La Usc di Ladins

L’ospedal é öna de chës strotöres cun chëra che vigni porsona á da fá tla vita. Nia ma canche an vëgn al monn, mo ince zënza canche ara sceca de val’ vers cun la sanité – por valch deplü, por valch demanco. L’ospedal de referimënt por la jënt dla Val Badia é chël da Bornech, y an podess dí che al é n cantier permanënt. Tres indô vëgnel lauré por comedé, renové, mioré y ince amplié. Chësc vëigon dantadöt ince sëgn, olache al é tl laur da garaté operes de gran importanza. Un di responsabli por che i laurs vais inant sciöche al toca é Klaus Mutschlechner, injenier d’Al Plan che é dal 2021 incá diretur tla repartiziun tecnica dl raiun sanitar de Puster. Chësc tol ite i ospedai da Bornech y da Sanciana. I un orü se incunté impara, por nes lascé splighé plü avisa ci che al vëgn fat, ci che al gareta de nü y ciünes che é les desfides ascognüdes doía.

Deplü podëise lí t’La Usc di Ladins di 18 de messé.  (pablo)