La Usc di Ladins

Armin Chiocchetti, moenat da L Forn clasc 1992, l é un di joegn che é peé via da noscia val per jir a la foresta. Do se aer diplomà al liceo de Fascia, che te chel an aea sperimentà n percors che conjobièa linguistich e scientifich, l é jit te la Svezia, olache l aea fat l quarto an de scola auta a la foresta. L se à scrit ite a l'Università de Uppsala e l se à laureà en indologia co na tesi sul lengaz bhojpuri e dapò ence en linguistica con na tesi sui mudamenc fonetics e fonematics del ladin fascian dai egn '60 fin anchecondì; sia enrescida era stata publichèda ence sul numer 41 de Mondo Ladino, la rivista scientifica del Istitut Cultural Ladin de Fascia. Dapò l à cernù de se spezialisèr en lengaz e letradura hindi e l à studià i scric de autores de valgugn gropes etnics de l’India vardan ence a la critica al conzet de autentizità de la cultures. L à fat l master e l dotorat, giusta acà n an l à podù festejèr a Uppsala la conclujion de si studies col dotorat en indologia con na tesi per ingleis, ence chesta publichèda.
De spes se sent dir che fossa bel che i joegn che va a studièr e a fèr esperienzes foravia dapò i vegne de retorn per meter a la leta la competenzes che i à concostà. Ge aon domanà a Armin percheche l à cernù de jir a la foresta, colunes che l é stat sia esperienzes e coluna che pel esser ades sia prospetives.

Podede lejer dut su La Usc dai 30 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)



 (Lucia Gross)