La Usc di Ladins

Dotours
Dutor Gherdëina
L dutor de servisc da n sada ai 19.07. dala 08:00 daduman nchin la 08:00 daduman de n lunesc ai 21.07. ie la dutu­rëssa Janine Santifaller, che ie da urté tl ambulature dla dr.ssa Cordula Weber a Urtijëi, streda Trebinger 10, tel. 377/3132223.
Doturs Val Badia
Tla fin dl’edema di 19 y 20 de messé, él en sorvisc ti co­muns de Badia, Corvara y La Val le dotur Alberto Ca­retta, Badia, tel. 0471 839706 o 3803161999. Ti comuns de Mareo y San Martin de Tor él en sorvisc la doturia Marga­rethe Mahlknecht, La Val, tel. 349 0667034 o 0474 523018.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 18.07. nchin n vënderdi ai 25.07. ie chëla de S. Cristina, tel. 0471/ 792106 o 333/1776615 (orar de giaurida 8.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 18 de messé dales 19:00 al vëndres ai 25 de messé ales 19:00, é chëra da Corvara, tel. 0471 830237.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
22.07.
Ladins tl monn – nascion o pón ince deventé?
Dales 20:50 ca. N program de Esther Videsott, produziun Fusago, a cura de Leo Seno­ner.
23.07.
Trail Spezial
Dales 20:50 ca. A cura dla redaziun ladina.
24.07.
S-link – n monn digital
Dales 20:50 ca. N program de Cinzia Pistoia, a cura de Alessandro Dapunt.
Informazions plu menudes sun i programs de RAI Ladi­nia pón giaté sun www.raibz.rai.it – Sun l medem sit sarà i programs TV da vedei sot a »Mediateca« y les trasmi­scions radio sot a »Podcast«.

Radio
18.07.
Mooovex, na app nueva
Per i NCC che fej l servisc de mprëst per mené jënt ncantëur iel sën na nuvita tl ciamp nfurmatich. Na grupa de mprenditëures de Gherdëina à metù a jì n sistem digitel, na app che juda a mëter a jì miec y te na maniera plu efi­ziënta i viages y nce la tarifes aldò. Andreas Insam, Martin Bauer y Klaus Kaserer pre­jënta »Mooovex«, la app nueva. Trasmiscion de Simon Moroder.
20.07.
Emilia Bernardi conta de si viac tl’Australia
La persona va de viac per d’uni sort de rejons, per se refé y paussé ti mucian ala vita da uni di, per rejons de lëur, ma nce per mparé velch de nuef o per ti jì do a pascions. Emilia Bernardi de Urtijëi, nes conta de si viac de mez ann tl’Asia y tl Australia, ciuldì che la à tëut la dezijion de fé chësta esperienza, ciche la à udù y ciunes che fova la nde­sfides dan y ntan l viac. Tras­miscion de Valeria Bernardi.
23.07.
Ladinia Live. Le autism danter familia, scora y sozieté
Te chësc program nes cunta Michaela Kostner dl Sorvisc spezialistich sozial Autism-ASD, dl desturb dl spectrum dl autism. Plü avisa nen vára de co che les porsones atocades da autism vir le contest fami­liar, scolastich y sozial. N program de Sara Frenner.
27.07.
La copa dal cafè. L daunì dla dlieja
Danter scandui, stritoc y vieres …co stala pa cun l cristiane­ijim? Tlo da nëus va la religion do jù. Ma ie pa chël vëira? Program de Hugo Senoner.
21.07.
Nicolaus Cusanus (2)
Nasciù tl 1401 ti Paejes Tu­dësc, àl riesc mustrà si nteres per la cultura y l savëi scien­tifich studian teologia y filo­sofia, ma nce se dajan ju cun la matematica y l’astro­nomia. Nicolaus Cusanus fova n eclesiastich reformist che ova nce de bon raporc cun i cërtli plu auc dla dlieja a Roma. Tl 1450 ie Cusanus unì numinà vescul de Persenon, ma si raporc cun l reniant dl Tirol Grof Sigismund fova plutosc cumplichei, cossa che ne à nia sauridà si prejënza tl raion. Cun l dr. Alexander Prinoth tulons sot al udlon n personaje mpurtant dl umanesim mittel­europeich. Program de Leo Senoner.

