La Usc di Ladins

Te n valgügn agn, avisa tl 2031, podará l’Uniun di Iagri Badia festejé cënt agn dala fondaziun dl’uniun – chësc dat inviëia a ponsé do tan che la tradiziun dla ciacia tl raiun de Badia é tres ciamó sintida y sciöche i mëmbri se dá da fá por la tigní sö cun süa storia y sües tradiziuns. N vare important él gnü fat por l’uniun cun la realisaziun dla sënta di iagri nöia tla strotöra dl zënter de reziclaje a Sompunt. 
Chiló á i iagri en domënia ai 15 de merz por le pröm iade daurí la mostra di corgn di tiers stlopetá dl 2025 ala popolaziun.
La sënta n’é nia ma n punt d’incuntada por i mëmbri dl’uniun, mo ince na lerch por rové adöm cun la jënt. Chësc s’á tut dant i surastanc dl’uniun bele tl mëteman, canche ai á invié la popolaziun en ocajiun dla festa d’inaudaziun dla sënta a cuché ite te so »revier«. N’atra ocajiun da rové pormez al monn dla ciacia é gnüda a s’al dé l’ultima domënia canche al é gnü metü a jí la mostra di corgn di tiers stlopetá dl 2025. 

A passa 50 pers de corgn tacá fora y metüs sön cornisc de lëgn de vigni sort, á i spetadus podü ti ciaré. Düc chisc gnará dá jö por gní metüs fora ciamó n iade al’esposiziun distretuala de corgn de salvarjina, olache ai gnará valutá dala comisciun dla Lia di iagri dl raiun de Puster. 


Liede inant tla ediziun nöia, publicada en vëndres ai 20 de merz!