La Usc di Ladins

La presidënta dla Union Ladis de Anpezo Elsa Zardini dij che ara á dé passa cënt intervistes a jornalistes y jornalisć da döt le monn, de chëstes ma döes a media nazionai talians.
Les passa 500 bandires ladines tacades fora a Cortina y ince te d’atri posć de Suramunt y dla Ladinia desco sëgn de identité ladina, á trat l’interes da pert de tröc gheśc y media che damanâ do ci che les bandires ess simboolisé y manifesté.
Tröc é i lingac te chi che al é gnü informé söi Ladins, articui y podcasts él gnü fora te tröpes perts dl monn. Sambëgn, dlungia al sport y ai altec, él da cunté n te’ iade di paisc y de söa jënt. Sce bele la Fondaziun Milan–Cortina n’á nia invié i Ladins a tó pert desco popolaziun autoctona ai programs culturai y soziai, n’él nia da se fá de morvëia che i ghesć che é rová te nostes valades y röia dötaurela se damana informaziuns söla vita, les tradiziuns y le lingaz dl post, desco ince söles desfides di posć turistics alpins.

N articul cun deplü fotografies á publiché danter l’ater la NY Times, che é da ciafé ince online:

https://www.nytimes.com/athletic/7057329/2026/02/20/winter-olympics-dolomites-ladin-language-coverage/