Iadi y Jites
Atualmënter
Iscrizions: Viac de 5 dis tl Saarland
La grupa KVW de S.Cristina mët inò a jì n viac da d’autonn, chëst iede tl Saarland cun la Region dla Mosel y Luxem­burg, dai 1. al 5 de utober. Per plu nfurmazions y iscri­zions: Emmerich Senoner, 335 5713575.
4.07.
Jita tla Val Travenanzes
La Grupa »Nëus jon pa bel plan« mët a jì chësta jita n juëbia ai 24 de lugio. L sará da ji de n dut ca. 5,5 ëura cun n deslivel de 400 metri suvier y 1.200 metri juvier. L vën pià via dala 7:15 da Plaza S. Antone y pona damprò ite, da tò pea iel da maië y da bever ora de flucion. Iscrizions nchin ai 22.07. da Ciofes Inge a Urtijëi, Malsiner Soriva a S. Cristina o Sport Bruno Riffe­ser te Sëlva. Per plu nfur­mazions: 328 914 6844 (Ar­thur), 334 720 1650 (Paola), 338 836 2004 (Valentin) o 320 045 4724 (Helmuth).
27.07.
Jita sun la Gran Windschar 3041 m
La Lia da Mont Gherdëina nvieia a chësta jita n dumënia ai 27 de lugio. L vën pià via dala 6:00 da Sëlva demez cun la curiera, che fërma pona damprò ora. L se trata de na jita plutosc ria cun n deslivel de 1.453 m, ulache l uel vester n var segur. Da jì iel de ndut za. 7,5 ëura. Iscrizions: dal lunesc 21.07. nchin a n juëbia 24.07. per WhatsApp al 338 89 88 620, scrijian l inuem y ulache n sënta su. Per plu nfur­mazions: Silke, 339 7160765.
08. – 10.09.
Pelegrinaje tla Slovenia
Le KVW Val Badia organisëia n pelegrinaje tla Slovenia cun siur degan Iaco Willeit, ai 8, 9 y 10 de setëmber. Prenota­ziuns y informaziuns pro Chri­stoph Pezzedi al 333 721 9535 o ala mail crix.pezzedi@gmail.com .

Sport
18-19-21.07.
L Genoa coi fan e sul ciamp
Doman, sabeda ai 19 de messèl da les 15:30 sul ciamp de balon Benatti de Moena l é la partida da peconc del Genoa contra l 1. FC Kaiser­slautern, formazion de la se­conda division todescia. I atlec e staff rejona col publich insnet, vender ai 18 da les 21:00 a La Gran Ciasa a So­raga e lunesc a 21 da les 21:00 te piaz de Cianacei.
23.07.
Juech de amezizia Danter l FC Gherdëina y La Spezia Calcio
Nce chëst ann sarà la scuadra de La Spezia dla Liguria a S. Cristina per si alenamënc da d’instà. Ai 23 de lugio dala 18:30 jugherài n juech de ame­zizia contra l FC Gher­dëina sun l ciamp de Mulin da Coi.

Mostres y Ert
Atualmenter
Mostra Genius a Vich
Fin ai 22 de aost te la scoles populères de Vich se pel veder la mostra ‘Genius–Leonardo da Vinci anter èrt e scienza’ endrezèda dai studenc del liceo scientifich e artistich de la Scola Ladina en colabora­zion con l Ecomuseo de la Roggia Mora de Vigevano: de lunesc, mercol e jebia da les 15:00 a les 19:30 e da les 20:00 a les 22:00; de mèrtesc, vender e domenia demò domesdì, de sabeda serà.
