La Usc di Ladins

Dotours
Dutor Gherdëina
L dutor de servisc da n sada ai 14.03. dala 08:00 daduman nchin la 08:00 daduman de n lunesc ai 16.03. ie l dutor Pablo Policastro tl ambu­la­tuere di dutores Kostner/We­­ber, a Urtijëi tla streda Tre­binger 10, tel. 366 3646 254. 
Doturs Val Badia 
Tla fin dl’edema di 14 y 15 de merz él en sorvisc ti comuns de Mareo y San Martin le dotur Eduard Agreiter, San Mar­tin de Tor, tel. 0474 523 315 o 333 1380852. Ti comuns de Corvara, Badia y La Val él en sorvisc le dotur Guido Caretta, Calfosch, tel. 0471 836870 o 337 616080.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 13.03. nchin n vënderdi ai 20.03. ie chëla de Urtijëi, tel. 0471/796125 (orar de giaurida 9.00-12.00/ 15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 13 de merz al vëndres ai 20 de merz ales 19:00, é chëra da Picolin, tel. 0474 523020.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
17.03.
Sport Ladin
Dales 20:50. Test y regia Diego Clara, produziun Zak, a cura de Leo Senoner.
18.03.
Trail Spezial
Dales 20:50 ca. A cura dla redaziun ladina.
19.03.
Cult – ra filodramatica de Anpezo
Dales 20:50 ca. Test y regia Giulia Tasser, produziun Kar­bonvideo, a cura de Ales­sandro Dapunt.

Referac
13.03.
Fotografies che nes conta…
»Na pultreda dij plu de 1000 paroles«. La Union di Ladins de Gherdëina nvieia chësta sëira cun Albert Moroder, ncuei, vënderdi 13 de merz dala 20:00 tla biblioteca ladina »Anda Malia da Cudan«. Se stizan sun n valguna fotogra­fies iconiches, cunterà Albert fac y anedoc ora de n passà che sëuraviv mo de gra a si archif straurdiner.
16.03.
Sce al é nou, él nou!
Le Consëi de formaziun da San Martin mët a jí en lönesc ai 16 de merz dales 19:30 n referat cun la dra. Giuliana Franchini. Tema é »Ho detto no e poi no!!!«, por mostré sö sciöche la parora nou öga por la chersciüda di mituns. Le referat é tl salf dl Istitut Ladin a San Martin.

Teater
20.03.
La Val: Teater »Le jüch«
L’Uniun Teater La Val inviëia da jí a ti ciaré ala comedia »Le jüch«, basada sön le film »Perfetti sconosciuti« de Paolo Genovese. Le toch é aconsié da 14 agn insö. Les rapresenta­ziuns é ai 20, 22, 25 y 28 de merz dales 20:00 y ai 29 de merz dales 18:00, dagnora te salf dles manifestaziuns da La Val. Prenotaziuns al 340 8951293 o al 333 4616848 por sms, o telefoné dales 18:00 ales 21:00.

Cursc
16.03.
Move It! Iscrizions
L VKE Gherdëina mët a jì n curs de bai de grupa moderns per mutons:ans, tl self di Destudafuech a Runcadic. L curs ie pensà per mutons:ans dal 2015–2018 y scumëncia ai 8 de auril dala 15:00 nchin la 15:50. Daldò val inant uni mierculdi dala medema ëura nchin ai 6 de mei. Priesc per cumëmbri: 40€. Iscrizions: dai 16.03. dala 8:00 inant tres whats­app al numer 339 795 7150.
16.03.
Iscrizions – Yoga per mutons:ans
L VKE Gherdëina mët a jì ëures de Yoga per mutons:ans dai 4 nchin ai 7 ani. L curs vën tenì de ndut sies iedesc tla scola elementera de Urtijëi, dai 8 nchin ai 24 de auril: de mierculdi dala 16:00–17:00 y de vënderdi dala 15:00–16:00. Iscrizions: dai 16.03. dala 8:00 inant tres whatsapp al numer 339 7957150. Priesc per cumëmbri: 45€.
27. y 28.03.
Ert cun bozes de plastica
L’EPL – Ert Por Ladins inviëia a n curs da fá ciüfs, fëies, festies (»steli«) y bocá cun bozes de plastica. Le curs vëgn tigní tl studio Zona a Pedraces, vëndres ai 27 de merz dales 15:00 ales 19:00 y sabeda ai 28 de merz dales 9:00 ales 17:00. Por le curs él da se tó para na forfesc por les aundles y öna normala, n valgönes bozes de plastica cun stoplun. La sabeda pón se tó do na picia marëna. Prenotaziuns al 345 3966674 o pizroc@icloud.com. Cost: 75,00€ a ce.

