La Usc di Ladins

A Castel del Rio (BO) en domenia ai 4 de setember se à dejout l King of CDR, garejèda de enduro bona per l’assegnazion del titol de Campion Talian Enduro 2022.

L é stat Tommaso Francardo a conquistèr l titol talian venjan trei de la 5 proes spezièles en program. Do aer vent la pruma e la seconda spezièla, Francardo l à vardà de gestir l vantac te la does do, jan dapodò a venjer ence la quinta e ultima proa. De gra a chesta prestazions l à otegnù la venta finèla te 20’21’’ con 10 seconc de vantac su Matteo Raimondi, secondo dant de Mirco Vendemmia che à completà l podie te 20’37’’.

Anter i beleche 200 atlec en gara, a se jièr gregn traverc l era ence l fascian Filippo Romano. L atlet Fascia Bike Racing Team l se à prejentà a la proa de Castel del Rio con ensomesc de vitoria, consapevol de poder pontèr en aut te sia categoria M1. E coscita l é stat. 

De più su La Usc stampèda de vender ai 9 de setmber.  (Daniele Verra)