La Usc di Ladins

L Consei de Comun de Moena, chiamà ite ai 31 de messèl, se à avert con la comunicazions del ombolt: Alberto Kostner à confermà la nomina de Giancarlo Ramus desche president del Comitat de Moena per la Marcialonga, desche ti egn passé. Semper a Ramus, ai 22 de mé, ge era jà stat dat la encèries per programazion e studie sun gran operes, viabilità, fontènes renovaboles e sostegnibilità. Ramus podarà tor pèrt zenza derit de stima a la scontrèdes de la Jonta, zenza nesciuna indenità.

L pont fosc più delicat, con Ramus e Degiampietro che é jic fora da la sala, l é stat chel che revèrda i lurieres de demolizion e recostruzion en deroga con mudament de destinazion per pruma abitajon del tobià de chi del Sandro sa Someda, che fèsc pèrt del zenter storich. L projet perveit de desfèr ju l tobià, numerèr i elemenc blockbau e tegnir dut chel che l é meso per la recostruzion, con daite sostegnes de acèl e col medemo volum e garasc te tera. L Consei à aproà la deroga con l'astenjion de la conseiera Annalisa Zorzi.

De più su La usc stampèda de en vender ai 8 de aost del 2025  (LG)