La Usc di Ladins

Cun la fin de jená á la Cooperativa Turistica Alta Badia lascé pié ia la scomenciadia dla »Locals Card«. Ara se trata de na cherta cun chëra che i zitadins pó ciafé alisiraziuns sön produc y prestaziuns te strotöres dl post. 
Da dui agn incá laora la cooperativa sön le proiet dla »cherta por la jënt dl post«, anunziada tles ultimes sentades cun i assoziá. Sëgn éra tan inant y la cherta é danman.

Cun la scomenciadia ó la Cooperativa Turistica Alta Badia deboriada ai assoziá ti jí adincuntra ala jënt dl post: »Insciö pó la jënt dl post tó en conscidraziun l’oferta turistica a prisc arbassá y i operadus dles strotöres pó ince se fá conësce damí dala jënt dl post«, dij le diretur dla cooperativa Max Nagler.
L'iniziativa é piada ia cun le 1. de forá y sëgn pó i zitadins di comuns de Corvara, Badia y La Val damané do la cherta ti ofizi dla cooperativa.


Deplü da lí sön la scomenciadia ciafëise tla ediziun nöia da incö, vëndres ai 20 de forá!