La Usc di Ladins

Sun Duron, sunsom Costa ciaval, l é stat metù fora da chi che laora colassù n scartabel nef dassen fora de anter con scrit su te trei lengac »Jì pian co la roda« e l é n scartabel tant enteressant che l merita de vegnir metù su su La Usc… ma ‘perché pa?’ ve domanarède. L é na moscia biencia: l avis l é per talian, per ingleis e sunsoravia, scrit più en gran, per fascian. L talian e l ingleis l é segur per se oujer ai ghesć, ma ence per ladin per se oujer dret ai fascegn. I fascegn i capissa istesc l scartabel, ence se l ladin no l fossa; ma proprio perché l é stat metù, ge vegn dat più valor a nosc lengaz.

Che él pa l linguistic landscape?
Fossa l »panoram linguistich«, duta canta la scrites che se veit e se lec tel spazie publich, che sie scartabie do strèda, inomes de boteighes e hotie, placac, scrites te coprativa, te comun, avisc publics, daperdut. Te na realtà de mendranza desche chela ladina l é de gran valuta ajache l é n strument per mesurèr la prejenza del lengaz de mendranza e entener sie raport con chel de maoranza.

Podede lejer dut su La Usc stampèda dai 7 de aost da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)

 (Nicoletta Riz)