Atualmenter
Insec africhegn en mostra al MUSE
Fin ai 3 de aost al MUSE de Trent te la ‘Foresta tropicale montana’ se pel veder ence la mostra »Bugs’ life« te su la marevees di invertebré de l’Africa. I insec con formes e colores da marevea é metui fora respetan sie esser e la segureza di vijitadores. L MUSE é avert dal mèrtesc al vender da les 10:00 fin les 18:00 e de sabeda, domenia e festes fin les 19:00.
Atualmenter
Operes de Matthias Sieff a Limone
L’à inom »Presenze« l’esposi­zion che l cognosciù artist da Ciampedel Matthias Sieff met fora tel Parco Villa Borghi a Limone sul Garda. Sia carateriestiches gran operes restarà fora da poder veder per dut istà, enscin al meis de otober.
Atualmënter
Mostra coletiva »L sonn dl cheder«
Tla galaria Vijion a Puntives ie metuda ora la mostra »L sonn dl cheder«, na mostra coletiva cun opres di set artisć nternaziunei Manuela Bede­schi, Flavio Senoner, Karsten Hein, Rabeah Mashinchi, Jeremi Ca, Gerhard Hotter y Laura Pan. La mostra resterà da udëi nchin ai 19 de lugio, dal lunesc nchin sada dala 16:00–19:00, o cherdan su l 338 2098697.
Atualmënter
Formes y culëures
La mostra dl turnadëur Andreas Senoner tl Tublà da Nives te Sëlva resterà davierta nchin ai 3 d’agost uni di ora che l lunesc, dala 16:00 ala 19:00. Merdi, mierculdi y vënderdi nce dala 20:00 ala 22:00.
Atualmënter
»Ristla«
La mostra tl Circolo–Lia Mostra d’Ert resterà da udëi nchin ai 23 de lugio, dal merdi ala dumënia dala 16:00–19:00 y de sada y dumënia nce dan­mesdì, 10:00–12:00. Ntan la finissage ai 23.07. gëura la mostra bele dala 14:00.
Atualmënter
«Cie giapa pa l paur?»
L Museum storich-culturel dla Provinzia de Bulsan Cia­stel Tirol, nvieia de cuer ala mostra de Elisabeth Frei «Was kriegt der Bauer» («Cie giapa pa l paur?»), che resterà da udëi nchin ai 9 de nuvëmber.
Atualmënter
Mostra Idea UNIKA 2025
Ntan chësc instà vëniel metù ora la mostra Idea Unika tl zënter de Urtijëi, sun Pana y tl raion da jì a pe de Sëlva, ulache artisć:tes dl luech prejenterà si lëures nchin a mez setëmber.
Atualmënter
Mostra de fotografies vedles
Tl gran salf dl Istitut Ladin a San Martin él da odëi na mostra de fotografies vedles da San Martin. La mostra é daverta cina a chësta domënia ai 20 de messé, vigni de dales 9:00 ales 12:00 y dales 15:00 ales 18:00.
Atualmënter
Mostra »Le lu é chiló«
Te Ciasa dl parch a Al Plan él da odëi fina al 31 d’otober la mostra »Le lu é chiló«, olache al vëgn tematisé le lu che popolëia indô i raiuns dles Alpes, la reaziun dla porsona y co che la presënza dl lu nes müda nos, müda nostes contra­des y la manira da tigní tiers.
Atualmënter
Mostra: »Countdown to mass extinction?«
Cina al 31 d’agost él ciamó da odëi tl Museum Ladin Ciastel de Tor la mostra spe­ziala »Countdown to mass ex­tinction?«. La mo­stra se dá jö cun la plü gran estinziun de massa tla storia dla tera, en relaziun cun la crisa climatica d’aldedaincö.
