La Usc di Ladins

»L é ventes che no se mesura sul tabelon. Se les mesura vardan n tous crescer, lascèr sia squadra, seghitèr a lurèr, miorèr, ge jir do a zeche de semper più gran… fin a l veder con la maieta de la Nazionèla. Lorenzo Crepaz, cresciù te la squadra del Fascia, l é jit inant te la Alps Ice Academy de Bornech e l é stat convocà desche portier de la Nazionèla talièna Under 20. Per nos chesta neva l’à na saor spezièla. Sion stolc de esser stac pèrt del scomenz de tie viac e amò de più stolc de veder olache l é do che l te porta to talent, ensema al lurier e a la determinazion.« L é paroles che aon tout da la piata Facebook di Fassa Falcons che à volù ge fèr la congratulazions a Lorenzo Crepaz.
Lorenzo l jia da portier te la Alps Ice Academy de Bornech olache l an passà l se à vadagnà l titol de mior portier Under 19 e chest an l é ruà de bela neves.


Podede lejer dut su La Usc stampèda dai 21 de aost da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Monica Cigolla)