La Usc di Ladins

L Museo de la Scienzes de Trent à fat n vèrech dezisif envers na narazion del teritorie più raprejentativa e inclusiva col tor ite e valorisèr ence la mendranzes linguistiches de la Provinzia de Trent desche patrimonie vif de la cultura.
En jebia ai 16 de oril domesdì al MUSE l é stat la prejentazion del projet ‘Te conte l MUSE… te duc si lengac’ che à vedù la colaborazion de desvalives enc: l Servije Mendranzes de la Provinzia de Trent che à sostegnù l lurier de rei, la Scola Ladina e l Comun General de Fascia, l Istitut Comprensif Pergine 1 e la Comunità Auta Valsugana e Bersntol, l Istitut Comprensif Folgaria Lavarone Luserna, la Magnifica Comunità degli Altipiani Cimbri e l Portel cimbro.
A la prejenza de n grop de scolees e studenc che à tout pèrt ativamenter al projet l é stat rejonà dantfora de la valuta de poder aer la neva guides digitèles del MUSE ence per ladin, mochen e zimber.

Podede lejer dut su La Usc dai 24 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Monica Cigolla)