Atualmënter
Mostra de Lois Anvidalfarei
»Cina ai 16 d’agost él da odëi tl Musum dla cité de Tlüses, str. Frag 1, la mostra »Corpus meum« de Lois Anvidalfarei. La mostra é daverta dal mer­tesc ala sabeda dales 9:30 ales 12:00 y dales 15:30 ales 18:00. Domënia y lönesc ésera stlüta.
18.07.
Giaurida dla mostra »Eden«
Tla biblioteca Tresl Gruber a S. Cristina vëniel giaurì la mostra Eden, cun chedri de Michela Piazza y poejies de Nadia Rungger–n vënderdi ai 18 de lugio dala 18:00.

Mujiga
Uni vënderdi
L sona i corni da mont
Te Val puderàn scuté su uni vënderdi for dala 16:30 inant, n cunzert de corni da mont.
18.07.
Conzert dla Musiga da La Pli
Incö vëndres ai 18 de messé dales 21:00, sön paiun d’Al Plan.
18.

• 
•  

View the embedded image gallery online at:
https://www.lausc.it/manifestazions-y-evenc/29957-manifestazions-atuales#sigProIdf00568b59b

y 19.07.
Gadersound a Pidrô
Chësc vëndres y sabeda, ti Plans dl Galber. Vëndres dales 17:00 ales 2:00 sona »De Strangers and Galas«, »Catch a Fyah«, »Patois Brothers« y »Shanti Powa«. La sabeda da doman gosté y dales 10:30 ales 14:00 »Yoga Amiga« y ativités por families, dedô musiga cina ales 2 de nöt cun »Chasing Rabbits«, »Blind Apex«, »Panda la 9«, »Skassa­punka«, »Après la Classe« y »Rebel Rootz«.
20.07.
Conzert del pianist Paolo Bernard
En domenia ai 20 de messèl da les 21:00 te chino Marmo­lèda l é l conzert del pianist da Cianacei Paolo Bernard che sona museghes de Schu­bert, Chopin, Brahms e Debussy.
20.07.
Cianté y soné sön munt
L’iniziativa dl »Cianté y soné sön munt« tl’Alta Badia vá inant. En domënia ai 20 de messé dales 13:30 inant él da aldí i »VolxBrass«, tla Ütia Scotoni a San Ciascian.
20.07.
Tribut al Chum sun Valbona
L Fascia Panorama Music endreza en domenia ai 20 de messèl da les 11:30 al Chalet Valbona sun Lujia l Chum Tribute di »Maestres de schi« de Fascia.
20.07.
Matinée cun la »Ganes«
N dumënia ai 20 de lugio vëniel metù a ji na matinée cun la »Ganes«, dala 11:00 nchin la 12:30 pra la dlieja da Sacun/Urtijëi.
22.07.
Cunzert: La cater sajons de Antonio Vivaldi
Ai 22 de lugio sunerà l Ensem­ble criatif, metù adum da de plu solisć de strumënc de urchestres talianes, l bel cun­zert de »La cater sajons« de Antonio Vivaldi. I sunerà tla dlieja de Sëlva dala 21:00 inant.
22.07.
Conzert dla Musiga da San Martin
En mertesc ai 22 de messé dales 21:00, tl zënter a Lun­giarü.
22.07.
Bal populer a Urtijëi
I balarins y la balarines dla Grupa Bal Populer de Urtijëi balerà ai 22 de lugio dala 21:00 tl zënter de Urtijëi.
23.07.
Vibes meets voice
Tl Zënter Iman a S. Cristina puderàn scuté su l duo de Georg Malfertheiner y Evi Mair, ai 23 de lugio dala 21:00. L duo sona y cianta drë’ dl dut, dal jazz nchin al funk.
23.07.
Sëira tiroleija: bai, mujiga y trohtes
Sun Plaza de Chemun de Sël­va saràl ai 23.07. dala 21:00 inant na sëira tiroleija, cun bai, mujiga y trohtes tradiziu­neles.
24.07.