Sozial
Atualmenter
Portel de scout mediazion familia
L Comun General de Fascia con ALFID Onlus avert n portel de scout, orienta­ment e mediazion familiara per la rela­zions te c‑sa. L avert a duc e debant a S‑n Jan te Stra­­­­­­da di Pr de Lejia 12 su apun­tament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y la families te situazions de duel. L vën damandà na cuota anuela de 50 euro. Per nfur­mazions de sustëni pòssen tò su cuntat cun: Trauer- & Krisen­netzwerk Südtirol VFG–info@trauernetzwerk-suedtirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Atualmënter
Family Support
L servisc Family Support pieta sustëni ala families jëu­nes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n val­gun’ëura al’ena a fé vel’ stroz, cialé di mu­tons:ans o judé ula­che l ie de­bujën. L servisc ie debant y duc possa s’l da­man­dé. Per nfurmazions pòssen scrì a gherdeina@family-support.it
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
18.03.
Scontrèdes de auto mutuo aiut
La sociazion Rencureme de Fascia e Fiem endreza scon­trèdes de auto mutuo aiut per chi che à te cèsa parenc con problemes de memoria e deca­diment cognitif. Terza scon­trèda en mercol ai 18 de mèrz da les 20:00 te Ciasa de Noscia Jent a Poza.

Chino
Atualmenter
Al chino de Pardac
Doman, sabeda 14 de mèrz da les 21:00 l é »Rent a family«, domenia 15 da les 17:00 l é »Jumpers« e da les 21:00 »Rent a family«, mercol 18 e vender 20 da les 21:00 l é »Grand ciel«, sabeda 21 da les 21:00 l é »Cime tempestose«.
Atualmenter
Al chino de Tieser
Domenia 15 de mèrz da les 17:30 l é »Jumpers« e da les 20:30 »Un bel giorno«, jebia 19 da les 21:00 per la rassegna ‘Il piacere del cinema’ l é »Le cose non dette«, vender 20 da les 21:00 l é »Un bel giorno«.

Mostres y Ert
Atualmenter
Mostra sul schi de Manuel Riz
Te Museo Ladin de Fascia se pel veder na esposizion de ojec e de taoles del arist Ma­nuel Riz e se pel ence comprèr la neva graphic novel dal titol »Il pendio bianco. Storia sociale dello sci«.
Atualmënter
Fantajia y corp
Tl self dla mostres dl Circolo–Lia Mostra d’Ert iel metù ora nchin ai 15 de merz dessënies fac ntan l curs cun Egon Ru­sina. Orares de giaurida: lu­nesc – dumënia 17:00 – 19:00, de sada y dumënia nce dan­mesdì, 10:00 – 12:00
Atualmënter
Ewa Jönsson Hörtnagl – Bergwelten
Tl Tublà da Nives de Sëlva iel metù ora pitures dla artista svedeja Ewa Jönsson Hörtnagl. La mostra resta davierta nchin Pasca, ai 5 d’auril, uni di ora dl lunesc dala 16.00 ala 19.00.
Atualmënter
Garejedes de schi te Gherdëina
La mostra ie dedicheda ala garejedes de schi che ie states te Gherdëina. La sarà davierta nchin ai 7 de auril, dal lunesc nchin al vënderdi dala 08:00 nchin la 13:00, tl prim par­timënt dla Cassa Raiffeisen de S. Cristina.
Atualmënter
Mumënc... tla Dolomites
La mostra cun lëures de Ga­briel Demetz tl Café Surëdl resterà da udëi nchin ai 30 de merz ntan i orars de giaurida dl Café Surëdl.

