La Usc di Ladins

L é jit en archivie ence l’edizion 2026 del Vertical Bufaure, la garejèda de corsa sa mont endrezèda per l quinto an a do a do da la Coprativa sozièla Inout, col didament de la sozietà de impianc portamont Ciadenac-Bufaure e del Comun de Sèn Jan. Te la ciauda dì de bon temp, pruma del istà, domenia ai 21 de jugn, zirca 90 atlec à podù se meter a la proa enlongia l ert troi che rua sun Bufaure, con n dislivel total de zirca 750 metres e n percors de 3,5 chilometres.

Dal pont de veduda sportif, la classifiches les rejona dutes ladin, con de bela ventes da man de atlec de la valèdes dintorn l Sela. Anter i omegn prum a taèr la veta del travert l é stat l gardener Alex Oberbacher del team La Sportiva, che l à corì l percors anter l piaz de Comun de Sèn Jan e la piana de Bufaure tel temp stratosferich de 30 menuc e 25 seconc, nef recort per l Vertical Bufaure.

Podede lejer dut su La Usc stampèda dai 26 de jugn da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Thomas Zulian)