Cunzert dla Mujiga de Urtijëi
La Mujiga de Urtijëi sunerà ai 24 de lugio dala 21:00 inant sun Plaza de San Durich.
24.07.
Cunzert dla Mujiga de Funes
La Mujiga de Funes sunerà ai 24 de lugio dala 21:00 inant sun Plaza de Chemun de Sëlva.
25.07.
Conzert dla Musiga d’Al Plan
En vëndres ai 25 de messé dales 21:00, sön paiun d’Al Plan.
26.07.
Jëuni Rocking Sëlva
Nce chëst ann mët i Jëuni de Sëlva a jì l festival de mujiga, n sada ai 26 de lugio dala 18:00 inant sun Plaza de Che­mun te Sëlva. L sarà na bela sëira de mujiga cun aurela curta, zeche de bon da maië y da bever.
26.07.
Galà lirich de Mozart a Moena
En sabeda ai 26 de messèl da les 21:15 te tater de Navalge la sociazion Le Muse e le Do­lomiti e la Sociazion Au­rona prejenta l Gran Galà lirich con »Così fan tutte« de W.A. Mozart con Claudio Vadagnini al piano e Mirko Corradini a la regia.

Segres y Festes
19.–20.07.
Segra de Santa Cristina
Doi dis de festa tl Zënter Iman: n sada ai 19.07. scumen­cia la festa dala 18:00 inant. N dumënia ai 20 scumenceràn dala 09:30 cun la Santa Mëssa y la defileda. L ne mancerà sambën nia da maie y da bever per duc.
23.07.
»Paisc en festa« a San Ciascian
En jöbia ai 23 de messé, dales 16:00 inant, tl zënter da San Ciascian. Al sará n marcé de produc artejanai, animaziun por mituns y spezialisés gastro­nomiches. Le domisdé vëgn abelí dala musiga de »Julian & Band« y »Vic&Da­niel«. Da sëra sona spo »Louis & The Space Travellers« y »Alexander dal Plan«.
26.07.
Bal dles Stries sön Börz
En sabeda ai 26 de messé él sön Börz le Bal dles Stries. Dales 15:00 inant program y ativités por mituns, dales 17:30 »Le ciastel dles Stries« cun le Cor Antervoisis y André Comploi. Dales 19:30 sona »Louis & The Space Tra­vellers«, dales 21:00 bal dles stries cun Max Castlunger y Sissamba, dales 22:30 sona le grup »Bards from yesterday« y dales 00:30 musiga cun »Marco-o«.

Temp Lede
Uni lunesc
Kids Night – juesc y deverti­mënt per mutons y mutans
La Lia dl Turism de Sëlva nvieia a chësta manifestazion, che vën a s’l dé sun Plaza Nives te Sëlva dala 20:30 inant uni lunesc nchin ai 25 de agost.
Uni mierculdi
Sëira de juesc cun la lia Trix
La lia Trix nvieia a de bela sëires de juesc da mëisa, uni mierculdi (nchin ai 13.08.) dala 19:30 inant sun la plaza dan la biblioteca Tresl Gruber a S. Cristina. L sarà da abiné velch per uniun:a!
Uni juebia
»Flying Aperitivo«
La manifestazion unirà fata da juni nchin tl scumenciamënt de setëmber, uni juebia, dala 18:00 nchin la 19.00 sun Pana. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif. Da bur’ tëmp vën la manife­stazion spënta. L ie dase scrì ite nchin al di dant pra la Lia dl Turism de Santa Cristina o diretamënter pra l mplant dla Mont Sëura.
Uni vënderdi
Aperitif a Urtijëi
Dala 18:00 nchin la 20:30, uniràl pità de bon aperitifs tla ustaries dl zënter de Urtijëi, for de vënderdi (ora che ai 25.07., 15.08. y 29.08.). Sam­bën ne manceràl nia de bela mujiga.
18.07.
