La Usc di Ladins

Chësc ultim fin dl'ena, dai 18 ai 21 de setëmber iel a Beijing tla Cina unì metù a jì na lingia de garejedes de jadiné artistich, coche ultima ucajion per i sportifs de pudëi se cualifiché per i Juesc Olimpics a Milan Cortina dl 2026.

Nce Manuel Piazza de Urtijëi, che jadinea n per cun Julia Sylvia Gunnarsdottir, sot ala bandiera dla Islanda, se à cualificà y à pudù fé pea pra chësta garejedes. Ëi ie ruvei otafs sun undesc y i ne se à perchël purtruep nia cualificà. Mé i prims trëi giapova n ticket per la Olimpiades. Ma Manuel y Sylvia possa mpo vester stolz de coche la ie jita, dantaldut sce n pënsa che i jadinea permò da n ann incà deberieda y Sylvia ova dant for mé garejà tl singul. 

EK

L articul ntier tla edizion nueva de La Usc di Ladins de n vënderdi ai 26 de setëmber.