La Usc di Ladins

En vender ai 11 de messèl l é stat compagnà te sie ultim viac Alceo Pastore da Moena, se n jit a l’età de 90 egn ai 9 de messèl. Alceo l era cognosciù da duc te Fascia e foravia ajache l é stat na fegura dassen emportanta per l sport da d’invern, a chel che l ge à dat pascion, dedizion e anteveder.

Dal lech de Garda l se aea tramudà a Moena e l se aea sobito dat ju te chest setor: con la gestion del prum impiant portamont sun Pas de Pordoi del 1964 e dapò col tor pèrt al projet inovatif del Dolomites Superski.

L é stat un di fondadores e prum president del Ski Team Fascia, che del 1980 à metù su na squadra agonistica de aut livel de la categoria joegn, metan ensema i atlec di schi club Vajolet, Marmolada e Monti Pallidi. L é stat na idea inovativa che aea desche obietif, che dapò l’à arjont, chel de formèr e portèr i miores schiadores te la Nazionèles.

Se pel lejer dut su La Usc nr 27 dai 18 de messèl: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (MCI)