La majera jufa dl mond
Ai 18 de lugio dala 21:00 inant uniràl fat la majera jufa dl mond sun Pra da Nives te Sëlva.
20., 22. y 24.07.
Kidshour – devertimënt por mituns sö alalt
Pro le parch »Movimënt« sön Piz La Ila vëgnel metü a jí vigni mertesc, jöbia y domënia jüc, animaziun y devertimënt por mituns da 5 a 10 agn, dales 13:30 ales 17:00.
21. y 28.07.
Pastelné cun materiai naturei
Sun pitla Plaza de Sant Antone a Urtijëi puderà i mëndri y la mëndres pastelné cun materiai naturei (puc, rames, pleces, ciofs, y n.i.): ai 21 y ai 28 de lugio dala 14:30 nchin la 18:00. Priesc: 15-20 €.
Dai 21.07.
Chino per mutons
Tla biblioteca de San Durich a Urtijëi uniràl mustrà films per mutons:ans: uni lunesc dai 21 de lugio inant per de ndut cater iedesc, for dala 17:00. L prugram ie da abiné te biblioteca.
22.07.
»I te scinchi na storia«
En mertesc ai 22 de messé dales 16:00 vëgnel tigní te bi­blio­teca da La Val na incun­tada por mitans y mituns da 3 agn insö.
23.07.
La Val: imparé a conësce i stödafüch
I Stödafüch da La Val pîta la poscibilité da jí a ti ciaré a so magazin y descurí les mascins, en mercui ai 23 de messé dales 21:00 ales 22:00.
23. y 24.07.
Nos Ladins cun David, Rosa y Tone
Tres l’iniziativa »Nos Ladins« pón descurí deplü sön le monn ladin y sön i mistiers de nosta jënt. En mercui ai 23 de messé él le cogo David che tëgn n curs da cujiné sön munt a San Ciascian; ai 24 de messé pón descurí la vita söl lüch da paur cun Rosa y Tone a Alfarëi/Badia. Iscriziuns online o ti ofizi turistics dl’Alta Badia.
23. – 25.07.
»S’incuntun te biblioteca«
Mitans y mituns dla elemen­tara é inviá te biblioteca olache al gnará cunté stories, fat jüc y pastelné. An s’incunta en mercui ai 23 de messé dales 15:00 a Calfosch, en vëndres ai 25.07. dales 15:00 a La Ila y le medemo de dala medema ora ince a Al Plan.
24.07.
Badia: devertimënt por mituns
En jöbia ai 24 de messé dales 15:00 pó mitans y mituns da 3 a 12 agn tó pert a n domisdé cun Rossana y Monica, tl »Summer Park La Crusc«. I mituns pó imparé deplü sön i minerai y ai pó ince pastelné val’ cun les peres. Iscriziuns online o ti ofizi turistics dl’Alta Badia.
24.07.
Sëira de aventura per mutons:ans
Na sëira de aventura cun juesc y surprëijes per mutons:ans vën metuda a jì ai 24 de lugio dala 20:00 inant tl Zënter Iman a S. Cristina.
25.07.
Cumpré ite da sëira a Urtijëi
La butëighes de Urtijëi sarà daviertes n vënderdi sëira ai 25 de lugio dala 21:00 nchin la 22:30.
25.07.
Sparkling Summer Nights a Urtijëi
N vënderdi ai 25 de lugio dala 21:00 inant puderàn se la lascé ji bona ntan la »Sparkling Wine Night« tl raion da jì a pe de Urtijëi: la butëighes sarà daviertes nchin la 22:30, i locai dajerà ora da bever y l sarà de bela mujiga.

Avisc
Atualmenter
Jon a pe… Vegneto?
