La Usc di Ladins

Tl stadium dala dlacia a Maran s’ál tigní danter deplü dis les gares de jadiné artistich por le »Ice Trophy Merano – Memorial Martina Barri­celli«. I atlec dl Ice Club Alta Badia á tut pert, se portan a ciasa de bi resultac. Tla categoria de »Advanced Novice Men« á l’atlet Felix Ober­ bacher afasciné la iuria y s’á plazé al 1. post cun i punc plü alc.

Tla medema categoria á Alessandro Giuliano da Corvara, che se alenëia cun l’Ice Club de Trënt, arjunt le terzo post sön le podest. Tla categoria feminila de »Junior Women« á Lea Marie Castlunger dl Ice Club Alta Badia arjunt le sesto post en classifica.

Ciamó n valgünes gares ti aspetel ai atlec dl jadiné, che ará ciamó tröpes ocajiuns da mostré ci che ai á imparé ti mëisc de alenamënt.

(mo)