La Usc di Ladins

Elisa ne conta:
«Per n meis e mez, anter la metà de jené e i prumes dis de marz, Fascia à abù na ghesta dassen speziala: Florencia, da duc chiamada Flo, na beza ruada dal Cile de gra a n projet de jomelinaje cultural metù a jir da la Scola Ladina de Fascia. Chela che al scomenz someaa bele n’esperienza de scambie la se à prest mudà te zeche de n muie più fon: n viac fat de amicizia, de descoride e de crescimonia personala.»

E Florencia:
«L é stat sie setemènes da marevea, olache é podù fèr n sach de esperienzes che no desmentiaré mai. A scola me à sapù n muie bel: me é troà n muie ben coi studenc e ence coi ensegnanc. La clasc olache son stata les me à tout ite con cher e é strent de bela amicizies. Per chel che revèrda l endrez de la scola, respet a coche son usèda tel Cile, chiò l é dut belebon desferent: la giornèda la é più curta e l é na desferenza anter i licees, che ge dèsc l met a ogneun de poder studièr che che ge sà più bel. Da noi se stèsc a scola dut l dì e duc cogn fèr l medemo percors.»

Podede lejer dut su La Usc dai 13 de mèrz da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)



 (Thomas Zulian/Elisa Florian)