L Comun de Sèn Jan à abù na bela pissada, ajache jir a pe fasc ben a la sanità, fat de seghit l val l dopie e ensema a autra jent l é ence gustegol. Se se troa vigni mercol da le 9 dadoman te piaz dal Mal­gher, per far n troi sorì che pel far duc, compagné da n volontadif de Sèn Jan. Baste se tor do ciuzè sorii, mingol de aga e la voa de star ben.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmenter
Giramuseo al Museo Ladin
Per duit istà vigni lunesc con scomenz da les 10:00 l staff del Museo Ladin de Fascia endreza Giramuseo, na raida a descorir la esposizions per duta la familia.
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cu­mëmbri dla Lia Gaia.
Uni merdi
Marcià tradiziunel di paures y di artejans
Uni merdi, for dala 19:00 nchin la 22:00, saràl l marcià di paures y di artjenas tl zënter de Santa Cristina. Uni ena unirà prejentà n mestier da artejan y l ne mancerà nia ntratenimënt de mujiga.
Uni mierculdi
Marcià de prudoc dl luech
L pitl marcià de prudoc dl luech sun Pitla Plaza de Sant Antone a Urtijëi sarà inò daviert dai 2 de lugio inant, uni muerculdi dala 15:00 nchin la 19:00.
Uni mierculdi
Marcià de sëures y de tradizions
Uni mierculdi nchin ai 6 de agost saràl sun Plaza Nives de Sëlva, for dala 14:30 nchin la 19:00, n marcià de sëures y de tradizions, ulache n possa ti cialé, purvé o cumpré de bela cosses dl artejanat tradi­ziunel y maië velch de bon dl raion.
18.07.
Scontrèda con Valentina Mastroianni
Insnet, vender ai 18 de messèl a La Gran Ciasa a Soraga da les 21:30 l é na scontrèda con la scritora Valentina Mastro­ianni che prejenta sie liber ‘Sarò i tuoi occhi’, la storia de amor anter na mère e sie fi picol se n jit massa prest per na malatia rèra.
18-20.07.
La Bira te Fascia
Al Fassa Park de Cianacei l é l festival »La Bira te Fascia«: anché vender ai 18 e doman sabeda ai 19 da les 16:00 a les 24:00 e en domenia ai 20 da les 12:00 a les 24:00 degu­stazions de bires de produtores artejanèi, magnadiva locala, laboratories e da sera musega dal vif.
19.07.
Roberto Saviano a Cianacei
Doman, sabeda ai 19 de messèl da les 21:00 a Cianacei lo da La Baita, l Comitat Manifesta­zions endreza l event con Roberto Saviano con l recital teatrèl »L’amore mio non muore« da so ultim liber. Biliec su ticketone o ti ofizies ApT.
20.07.
Sègra de Mazin
En domenia ai 20 de messèl l é sègra a Mazin. Se taca ite da les 9:00 con la messa te la gejiola e sobito do l é n picol conzert del Bandin de Tieser.
20-22.07.
Apuntamenc de Ispirazions d’istà
En domenia ai 20 de messèl da les 21:00 te gejia de Pera l é l enconter con frate Vito D’Amato che rejona de la fegura de Chiara Corbella Petrillo. En mèrtesc ai 22 da les 17:30 a La Gran Ciasa a Soraga scontrèda con Antonio Preziosi che prejenta un de si ultimes libres dal titol »Linea Segreta«.
21-24.07.
Lara Corturi e Mirko Gasperotto a Poza
En lunesc ai 21 de messèl da les 21:15 te piaz de Comun a Poza tel chèder de la rasse­gna »Ad alta voce« del Comitat manifestazions con Virna Pierobon l é na scontrèda con la atleta Lara Colturi, amba­sciadora de Fascia a la Olim­piades 2026. En jebia ai 24 Mirko Gasperotto prejenta sie liber »Manes«.
22.07.
Entorn Vich
En mèrtesc ai 22 de messèl fora per l paisc de Vich con sco­menz da les 19:30 vegn en­drezà Entorn Vich, n per­cors anter saores e tradizions ladines.
23.07.
