La Usc di Ladins

Te n muie de nesc paijes l é n monument o na lapida per recordèr i sentadins morc en vera. L conseier de Comun de Mazin Luciano Costazzer, che l fèsc pèrt del grop mendranza consiliara Vardon Inant, l volessa che chest vegne fat ence te sie comun. Na mozion con la domana che vegne metù te cortina na lapida con i inomes di sentadins del comun de Mazin morc en vera la era stata portèda dant jà tel meis de dezember passà, ampò l’aministrazion no l’aea touta su ajache l era stat responet che no la era completa e fenida.

Do chesta resposta Costazzer se à dat jù te chisc meisc per chierir de troèr fora i documenc e i leames de chi inomes con si descendenc e aldò de sia enrescides l à portà dant na neva mozion, che vegnarà touta dant dal Consei de Comun de Mazin.

De più su La Usc stampèda de vender ai 17 de setember.  (LG)