La Usc di Ladins

L Triathlon l é una de la disciplines più empegnatives del panoram sportif, chel da d’invern l domana che i atlec se mete en jech te trei proes desferentes: l schi da paslonch, la corsa e la roda. Canche dapò sozet, desche tel ultim fin de setemèna, che vegne ju n bon pecia de neif, dut chest doventa dassen na ‘impresa da Titani’. Coscita la é stata en domenia ai 25 de jené a Cogne, olache desche chiò l à nevet de pien endèna che vegnia fat la Gran Paradiso Winter Triathlon e i atlec fonèa te la neif frescia endèna che i garejèa per i campionac taliegn assoluc e de categoria de chesta disciplina. Te chesta garejèda dassen al limit n joen atlet fascian, Jacopo Fanton da Poza, l se à vadagnà la venta de categoria.

Podede lejer dut su La Usc dai 30 de jené da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Lucia Gross)