La Val: informaziuns sön la coope­rativa y sön les plazes da parché
L’aministraziun dl Comun da La Val inviëia döta la popo­laziun interessada a na sëra d’informaziun, en mercui ai 23 de messé dales 20:30, tl salf dles manifestaziuns Do­mëne Moling. Al gnará infor­mé sön la cooperativa de co­munité »Pares« y sön la re­golamentaziun nöia, por ci che reverda les plazes da parché.
23.07.
Romina Casagrande a Moena
En mercol ai 23 de messèl da les 17:30 te piaz Perle Alpine a Moena tel chèder de la rasse­gna Moena Incontri l é na scontrèda con Romina Casa­grande che prejenta sie ultim liber »I quattro venti«, na storia de cronaca neigra del 2021 tel Sudtirol.
23.07.
L sport per la formazion di joegn
En mercol ai 23 de messèl da les 20:30 te sala del Consei de Comun de Sèn Jan per en­drez del Hockey Club Fascia Falcoins vegn metù a jir na scontrèda col coach Pat Cor­tina e l mental coach Enrico Spinelli su l’empor­tanza del sport per la forma­zion di joegn. Duc é envié.
26.07.
Marcià di pulesc
L VKE Gherdëina met a jì n marcià di pulesc per mutons y mutans fat da mutons y mutans, n sada ai 26 de lugio dala 14:30 nchin la 17:30 sun Plaza Rezia a Urtijëi. N possa se nuté su nchin ai 24.07. dala 18:00 da Kathrin tres Whats­App al 3387327860. Sce l ëssa da vester bur tëmp vën la manifestazion desdita.

Chino
Atualmenter
Al chino de Pardac
Doman, sabeda ai 19 de messèl da les 21:15 e domenia ai 20 da les 17:00 l é »Dragon Trainer«, domenia ai 20 da les 21:00 l é »Mission Impos­sible«, lunesc ai 21 da les 21:15 l é »F1« per ingleis e mercol ai 23 da les 17:15 l é »Lilo & Stitch«. Info su www.cinema predazzo.it
Atualmenter
Al chino de Tieser
Doman, domenia ai 20 de messèl da les 21:15 l é »F1», lunesc ai 21 da les 16:15 l é »Moon il panda« al priesc de 3,50 euro e da les 21:15 l é »Follemente« al priesc de 3,50 euro; mèrtesc ai 22 da les 17:00 en 2D e da les 21:15 en 3D l é »Superman« e jebia ai 24 da les 17:00 en 2D e da les 21:15 en 3D l é »I fantastici 4«. Info su www.cinematesero.com

Sozial
Atualmenter
Tel bosch co la jent de età
La sociazion Rencureme e Spazio Argento del Comun General de Fascia endreza spazirèdes te la natura per persones dai 65 egn en su, con Katiuscia Rasom e Ta­tiana Tulini espertes de Bagn de Bosch (Forest Bathing). Da les 14:00 ai 3, 10 e 17 de messèl. Ge vel se enscinuèr chiaman Katiuscia al 393 3377940 o Tatiana al 349 5455352.
Atualmenter
Portel de scout mediazion familia
L Comun General de Fascia con ALFID Onlus à avert n portel de scout, orientament e mediazion familiara per la relazions te cèsa. L é avert a duc e debant a Sèn Jan te Stra­­da di Pré de Lejia 12 su apun­tament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incun­ta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 169 8343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le pro­scim termin é al 31 de messé. Al vëgn dé fora da mangé a dötes les porsones dla Val Badia che á debojëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
27.07.
Marcé de benefiziënza a La Ila
En domënia ai 27 de messé dales 15:00 ales 19:00 vëgnel tigní tla Ciasa dla Cultura a La Ila n marcé de benefiziënza. Al vëgn venü cosses fates a man y patüc da mangé fat te ciasa. Ci che vëgn trat ite vëgn tut por finanzié n proiet de benefiziënza tl Uganda. Orga­nisaziun: Uniun Ëres La Ila.