La Usc di Ladins

Volede emparèr a ve zipièr voscia facera? Ve dijon co fèr. L é chest l obietif che ge é stat metù dant a la Scola Ladina de Fascia, e più avisa al Liceo artistich, che ensema col Grop de la Mèscres à dat fora l liber »Tia facera«. Ne à contà dut l professor Davide Deflorian, che à portà dant l projet ensema coi dozenc Tiziano Deflorian e Claus Soraperra.

"N liber de chesta sort te Fascia l menciaa - disc Deflorian - l é dut spiegà bel dalvers, che se zachei vel se far la facera l rua a se la far e ence a la depenjer. Jai egn l’era stat fat n liber de facere con Virgilio Soraperra de la Zoch, ma da enlauta le robe le é mudade, amancol desche metodologia de ensegnar a far facere. Noi a scola fajon ogne an mingol de facere e la pruma roba che dijon semper l é che ge vel tegnir cont che na facera la cogn vegnir metuda sul mus e star su sorì e zenza dar d’empaz, perché ti egn l é stat fat ence facere che no se podea durar ma demò tacar su, e chele no l é facere, l é valch auter. 

Podede lejer de più su La Usc stampèda de en vender ai 19 de jené.



 (Lucia Gross)