La Usc di Ladins

Te la rubrica "Cartolines da Fascia" tolon su la segnalazions che ne rua de nesc letores: l obietif no l é chel de cusèr nesciugn, ma de envièr chi che ge pervegn o che pel fèr vèlch, a rencurèr più delvers nesc paijes. Na bela parduda l é na bela cartolina.
Chest’outa ge lascion lèrga a na segnalazion che rua da na persona che à n cartier a Poza e la vegn chiò en ferie da n muie de egn. L retrat moscia la strèda de Meida, visavì piaz Deodat de Dolomieu (olache l é la speziaria). Chiò no l é beleche nia marciapé, ma n muret con sunsora pien de erbes, che fèsc dalbon na burta parbuda. Fossa bel che l vegne metù a post ence per la segureza de chi che va a pe.