Mujiga
19.- 27.03.
N’ena de mujiga »Rock the Dolomites«
Dai 19 nchin ai 27 de merz suneràl uni di te n’autra utia o tl luech de Sëlva d’uni sort de grupes: ai 19.03. dala 16:00 Mad Dark Lady da Pra Valen­tini; ai 20.03. dala 12:30 The Pop Show y dala 14:30 sun|sëida sa la Dantercëpies Mountain Lounge; 22.03. dala 10:30 Maria De Val y dala 13:00 Klang sa la utia Sas­lonch, dala 16:30 The Pëufla ta La Stua te Sëlva. L prugram per i autri dis tla proscima usc.
14.03.
I sonns rubei
Tl local dla Mujiga sa Bula vëniel metù a jì na prejentazion di strumënc per mutons:ans dai 4 nchin ai 12 ani, n sada ai 14 de merz dala 9:00 - 11:00. L sarà da resolver ndevins y duvieres duc deberieda. N possa se nuté su tres Whats-App al 366 2063470.

Avisc
Atualmenter
A cena con Emergency
La delegazion de Fiem e Fascia de Emergency tol pèrt a la scomenzadiva ‘Cento Cene’. Te noscia valèdes la vegn endrezèda al Restorant Miola de Pardac con n menu spezièl en vender ai 27 de mèrz da les 20:00. L cost l é de 35 euro (zenza l beiver) e de chisc 10 i ge vegn dac a Emergency. Prenotazions de obligh, fin a canche l é post, al 340 3761958.
Atualmenter
Na colomba per la pèsc
Per sostegnier l’atività de Emer­gency la delegazion de Fiem e Fascia ven la colombes de la pèsc con la bolga ‘Essere Umani’ a 20 euro. Se pel la prenotèr sul sit fiemme-fassa@volontari.emergency.it o al numer 349 8042968; consegna a Tieser ai 27 de mèrz, a Par­dac ai 28, te Biblioteca de Cia­valeis o per Fascia te Re­dazion de La Usc a Sèn Jan.
Atualmënter
Iniziativa di ëi de Puster
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tla str. Dan­te 2m a Bornech (Sternhof) y é davert lönesc y mercui dales 14:00 ales 19:00, le vën­dres dales 8:00 ales 12:00. Con­tac: 0474 555848, 340 1896431 o info@mip-puster tal.it
Atualmënter
Iscrizions »Gaia«
La Lia Gaia mët a jì n pruiet da d’instà, per mutons y mu­tans dl 2015-2020. L pruiet va dai 6 de lugio nchin ai 21 de agost. Orar: 07:45–14:30. La iscrizions vën tëutes su dai mo ncuei, 13.03. tres l formular sun www.pro-gaia.net.
Atualmënter
Iscrizions Scola de Mujiga
La Scola de Mujiga de Gher­dëina fej al savëi che la iscri­zions per l ann 2026/27 puderà unì fates online nchin ai 31 de merz sun my.civis.bz.it. Coche uni ann puderàn crì ora danter de plu strumënc, cianté, muvimënt y bal. Ai scric ite nueves ti uniràl fat al savëi al plu tert nchin ala fin de lugio sce i à giapà lerch. Per nfurmazions plu avisa: 0471 796858 o musikschuldire ktion.groeden@schule.suedtirol.it
Atualmënter
L Cor y l Urchestra de dlieja chier ciantarins y sunadëures
Chi che à nteres a unì a purvé possa unì de merdi tl local dla proes te calonia de Urtijëi aut ite o se lascé audì da n cu­mëmber.
Merz 2026
Iscriziuns ala Scora de musiga Val Badia
Les scores de musiga dla pro­vinzia deura les iscriziuns por le proscim ann de scora, dal 1. al 31.03.2026. Les iscri­ziuns vëgn fates online tres le sorvisc dl’aministraziun provinziala »myCivis« https://civis.bz.it/einschreibung-mu sikschule . L’azes al sorvisc vá tres SPID o CIE (cherta d’identité eletro­nica). Informa­ziuns te secreta­riat dla Scora de musiga a La Ila, al 0471 847748 o sot a www.musikschule.it
Uni mierculdi
Ciaculon online – per ladin
La Union di Ladins de Gher­dëina mët a jì »Ciaculon online« per chi che scumëncia y chi che ulëssa miuré si ladin: dai 25 de fauré, uni mierculdi dala 18:00–19:00. Duc possa fé pea, l basta nstalé l prugram »TEAMS« sun l computer y jì ite sot a chësc link: https://url-shortener.me/GIBM
13.04.
Iscrizions »Instà Vif«
L proiet per l instà Instà Vif, per mutons y mutans dl 2013 – 2019, vën metù a ji dai Che­muns de Gherdëina deberieda cun lies, dai 22.06. nchin ai 21.08. L orar per uni ena ie da abiné sun l placat. La iscri­zions possa unì fates ai 13 de auril dala 20:00 inant tres l link https://forms.gle/14keHo 1eZZ8Ri2Kh6. o tres QR–code che n abina sun l julantin dat ora.
19.03.
Lia Uciei Gherdëina – Generela y pitl curs
La Lia Uciei Gherdëina nvieia ala senteda generela dla lia n juebia ai 19 de merz dala 20:00 tla biblioteca ladina tla Cësa di Ladins a Urtijëi. L unirà fat nce n pitl curs n con’ dla usservazion di uciei, de coche n possa fé a scumencé a ti cialé y a i recunëscer.

