La Usc di Ladins

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
05.05.
Cult – i patri ladins de Muri Gries
Dales 20:50. Test y regia Daria Valentin, produziun Karbon­video, a cura de Alessandro Dapunt.
06.05.
Tassie – cent e mile mec per se miorer
Dales 20:50 ca. Test y regia Matilde Gazzini, produziun media-art, a cura de Alessan­dro Dapunt.
07.05.
Sport Ladin
Dales 20:50 ca. Test y regia Diego Clara, produziun Zak, a cura de Leo Senoner.
Informazions plu menudes sun i programs de RAI Ladi­nia pòn giaté sun www.raibz.rai.it – Sun l medem sit sarà i programs TV da vedei sot a »Mediateca« y les trasmi­scions radio sot a »Podcast«.

Radio
01.05.
Egon y Martina Lardschneider: »Elisabeth viv inant cun nëus«
De lugio dl 2023 ova la nutizia dla mort dla jëuna arpizadëura Elisabeth Lardschneider sciau­dri la valeda y mo deplu sam­bën la familia. I genitori Mar­tina y Egon conta de coche ie ova giapà la nutizia spaven­tëusa dla mort de si prima muta, dla reazion dla familia, ma i descrij nce coche ie stat l tëmp do chësta desgrazia y dl aiut y dl sustëni psicologich che i ova giapà y coche i à mes­sù azeté chësta situazion. Tras­miscion de Stefano Za­notti.
01.05.
Ce mujiga scutans’a su tl 1986, dan 40 ani?
Te chësta trasmiscion de »De viac tl mond dla mujiga mo­derna« ve lascions audì la cian­ties tipiches che univa lascedes jì dan 40 ani ti radi y tla discoteches. L fova na sort de mujiga scialdi nflu­enzeda dala eletronica cun sonns artifiziei di synthesizers y drumbeats tleres ma dal’au­tra pert nce da de bela gran ujes. Trasmiscion de Georg Mussner.

Religion
09.05.
Al Plan: preparaziun dl Bato
La Uniun dles Ëres Catoliches dl decanat Val Badia inviëia i geniturs che á n viadú da batié, pers che aspeta, toc y totes de nosc decanat ala pre­paraziun dl Bato, en sabeda ai 9 de ma dales 15:00 ales 17:00, te salf de calonia a Al Plan. Al vëgn aprofondí l’im­portanza de chësc sacramënt, presenté le ritus y splighé i sim­boi dl Bato. Prenotaziuns pro Lucia al 334 3200396.
13.05.
Prozesciun da Neustift a Porsenú
Ľ uniun dai ëi Val Badia (KMB) inviëia ëi y jogn ala prozesciun cun linternes o ciandëres (da se tó para) da Neustift cina a Porsenú, en mercui ai 13 de ma. An pëia ia dales 21:00. A Porsenú él spo mëssa tl dom. Al vá ince ia na coriera dala Val Badia, co passa a Longega ales 19:30. Chi che oress jí para, é periá da s’anunzié pro Leo Crepaz al 348 4096351, anter la domënia ai 10 de ma.

Iadi y Jites
08. y 09.06.
Pelegrinaje dl KVW
Le KVW dl comun de Badia mët a jí n pelegrinaje a Monte­castello, Tignale (lech de Garda) y da S. Luigi Gonzaga a Castiglione delle Stiviere, ai 8 y 9 de jügn. Le grup vëgn acom­­­­pagné da siur Iaco Willeit. Informaziuns y pre­notaziuns anter i 25 de ma pro Christoph Pezzedi al 333 7219535.

