La Usc di Ladins

La »European Training Foundation (ETF)« partësc ora uni ann i pesć »Green Skills« y premieia nscila pruiec y scumenciadives che sustën la jënt a svilupé cumpetënzes vërdes. L se trata de cumpetënzes y savëi de chëi che l ie debujën per avëi n daunì sustenibl, plën de cuscienza ecologica y che scunësc la ressorses.
Cun n pruiet straurdiner à i sculeies y la sculées dla Prufesciunela de Urtijëi realisà copes de lën, cun truepa cumpetënza tecnica. Nëus son dassënn unerei che on pudù fé pea pra chësta scumenciadiva, che mët tl zënter la criatività y l engagement di sculeies.