Te Fascia l videoclip de Marco Ligabue

Data

25 de november 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L ciantautor, fra de Luciano, à cernù i lesc da marevea corii da la pruma neif e l videomaker da Cianacei Matteo Soraperra
Jouf de Sela, Jouf de Pordoi, Pecol, Pian de Schiavaneis, ma ence la diga e l lech de Fedaa. Chisc i posć olache l’é stat śirà l videoclip de la ciantia »Tra via Emilia e blue jeans« de Marco Ligabue, che l’é vegnù fora ai 2 de november e l’à jà abù n gran suzess.
L ciantautor de Correggio festejea, con chest toch autobiografich e n album che regoi si maores suzesc, 50 egn de vita e de cariera, en pèrt passé apede a so fra Luciano, duc dediché a la musega.
Per l video de na ciantia coscita rica de segnificac, Ligabue à cernù i paesajes de Fascia, tant che scuerc da la pruma neif e n videomaker fascian: Matteo Soraperra. »Zeche amisc che aon en comun ne à metù en contat – à dit Soraperra – e coscita se aon troà via per la metà del meis de otober per tor jù la scenes del video. L’é stat na esperienza n muie emportanta per me, ence percheche Marco, na persona n muie sorida e profescionala, me à lascià duta la libertà che volee per tor jù la scenes e fèr l montaje del video, che ades se pel veder sul canal Youtube de l’artist.«
Na bela ocajion ence per Fascia per se moscèr te sia viesta biencia a duc i fans de Ligabue e no demò.
»Mi prumes 50 egn – à dit Marco Ligabue – é stac dassen riches de amor, de cianties e de paladines rock’n’roll. Da canche scrivee cianties ma amò no aee l coraje de me fèr sentir tedant a n publich, fin a canche é troà la gaissa giusta per me meter a ciantèr, l’é stat n viac straordenèr che meritèa de vegnir fissà tel temp.«  (Monica Cigolla)