Mujiga
Atualmënter
Cianton deberieda te Sëlva
Duc chëi che à legrëza a cianté n cumpanìa ie de cuer nviei a cianté deberieda cianties po­­puleres cun Willy Runggal­dier. La prima ancunteda sa­rà n sada ai 2 de mei tla Stua di Seniores te Sëlva. N se anconta mo ai 14.05 tla Stua di Seniores, ai 23.05 tla ustaria Val, ai 6.06 tl bar Okay ora Plan da Tieja y ai 18.06. tla utia Ciampac. For dala 3 domesdì.
01-02.05.
Cunzerc Deberieda
L Cor di Jëuni Urtijëi, l Cor di Jëuni S. Cristina y l Cor di Jëuni Gherdëina nvieia a si cun­zerc, che i cianta debe­rie­da: ai 1 de mei dala 20:00 tla dlieja de Sëlva y ai 2 de mei dala 18:00 tla Cësa di Cun­gresc a Urtijëi sot ala bachëta de Maria Plo­ner, Laura Stuffer y Tanja Comploi.
02.05.
Rina: conzert d’aisciöda
La Musiga da Rina á le plajëi da ves invié dër bel al conzert d’aisciöda, en sabeda ai 2 de ma dales 20:00, te palestra da Rina. Le program musical é metü adöm dal dirighënt Mar­tin Egger, che á chirí fora meldoies conesciüdes, tradi­zionales y modernes. La mo­de­raziun é de Timo Craffo­nara.

Mostres y Ert
Atualmënter
Sas che devënta
Tla galaria Vijion a Puntives iel metù ora na mostra coletiva dedicheda a opres d’ert fates cun sas y tl sas, che resterà da udëi nchin ai 5 de mei. Orar: lun – sad dala 16:00 – 19:00, o cherdan su l 338 209 8697. I artisć che mët ora ie Markus Gasser, Flavio Se­noner, Bruno Vallazza, Otto Piazza, Arianna Moroder, Thaddäus Salcher y Michael Höllrigl.
Atualmënter
Mostra »Bal di Culëures«
Tl Café Surëdl a Urtijëi iel metù ora chedri de Lara Ko­stner. L’esposizion va inant nchin ai 13 de juni.
Atualmënter
Deventé crëscer amé
Tla Cësa de Chemun de Laion iel da udëi na mostra de Guido Senoner Tinderla, che resterà davierta nchin ai 15 de mei, dal lunesc al vënderdi dala 8:00–12:00 y la juebies nce dala 16:00 nchin la 18:30. Duc ie nviei de cuer.
Atualmënter
Primal Focus – Niklas Jäger
Tl self dla mostres dl Circolo-Lia Mostra d’Ert iel da udëi lëures de Niklas Jäger. La mostra resterà davierta nchin ai 17 de mei ntan i orares de giaurida: dal merdi nchin la dumënia, 16:00–19:00 – de sada y dumënia iel daviert nce danmesdì, 10:00–12:00. De lunesc iel stlut.

Dotours
Dutor Gherdëina
L dutor de servisc dala 10.00 de n juebia ai 30.04 nchin ai 01.05. ie l dutor Giuliano Picco­liori de S. Cristina, tel. 0471 792282 o 348 3301004. Da n sada ai 02.05 nchin la 8:00 daduman de n lunesc ai 04.05 ie l dutor Simon Kostner de Sëlva, tel. 347 2297492, de servisc.
Doturs Val Badia
Le dotur en sorvisc tla Val Badia en la festa dl laur al 1. de ma, é la doturia Marga­rete Mahlknecht, La Val, tel. 349 0667034 o 0474 523018. Tla fin dl’edema di 2 y 3 de ma sarál en sorvisc le dotur Alberto Caretta, Badia, tel. 0471 839706 o 380 3161999.

Apoteches
Apoteca Gherdëina
L’apoteca che ie de servisc ora dl orar urdiner de giaurida ai 01.05. ie la apoteca »Sella« de Urtijëi, tel. 0471/796125 (orar de giaurida 9.00-12.00/ 15.00-19.00). Da n vënderdi 01.05. dala 19:00 nchin n vënderdi ai 08.05. ie la apoteca de Fie de servisc, tel. 0471/ 725373 (orar sada 8.30-12.30/16.00-19.00, dumënia 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres al 1. de ma dales 19:00 al vëndres ai 8 de ma ales 19:00, é chëra da La Ila, tel. 0471 847152.

