La Usc di Ladins

Da presciapech trei setemènes tel piazal dai auti tedant ai reparc extralimentères del Fassa Coop a Sèn Jan l é stat metù doi neves scartabie. L é doi segnèi che regolamentea la sosta di auti aldò del Codesc de la strèda e che belapontin la Coprativa de Sèn Jan à volù resservèr a doi categories spezièles: un per la femenes autramenter e i neogenitores e un per la persones con desabilità. 
De segur n bel segnèl de atenzion da man de l’azienda che sun chest tem é semper stata n muie sensibola.
Ampò su la costion de chisc posć col segnèl resa l é zeche che no va. Ne é stat dit che da pech l é stat n cajo de na femena fascèna che à metù ju l auto sul post resservà e l’à ciapà la multa, la se à lamentà e ge é stat dit che l’aessa cognù meter l contrassegn, la se out te Comun ma i ge à dit che no i ne n dèsc fora.  
L Comandant di Polins Gianluca Ruggiero ne à spiegà che »mencia amò l regolament de atuazion e donca te chest moment la norma no pol esser metuda en doura.«

Se pel lejer dut su La Usc nr 27 dai 18 de messèl: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.




 (Monica Cigolla)