Marco Mattia l é n inom oramai cognosciù tel panoram de la musega de nosc raion, l à scomenzà a se meter al luster da presciapech 10 egn desche component e autor tel grop Cajones, l à sonà e l sona te autre band, del 2016 l à dat fora n so CD dal titol ‘Maraveous’, l à scrit e fat arangiamenc e produzion per e con n muie de autres musizisć. Acà valch an l à ence avert n picol studie de registrazion, l ‘Cubo’ ja Pardac. L rencura con gran profescionalità la part tecnica per n muie de evenc, che chest an i lo à empegnà beleche duc i dis, ma l é amò jent che ge domana »ma tu, proprio proprio, che lurier faste?«.
Per chest sie canal youtube, marcomattia.music, l à na belota sigla ironica col titol »Ma tu Marco che lavoro fai?«. Chiò l publica video mingol didatics su la musega e so publich cresc semper de più ence sorafora nesc confins. Demò chest istà l é stat 7000 persone che se à scrit ite e l é contegnui che se arvejina a le 100.000 visualisazion.
Viver de musega no l é sorì, ma l é chel che Marco Mattia à dezidù de far, con talent, determinazion, empegn e desponibilità.
De più su La Usc stmpèda de vender ai 2 de setember- (Lucia Gross)
Na bela NEVA per produzion discografiche
Marco Mattia, da temp empegnà profescionalmenter te la musega, l à metù su na ‘etichetta’, na ciasa per dar fora prodoc musicai che à inom apontin ‘NEVA Dischi’ .
Galaria retrac
View the embedded image gallery online at:
https://www.lausc.it/valedes-ladines/fascia/20827-na-bela-neva-per-produzion-discografiche#sigProId0ae2e03e18
https://www.lausc.it/valedes-ladines/fascia/20827-na-bela-neva-per-produzion-discografiche#sigProId0ae2e03e18