Luigi Gonzaga a Castiglione delle Stiviere, ai 8 y 9 de jügn. Le grup vëgn acom­pagné da siur Iaco Wil­leit. Informaziuns y prenota­ziuns anter i 25 de ma pro Chri­stoph Pezzedi al 333 7219535.

Cursc
Atualmënter
Infopoint informatica a San Martin
Le Consëi de formaziun da San Martin mët a jí na consu­lënza personala por vigni eté, sön domandes che reverda l’adoranza dl computer y dl fonin, SPID, e–mail y tan d’ater, cun la referënta Madda­lena Valentini. Vigni vëndres, cina ai 29 de ma dales 9:00 ales 11:00, tl salf di cursc dl Istitut Ladin. Al é da s’anunzié danfora al 347 6880248.

Avisc
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster
L’ofize dla MIP – Männer­initiative Pustertal dëida i ëi y peri pro caji de separaziun y pîta aiüt te situaziuns de dif­i­colté. L’ofize é tla str. Dan­te 2m a Bornech (Stern­hof) y é davert lönesc y mercui dales 14:00 ales 19:00, le vën­dres dales 8:00 ales 12:00. Contac: 0474 555848, 340 1896431 o info@mip-puster tal.it
Atualmenter
Corsc de lengaz te biblioteca
La biblioteca de Cianacei met dant cater scontrèdes per em­pa­rèr i lengac con conversa­zion con letores esperc: mercol ai 13 de mé, mercol ai 20 de mé, vender ai 29 de mé e ven­der ai 5 de jugn da les 17:00 a les 18:00. Iscrizions su whats­­app al 0462 602382.
Uni mierculdi
Ciaculon online – per ladin
La Union di Ladins de Gher­dëina mët a jì »Ciaculon on­line« per chi che scumëncia y chi che ulëssa miuré si ladin: uni mierculdi dala 18:00–19:00. Duc possa fé pea, l basta nstalé l prugram »TEA­MS« sun l computer y jì ite sot a chësc link: https://url-shortener.me/GIBM
05.05.
Prejentazion del liber Terlaìna
En mèrtesc ai 5 de mé da les 20:30 te chino de Cianacei vegn prejentà l liber »Terlaìna – Ragnatela« te n dialogh anter Diaolin (Giuliano Natali), Lo­reta Florian e Lorenzo Dezulian.
08-05
Nef liber: Flora de Fascia
L’Union di Ladins de Fascia dèsc fora na neva publicazion sun fiores e piantes per ladin. L liber »Flora de Fascia« ren­curà da NIves Iori e coi bie retrac de Alberto Chiocchetti vegn prejentà en vender ai 8 de mé da les 16:30 sun Tamion aló dal Hotel Gran Mugon. Do la prejentazion sarà l maren­del enjignà dal chef da steiles Stefano Ghetta de Martin.
08-05
Film »Viaggio in Italia:la Corte Costituzionale nelle carceri«
L assessorat a la cultura de Sèn Jan e la Sociazion ‘Liberi da dentro’ met dant la terza e ultima scontrèda per vardar daite te la prejons e te noi enstesc. Te Oratorie de Poza da les 20:30 en vender 8 de mé con ‘Viaggio in Italia: la Corte Costituzionale nelle carceri’ se rejonarà del viac de set giudizes de la Cort Costituzionala che scontra i aresté de set Istituc penitenzia­ries, n enconter anter doi umanità.
09.05.
Rencuron nesc paijes
En sabeda ai 9 de mé l Comun de Sèn Jan envia socia­zions e comunanza a la dì ecologica. Se se bina da le 8 da doman ló dal tendon per Poza e Pera e al Ciamp de balon per Vich. A la fin te tendon marena con  hamburger e pomes: prenotèr te Comun per i 4 de mé.
30.04
Troes de cultura a Moena
Per la rassegna de la Biblioteca ‘Troes/Sentieri’ te Sala Rovisi en jebia ai 30 de oril da les 17:00 letures dal terzo liber de Armando Vadagnini »Con­versazioni di storia trentina. Da letterato a storico«, espe­rienzes dai egn ‘60 ai egn ‘80 travers i recorc del storich mo­­e­nat. Ai 8 de mé da les 20:00 ultim apuntament: Or­nella Pepe rejona de sie liber »Sola: con la mia dislessia«.

Chino
Atualmenter
Al chino de Cianacei
Insnet, vender al prum de mé, sabeda ai 2 e sabeda ai 9 da les 20:30 l é l film »Il dia­volo veste Prada 2« con la regia de David Frankel.
Atualmenter
Al chino de Pardac
Insnet, vender 24 de oril e sabeda 25 l é l film »Michael«, domenia 26 da les 17:00 l é »The super Mario Galaxy Movie« e da les 21:00 l é »Ham­net«, mercol 29 da les 21:00 l é »Il diavolo veste Prada 2«, vender prum de mé da les 21:00 l é »Michael«.
Atualmënter
Literachino
Ntan l mëns de auril, for de vënderdi dala 20:00, vëniel mustrà de biei films tla biblio­teca de San Durich a Urtijëi. L ultim apuntamënt ie n vën­derdi ai 24 de auril. L prugram plu avisa ie da abiné te biblio­teca.
30.04- 07.05
Al chino per fèr comunanza
Set film per set jebies da les 20:30 al chino de Cianacei per endrez di Assessorac a la cultura de Sèn Jan e de Ciana­cei en colaborazion con la sociazion Kino. Ai 30 de oril con »L’ospite inatteso« se re­jona de migrazion, desfidenza e enconter anter cultures, ai 7 de mé con »Hamnet – Nel nome del figlio« de amor de familia, rielaborazion de man­conia e forza de l’èrt.

Sozial
Atualmenter
Portel de scout mediazion familia
L Comun General de Fascia con ALFID Onlus avert n portel de scout, orientament e mediazion familiara per la re­lazions te c‑sa. L avert a duc e debant a S‑n Jan te Stra­­­da di Pr de Lejia 12 su apun­tament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
Family Support
L servisc Family Support pie­ta sustëni ala families jëu­nes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n val­gun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l daman­dé. Per nfurmazions pòssen scrì a gherdeina@family-support.it
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y la families te situazions de duel. L vën damandà na cuota anuela de 50 euro. Per nfur­mazions de sustëni pòssen tò su cuntat cun: Trauer- & Krisen­netzwerk Südtirol VFG–info@trauernetzwerk-suedtirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
20.05.
Scontrèdes de auto mutuo aiut
La sociazion Rencureme de Fascia e Fiem endreza scon­trèdes de auto mutuo aiut per chi che à te cèsa parenc con problemes de memoria e decadiment cognitif. Quinta e ultima scontrèda en mercol ai 20 de mé da les 20:00 te Ciasa de Noscia Jent a Poza.