Cursc
06.05.
Curs de ladin A 1.2
La Union di Ladins de Gher­dëina mët a jì n curs de gher­dëina online cun Marion Pera­thoner per persones che à bele na pitla cunescënza dl idiom. L curs de livel A 1.2 scumëncia ai 6 de mei y unirà fat for de mierculdi online dala 20:00, un n iede al’ena nchin ai 17 de juni. Per se nuté su tel. 0471 796870 o info@ulg.it
08.05.
Infopoint informatica a San Martin
Le Consëi de formaziun da San Martin mët a jí na consu­lënza personala por vigni eté, sön domandes che reverda l’adoranza dl computer y dl fonin, SPID, e–mail y tan d’ater, cun la referënta Madda­lena Valentini. Vigni vëndres, cina ai 29 de ma dales 9:00 ales 11:00, tl salf di cursc dl Istitut Ladin. Al é da s’anunzié danfora al 347 6880248.
09.05.
N verzon naturel
Co fé te verzon, cun la che­spuela y co senté ora ciofs y ver­dura te na maniera natu­rela: de chësc vëniel rujenà n sada ai 9 de mei. N se anconta dala 15:00 da la cësa da Pizer (via Rumanon) a Urtijëi per jì deberieda a spaz nchin pra l luech da Nevel. La Lia per Natura y Usanzes se ncunforta sun vosc unì.

Avisc
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de di­ficolté. L’ofize é tla str. Dan­te 2m a Bornech (Stern­hof) y é davert lönesc y mercui dales 14:00 ales 19:00, le vën­dres dales 8:00 ales 12:00. Contac: 0474 555848, 340 1896431 o info@mip-puster tal.it
Atualmenter
Corsc de lengaz te biblioteca
La biblioteca de Cianacei met dant cater scontrèdes per em­parèr i lengac con conversazion con letores esperc: mercol ai 13 de mé, mercol ai 20 de mé, vender ai 29 de mé e ven­der ai 5 de jugn da les 17:00 a les 18:00. Iscrizions su whatsapp al 0462 602382.
Uni mierculdi
Ciaculon online – per ladin
La Union di Ladins de Gher­dëina mët a jì »Ciaculon on­line« per chi che scumëncia y chi che ulëssa miuré si ladin: uni mierculdi dala 18:00–19:00. Duc possa fé pea, l basta nstalé l prugram »TE­AMS« sun l computer y jì ite sot a chësc link: https://url-shortener.me/GIBM
30.04/08.05.
Troes de cultura a Moena
Per la rassegna de la Biblioteca ‘Troes/Sentieri’ te Sala Rovisi anché, jebia ai 30 de oril da les 17:00 letures dal terzo liber de Armando Vadagnini »Conversazioni di storia tren­tina. Da letterato a storico«, esperienzes dai egn ‘60 ai egn ‘80 travers i recorc del storich moenat. Ai 8 de mé da les 20:00 ultim apuntament: Or­nella Pepe rejona de sie liber »Sola: con la mia dislessia«.
05.05.
Prejentazion del liber Terlaìna
En mèrtesc ai 5 de mé da les 20:30 te chino de Cianacei vegn prejentà l liber »Terlaìna – Ragnatela« te n dialogh anter Diaolin (Giuliano Natali), Lo­reta Florian e Lorenzo De­­zulian.
08-05
Nef liber: Flora de Fascia
L’Union di Ladins de Fascia dèsc fora na neva publicazion sun fiores e piantes per ladin. L liber »Flora de Fascia« ren­curà da NIves Iori e coi bie retrac de Alberto Chiocchetti vegn prejentà en vender ai 8 de mé da les 16:30 sun Tamion aló dal Hotel Gran Mugon. Do la prejentazion sarà l ma­ren­del enjignà dal chef da stei­les Stefano Ghetta de Martin.
08-05
Film »Viaggio in Italia: la Corte Costituzionale nelle carceri«
L assessorat a la cultura de Sèn Jan e la Sociazion ‘Liberi da dentro’ met dant la terza e ultima scontrèda per vardar daite te la prejons e te noi enstesc. Te Oratorie de Poza da les 20:30 en vender 8 de mé con ‘Viaggio in Italia: la Corte Costituzionale nelle carceri’ se rejonarà del viac de set giudizes de la Cort Costi­­tuzionala che scontra i aresté de set Istituc peniten­ziaries, n enconter anter doi umanità.
09.05.
Rencuron nesc paijes
En sabeda ai 9 de mé l Comun de Sèn Jan envia duta la socia­zions e la comunanza a tor part a la dì ecologica. Se se bina da le 8 da doman ló dal tendon de Poza per se spartir e jir fora per i paijes a rencurar su fin. A la fin te tendon vegn enjignà n crofen con liania e pomes fric per duc.

