La Usc di Ladins

Ence chest an l Zenter de Adestrament Alpin de la Polizia de Moena ge dèsc alberch ai tousc e la touses che tol pèrt al Euregio Sport Camp. Chest’outa i joegn che tol pèrt i é adertura l dopie, 120, e i rua dal Sudtirol, dal Tirol e dal Trentin. Per doi setemènes alalongia, spartii fora te doi gropes, i tolarà pèrt a n program fit e toch che perveit ativitèdes sportives, jeghes, alenamenc, laboratories de èrt e cultura. 

En lunesc ai 11 de messèl a Moena l é stat la zerimonia de orida con la premiazion di atlec che à ciapà medaes ai Jeghes Olimpics de Beijing e de atres atlec taliegn.

L Euregio Sport Camp l é jech, èrt e cultura, l é chino, ma soraldut sport. A chisc joegn ge vegn sport l met de proèr desvaliva disciplines desche l’atletica, la rampinèda, l orienteering, l biathlon da d’istà, l’e-bike, jir coi fères, a nodèr ma ence escurscions e raides sa mont. Dut chest fin ai 24 de messèl.

De più su La Usc stampèda de vender ai 15 de messèl.