La Usc di Ladins

Don Mario Bravin l’é l nef vize ispetor di Studafech de Fascia. La nomina é stata fata amò tel meis de mé inant che vegne renovà la encèries del grop de Cianacei, de cheles che aon jà scrit su La Usc nr 21 del 2021. Se trata de na neva encèria che dant no era stata perveduda. L’ispetor Alessandro Pellegrin à spiegà che l’era una de la condizions che l’aea metù canche l’à tout sù la encèria de ispetor, aer valgugn apede che lo deide e che vae sul post canche el no pel jir. »Son jit te duc i gropes – à dit Alessandro – e ge é dit che aesse volù na persona desche vize, duc chi che à più che 10 egn de servije aessa podù se meter a la leta. I se à proponet de dotrei e l’assemblea del Distret à lità don Mario. Son content percheche don Mario l’à na bela gaissa, l se enteressa, l se enforma e l fasc. El l’à temp canche gio no n’é e vizeversa, l’é na bela colaborazion.«
Don Mario à tout sù bolentiera la neva encèria.

De più su La Usc stampèda de vender ai 18 de jugn.  (MCI)