Sozial
Atualmenter
Portel de scout mediazion familia
L Comun General de Fascia con ALFID Onlus avert n portel de scout, orienta­ment e mediazion familiara per la rela­zions te c‑sa. L avert a duc e debant a S‑n Jan te Stra­­­da di Pr de Lejia 12 su apuntament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
Family Support
L servisc Family Support pieta sustëni ala families jëunes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n val­gun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l da­mandé. Per nfurmazions pòssen scrì a gherdeina@family-support.it
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y la families te situazions de duel. L vën damandà na cuota anuela de 50 euro. Per nfur­mazions de sustëni pòssen tò su cuntat cun: Trauer- & Krisennetzwerk Südtirol VFG–info@trauernetzwerk-suedtirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
20.05.
Scontrèdes de auto mutuo aiut
La sociazion Rencureme de Fascia e Fiem endreza scontrè­des de auto mutuo aiut per chi che à te cèsa parenc con problemes de memoria e decadiment cognitif. Quinta e ultima scontrèda en mercol ai 20 de mé da les 20:00 te Ciasa de Noscia Jent a Poza.

Referac
07.05.
Termi y proibiziuns tl’adolescënza
En jöbia ai 7 de ma dales 19:30 él tl salf dl Istitut Ladin a San Martin n referat cun le dot. Giuseppe Maiolo, dal titul »Limiti e divieti in adolescen­za«. Organisaziun, Consëi de formaziun, Comun y KFS da San Martin.
11.05.
Le sport agonistich tl’eté jona
En lönesc ai 11 de ma dales 20:00 él tla Ciasa dla Cultura a La Ila na serada d’informa­ziun y reflesciun por geniturs, alenadus y dirigënć sportifs, sön co orienté l’alenamënt y acompagné i atlec jogn te so svilup sann y de dorada lungia. Referënt é Thomas Valentini y ala serada tol pert ince n valgügn atlec jogn dl post, che cuntará süa esperiënza. Organisaziun: Consëi de for­maziun Badia.

