La Usc di Ladins

Rua l’Aisciuda Ladina 2026, festa del lengaz e de l’identità! Un no l é da dèr, doi no l é da tor, trei vegn dal cher, e donca ence chest an, desche del 2024 e del 2025, l argoment l é endodanef la toponomastica ladina,per cognoscer e recordèr i inomes de nosc raion, testamonesc veiores de storia e comunanza. L é belimpont per chesta rejon che l Comun General de Fascia, l Istitut Cultural Ladin, la Scola ladina de Fascia e l’Union di Ladins de Fascia colaborea acioche che duc posse endodanef cognoscer e durèr i inomes ladins di lesc de noscia bela Val,percheche no vae perdù l leam col teritorie che nesc aves à abù dant da nos.
»Paroles che fèsc crescer. Bec e lengac te la comunanza ladina de Fascia« l é l titol del prum apuntament, insnet lunesc ai 4 de mé da les 20:30 te Sorastanza de la Scola Ladina. L é na scontrèda averta a la families, ai ensegnanc e a duta la comunanza, per meter al luster l valor del plurilinguism te scolina. Ai 5 de mé l é l Dì de la bandiera ladina e vegn envià duta la comunanza a meter fora sui barcons e la fenestres la bandiera dai trei colores: brun, bianch e vert.

Podede lejer dut su La Usc dai 30 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)



 (Monica Cigolla)