La Usc di Ladins

L’ann 2026 é pié ia cun na novité tl paisc da Calfosch: l’isola ecologica nöia é jüda en funziun de jená. Pordërt é la proietaziun dl sistem nü piada ia cun le Consëi comunal da denant, por ciafé süa realisaziun ti mëisc dl ultim isté. 
L’isola ecologica nöia se presentëia te na verjiun plü moderna: chësc sistem de racoiüda de refodam anuzëia plü lerch cun posces che vá sot tera ite. Les strotöres a forma de fongun cuca sö y á boces cun cuertl, che se lascia daurí tres na cherta da n magnet. 
Sëgn á ma i zitadins dl paisc, les families y mëndres ativités da Calfosch l’azes al’isola. Ativités maius y gragn hotí porta inant le refodam tl zënter de reziclaje a Col Maladët, che á orars de daurida valgamia plü limitá co l’isola ecolo­gica. Chiló pón dé jö le refodam vigni de danter les 7:00 da doman cina ales 21:00 da sëra. 
»Le gran vantaje de chësc sistem cun les chertes é che al nes garantësc da avëi plü control sön coche le sistem vëgn anuzé, y tres videocameres podunse avëi na suravijiun de ci che al sozed y spo tl caje tó provedimënc sce al ne vëgn nia tigní ite les regoles« dij l’assessur Jouk Oberbacher.


Deplü da lí ciafëise tla ediziun nöia, publicada ai 20 de merz dl 2026!