Temp Lede
Atualmënter
Jì a Ciaval – iscrizions camps da d’instà
L zënter y la scola de jì a ciaval de Gherdëina »Pozamanigoni« mët a jì camps da d’instà per mutons dai 5 ani insù, tl’ena dai 22-26.06. y dai 24.-28.08. – for danmesdi. L unirà nce fat n camp cun durmì de 5 dis per chi che sà bele mpue da jì a ciaval la prima ena de lugio. Per plu nfurmazions y per se scrì ite: 349 8899128.
Atualmënter
Iscrizions curs de jì a ciaval per mutons:ans
Tl mëns de mei uniràl fat n curs per mparé a jì a ciaval fajan damat cun i ponys. N se anconta uni sada ta »Poza­manigoni« te Sëlva. L curs ie pensà per mëndri y majeri dai 3 ani insù. Per nfurmazions y iscrizions: 349 8899128.
06.05.
Fritz, la schirlata
Renate Pichler liej dant si storia per mutons »Fritz das Eichhörnchen« tla biblioteca de Sëlva »Oswald von Wolken­stein« n mierculdi ai 6 de mei dala 3 domesdì. Dopro desse­nierà la ilustradëura Evi Gasser deberieda cun i mu­tons. Duc i mëndri da cater ani insù ie de cuer nviei!
07.-08.-09.05.
Mpera a cunëscer l mond dl’eves
I mutons y la mutans dla scola elementera ie nviei tla biblio­teca San Durich a Urtijëi per pastelné, sperimenté y mparé a cunëscer cun juesc d’uni sort l mond dl’eves. N juebia ai 7, n vënderdi ai 8 y n sada ai 9 de mei.
08.05.
Storia de 15 menuc per mutons y mutans cun Erica
N vënderdi ai 8 de mei dala 3 domesdì tla biblioteca San Durich a Urtijëi.
08.05.
Lauratuere creatif per mëndri
Tla mostra Sevi »Dal lën al juech« tl Museum Gherdëina a Urtijëi vëniel metù a jì trëi lauratueres creatifs per mëndri cun Gloria Soppelsa: n vën­derdi ai 8.05., ai 15.05 y ai 22.05 dala 14:30 ala 16:00. Mu­tans y mutons dala 2a ele­mentera ala 1a mesana ie bënunides. I posć ie limitei. L ie debujën de se scrì ite. Tel. 0471 797554
09.05.
De dl ambiënt tl’Alta Badia
En sabeda ai 9 de ma vëgnel tigní ti comuns dl’Alta Badia le »De dl ambiënt«. An se incunta dales 9:00 dan la sënta di stödafüch de vigni paisc. Pici y gragn é inviá a tó pert y dé n contribut a nosta tera. Te vigni comun él preodü na marëna por düc i partezipanc.
09.05.
Chëi dal’eves tla biblioteca
La »Lia dal’Eves« vën tla biblioteca de Urtijëi, n sada ai 9 de mei dala 10 danmesdì. Duc ie de cuer nviei, granc y pitli, a scuté su y mparé a cunëscer chisc pitli nsec.
09.05.
Arjigné l’urt, somené, fá crësce
Le Consëi de Formaziun d’Al Plan, deboriada cun Zicuta Lab, mët a jí na incuntada cun Georg Trebo che manajëia l’Urt da Ras – verzöra d’Al Plan. Al gnará baié de co arji­­gné ca l’urt, co somené y co fá por fá crësce de piceres plantes. An s’incunta a Al Plan, sön la gran plaza dai auti sö Ras, en sabeda ai 9 de ma dales 10:00 ales 12:00.

Sport
10.05.
FC Gherdëina - St. Pauls
N dumënia ai 10 de mei dala 15:30 juega l FC Gherdëina ta Mulin da Coi contra l St. Pauls.

Chino
Atualmenter
Al chino de Cianacei
Vender al prum de mé, sabeda ai 2 e sabeda ai 9 da les 20:30 l é l film »Il diavolo veste Prada 2« con la regia de David Frankel.
Atualmenter
Al chino de Pardac
Insnet, vender prum de mé da les 21:00 l é »Michael«, sabeda 2 e domenia 3 da les 21:00 l é »Il diavolo veste Prada 2«, domenia 3 da les 17:00 l é »The Super Mario Galaxy Movie«, mercol 6 da les 21:00 l é »La mummia«.
Atualmenter
Al chino de Tieser
Insnet, jebia 30 de oril e ven­der prum de mé da les 21:00 l é »Il diavolo veste Prada 2«, vender da les 17:15 l é »The Super Mario Galaxy Movie«, sabeda 2 da les 21:00 e do­menia 3 da les 17:00 l é »Mi­cha­­el«, sabeda 2 da les 17:15 e domenia 3 da les 20:30 l é »Il diavolo veste Prada 2«.
30.04/07.05
Al chino per fèr comunanza
Set film per set jebies da les 20:30 al chino de Cianacei per endrez di Assessorac a la cul­tura de Sèn Jan e de Cia­nacei en colaborazion con la sociazion Kino. Insnet, jebia 30 de oril con »L’ospite inatte­so« se rejona de migrazion, desfidenza e enconter anter cultures, ai 7 de mé con »Ham­net – Nel nome del figlio« de amor de familia, riela­borazion de manconia e forza de l’èrt.