La Usc di Ladins

N picol schiap de bezes e bec ne vegn encontra tel frabicat ex FUCI a Poza e i ge sauta te brac a Miriam, la patrona de cèsa che me compagna: de setember la scolina é serèda e i é duc chiò. I dessegna e i ne sporc picoi sfoes con cheres e bandieres dai colores brun e śal, ma ence vert, bianch e ros.

L é na bela atmosfera. Do aer domanà l consens Miriam me mena te una de la cambres: sun usc fèsc bela parbuda n gran bozol brun e daite, taché su dedant fenestra, na fila de balons da color. Olena ne speta, col picol Vladislav te brac.

Olena l é na tousa menuda, la é del 1991 e l à apedeju n auter fi biondin, Cyril de 5 egn. So om l é restà te l’Ucraina, no l pel lascèr l paisc desche duc chi che à anter i 18 e i 60 egn e no i à amancol 3 fies: si picol Vladislav l à podù l veder demò dal fonin.

De più su La Usc stampèda de vender ai 9 de setember.  (Lucia Gross)