La Usc di Ladins

L inverno pasà ‘l é śù duto polito, par el servizio de skibus in Anpezo, da menà ra śente su i inpiante da schie. Chesto m’à dito chi de Dolo­miti Bus, el presidente Andrea Biasiotto e ‘l aministrator Stefano Rossi, in Ciaśa de Comun in Anpezo, a parlà de el laoro fato e de chel da fei. Par el skibus de ‘l inverno pasà, el comun ‘l à betù deboto 400mile euro e anche ra doa asociazios de i hotiei e de i inpiante ‘s à betù del so. I à fato supośò 4.400 corses in duto, ‘na media de 46 a ‘l di, inze ‘l paes, e outre 1.300 fora dael paes, donca 13 a ‘l di.
»El skibus ‘l é un bon servizio, che dia ra śente a ruà su i inpiante da se montà e me dia nos a aé manco reśiro de machines par strada, donca un paes pi neto – ‘l à dito el capo­comun Gianluca Lorenzi Chenopo – e chesta r’é una sfida de Anpezo ves ra Olimpiades e ra Paralimpiades d’inverno 2026, par meorà un pas areota«. (MDM)

De plu tla edizion stampeda de La Usc di Ladins o sun l e-paper a paiament www.lausc.it/e-paper