La Usc di Ladins

Ai 14 e 15 de mèrz l Stadie de la giacia de Dèlba l é stat teater de proes e competizions per passa 100 atletes e atlec dai più picoi ponjins de 7 egn a la maores Over 13. L'Artistico Ghiaccio de Fascia à metù a jir defat la 11^ edizion de chesta Copa con la garejèdes del campionat de fascia bronze, che à portà de bogn ejic ladins, tant per i Pavei d'Arjent de la sociazion organisadora che per la atletes del Ice Club Alta Badia.
Scomenzon da la più granes, con la categoria Over 13 olache sul podie l é ben doi ladins, al prum post l'atleta de cèsa Martina Manenti, con na valutazion de 35,25 e sul secondo sciaier Nicole Pezzei del Ice Club Alta Badia.

Apede al empegn te cèsa, no mencia per i Pavei d'Arjent la endesfides internazionèles. Matteo Marchioni, atlet de 18 egn, l à tout pèrt a doi competizions emportantes: i Campionac Mondièi Junior a Tallin, te l'Estonia e dapò tel Luxenbourg a la Coupe Du Printemps.

Podede lejer dut su La Usc dai 20 de mèrz da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)  (Lucia Gross)