Sport
27.03.
Trofeo Tita e Marco
La sociazion Bela Ladinia endreza en vender ai 27 de mèrz l Trofeo Tita e Marco, na garejèda de net con la pouses. I atlec ponta via da les 8 da sera ló da la boteiga Tony Sport a Vich e i rua sun Ciampedie. Do la gara a la Baita Checco cena, premia­zion, ola de la fortuna e legre­za per duc. Se pel se scriver ite tant desche agonisć che escurscionisć a https://www.dtiming.it/29-tita-marco/
20.03.
Sellaronda Skimarathon
Ai 20 de merz dala 20:10 inant uniràl a s’l dé l Sella­ronda Ski­marathon, che pëia via y fina a Corvara. Ntëur la 20:10 passerà i partezipanc te Sëlva. Na bela ucajion per passé a cialé.

Temp Lede
13-15.03.
Scufoneda sun Lujia e Sèn Pelegrin
Da anché, 13 de mèrz, fin a domenia 15 sun Lujia e Sèn Pelegrin i Scufons del Cogo endreza la 29^ edizion de la Scufoneda con escurscions freeride, schièdes vintage, raides con la cèspes, festa e musega per duc i pascioné del ciucegn ledech.
14.03.
Frank Gambale te teater Navalge
Per la rassegna Dolomiti Ski Jazz, doman sabeda ai 14 de mèrz da les 21:00 te teater de Navalge l é l conzert »Frank Gam­bale All Stars«, con l chi­tarist de nonzech che à vent i Grammy Award. Entrè­da a paament.
15.03.
Snow Circus Event
En domenia ai 15 de mèrz sun Ciampac i jogolieres de Circensema endreza n labora­torie dedidcà ai più picoi con scomenz da les 10:30 ló da la stazion de la forenadoa e da les 11:30 spetacol su la neif.
16.03.
Yoga y paslunch
Pro le zënter de paslunch Alta Badia a Sciaré da San Ciascian vëgnel tigní vigni lönesc dales 10:30 n curs de yoga y pas­lunch. Por tó pert mësson se scrí ite sot a www.scuolafondo.it
17.03.
La Val: i te scinchi na storia
Mitans y mituns dla scolina é inviá en mertesc ai 17 de merz dales 14:30 te biblioteca a La Val, olache al vëgn cunté na storia.
18.03.
Cun e-bike y rodes da agüs söla nëi
La Scora de schi da Calfosch mët a jí vigni mercui na escur­jiun de »Snowbiking«, cun la e-bike y rodes da agüs söla nëi. An pëia ia dales 10:30 da Calfosch y an fej na roda cina al’Armentarola a San Ciascian. Prenotaziuns pro la Scora de schi da Calfosch, anter le de denant.
18.03.
Cui schi da sëra
Tl’Alta Badia pón jí vigni mercui cui schi ince da sëra, dales 20:00 ales 22:00 sön la pista »Doninz« a La Ila. Por podëi anuzé l’implant adoron na cherta dai schi che vel plü dis.
21.03.
Spring Race Party a Urtijëi
Do la garejeda dl Spring Race uniràl a s’l dé – domesdì via – la Spring Race Party tl zënter de Urtijëi, cun de bela mujiga; bars, butëighes y restauranc dajerà ora zeche de bon da maië y da bever.
Uni juebia
Ciaculon deberieda – per ladin
La Union di Ladins de Gher­dëina mët a jì la ancuntedes de »Ciaculon deberieda« per chi che scumëncia y chi che ulëssa miuré si ladin. N se anconta uni juebia dala 18:00 (ora che i dis de festa), tla biblioteca »Anda Malia da Cudan« tla Cësa di Ladins a Urtijëi. Unide nce Vo!